ފަލަސްތީނުގެ ނާބުލުސް ޕްރޮވިންސުގެ، މުސާފިރު ޔައްޠާ ގަރިއާގެ އަވަށެއްކަމަށްވާ ޢޫރީފުގެ މިސްކިތަކަށް އިސްރާއީލުގެ ވަޒަންވެރިން އެމީހުންގެ ކުއްތާތަކާއެކު ގަދަކަމުން ވަދެ ހަމަލާދީ، މިސްކިތުން ޚަތިމެއް ނަގާ ، އިރާ، ވީދާ، ބިންމައްޗަށް އުކާ، މިބާވަތުގެ ހަޑިމުޑުދާރު ކަންތައްތަކެއް ކުރާ މަންޒަރު ފެންނަ ވީޑިއޯއެއް ދައުރުވާން ފަށައިފިއެވެ.

މިދިޔަ ބުދަދުވަހު ހިންގާފައިވާ މިހަޑިމުޑުދާރު ޢަމަލު ، މިވީޑިއޯއިން ފެންނަ އިސްރާއީލުގެ މީހާ ހިންގާފައިވަނީ އޭނާގެ ކުއްތާއާއެކު މިސްކިތަށް ވަދެ ، މިސްކިތުން ނުކުމެ މިސްކިތުގެ ބޭރުގައި ހުރެގެންނެވެ.

މިވީޑީއޯއިން ފެންނަނީ ޚަތިމެއް އިރާ، ވީދާފައި މަގުމައްޗަށް އުކާ މަންޒަރެވެ. މީނާ މިކަން ކުރިއިރު މޫނުނިވާކޮށްގެން ތިބި، އޭނާގެ ބައިވެރިން މިމަންޒަރު ބަލަން ތިބިތަން ވީޑިއޯއިން ފެނެއެވެ.

އިސްރާއީލުގެ ނޫސްތައް ބުނާ ގޮތުން މިކަމާއި ގުޅިގެން އިސްރާއީލުން އެއްވެސް މީހަކު ހައްޔަރުކޮށްފައެއް ނުވެއެވެ.