ދެކުނު އެމެރިކާގައި ބްރެޒިލް ނަގާފައި، ދެވަނައަށް އެންމެ ބޮޑު އިގްތިޞާދެއް އޮންނަ އާޖެންޓީނާގައި ޑޮލަރު ލިބުން އިންތިހާއަށް ދަތިވެ، ޗައިނާގެ ފައިސާ، ޔުއާން، ބޭނުންކުރުން ރިކޯޑް އަދަދަކަށް މައްޗަށް ގޮސްފިއެވެ.
ޔަހޫ ފައިނޭންސް ނޫހުގައި ޝާއިޢުކޮށްފައިވާ ރިޕޯޓެއް ބުނާ ގޮތުން އެމެރިކާގެ ބޮޑު ކުންފުންޏެއްކަމަށްވާ ވާލްޕޫލް ކޯޕަރޭޝަނުންވެސް (ކުންފުނީގެ އަހަރީ ވިކުރާއަކީ 20 ބިލިއަން ޑޮލަރު) ދަނީ އާޖެންޓީނާގައި ޔުއާން ބޭނުންކުރަން ވިސްނަމުންނެވެ. އެއީ އެކުންފުނިން އާޖެންޓީނާގައި އާކާރުޚާނާއެއް ބިނާކުރަން ބޭނުންވާ ބައިތައް ، ބޭރުން އިމްޕޯޓްކުރަން ޖެހިފައިވާތީ، މިތަކެތީގެ އަގު އަދާކުރަން ޑޮލަރު ލިބެންނެތީމައެވެ.
ޔަހޫ ފައިނޭންސުން ބުނާ ގޮތުގައި އާޖެންޓީނާގައި ޑޮލަރު ލިބުމުގެ ދަތިކަން ބޮޑުވެފައިވާތީ ، ވާލްޕޫލްފަދަ އެތައް ކުންފުންޏަކަށްވަނީ ބައިނަލްއަގްވާމީ ވިޔަފާރީގެ މުއާމަލާތްތައް ކުރަން ، ޔުއާން ބޭނުންކުރަން މަޖުބޫރުވެފައެވެ.
"މަރުކަޒީ ބޭންކުގައި ޑޮލަރެއް ނެތް. އެހެންވެ ، މިކުއްލިހާލަތުގައި މަރުކަޒީ ބޭންކުން ޗައިނާގެ އެހީ ބޭނުންވޭ." އާޖެންޓީނާގެ ވެރިރަށް ބިއުނޮސް އެއިރިސްގައި މަސައްކަތްކުރަށްވާ އިގްތިޞާދީ މާހިރެއްކަމަށްވާ މާސެލޯ އެލިޒެންދޯ ވިދާޅުވިއެވެ.
ޔަހޫ ފައިނޭންސުން އިއްޔެ ބުނި ގޮތުގައި އެމެރިކާ ޑޮލަރުގެ ޢާލަމީ ބާރުދަނީ ކެނޑެމުންނެވެ. އެނޫހުން ބުނި ގޮތުގައި މިކަން އެންމެ ބޮޑަށް ފެންނަނީ އިގްތިޞާދީ ގޮތުން ހަމައިސްކޮޅަށް ތެދުވަން މަސައްކަތްކުރަމުންދާ ގައުމުތަކުންނެވެ. މިގައުމުތަކުން ޗައިނާގެ ޔުއާންއަށް އިސްކަންދޭން ފެށީ ޗައިނާއާއި އެމެރިކާގެ ގުޅުންތައް ގޯސްވާން ފެށި ހިސާބުންކަމަށް ޔަހޫ ފައިނޭންސުން ބުނެއެވެ.
ޔަހޫ ފައިނޭންސުން ބުނާ ގޮތުގައި އާޖެންޓީނާގައި ޑޮލަރު ލިބުމުގެ ދަތިކަން ބޮޑުވެފައިވާތީ ، ވާލްޕޫލްފަދަ އެތައް ކުންފުންޏަކަށްވަނީ ބައިނަލްއަގްވާމީ ވިޔަފާރީގެ މުއާމަލާތްތައް ކުރަން ، ޔުއާން ބޭނުންކުރަން މަޖުބޫރުވެފައެވެ.
ޔަހޫ ފައިނޭންސުން އިއްޔެ ބުނި ގޮތުގައި އެމެރިކާ ޑޮލަރުގެ ޢާލަމީ ބާރުދަނީ ކެނޑެމުންނެވެ. އެނޫހުން ބުނި ގޮތުގައި މިކަން އެންމެ ބޮޑަށް ފެންނަނީ އިގްތިޞާދީ ގޮތުން ހަމައިސްކޮޅަށް ތެދުވަން މަސައްކަތްކުރަމުންދާ ގައުމުތަކުންނެވެ. މިގައުމުތަކުން ޗައިނާގެ ޔުއާންއަށް އިސްކަންދޭން ފެށީ ޗައިނާއާއި އެމެރިކާގެ ގުޅުންތައް ގޯސްވާން ފެށި ހިސާބުންކަމަށް ޔަހޫ ފައިނޭންސުން ބުނެއެވެ.
ކިޔުންތެރިންގެ ހިޔާލު