އިނގިރޭސިވިލާތުގެ ވެރިރަށް ލަންޑަނުގައި މަރުކަޒުވެގެން ވިޔަފާރިކުރަމުންދާ ރޮއިޓާރސް ނޫސް އެޖެންސީން ތުރުކީވިލާތުގެ ރައީސް ރިސިޕް ތައްޔިޕް އެރްދުގާންގެ ދަރިކަލުން ބިލާލް އެރްދުގާންއާއި ދެކޮޅަށް ދޮގު ޚަބަރު ފަތުރާތީ ، ތުރުކީވިލާތުގެ ސަރުކާރުން އެކަމަށް ވަރަށް ބޮޑަށް ފާޑުކިޔައިފިއެވެ.

ތުރުކީ ސަރުކާރުގެ ކޮމިއުނިކޭޝަންސް ޑިރެކްޓަރ ފަހްރެއްޓިން އަލްޓުން ވިދާޅުވި ގޮތުގައި ސްވިޑުންގެ ކުންފުންޏަކުން ބިލާލް އަދި ރައީސް އެރްދުގާން ރިޝްވަތު ނެންގެވިކަމަށް ނުވަތަ އެކަމުގައި ބައިވެރިވެވަޑައިގެންނެވި ކަމަށް ބުނާ ޚަބަރުގެ ތެދުދޮގު ވަކިކޮށްލެވޭނެ ވަރުގެ ގާބިލުކަންވެސް ރޮއިޓާރސް ނޫހަކު ނެތެވެ.

އަލްޓުން ވިދާޅުވި ގޮތުގައި ، ރޮއިޓާރސް ނޫހުން ، މިދޮގު ޚަބަރު ފަތުރަން ލިޔުނު މަޒުމޫނުގައި ، އެޚަބަރަކީ ދޮގު ޚަބަރެއްކަން އެނޫހުން އަމިއްލަޔަށް ކަށަވަރުކޮށްދީފައިވެއެވެ.

އަލްޓުން އިސާރާތްކުރެއްވި މަޒުމޫނުގައިވާ ޖުމުލައިގައި ރޮއިޓާރސް ނޫހުން ލިޔެފައިވަނީ " ކަމާބެހޭ ފަރާތްތަކަށް ފަރުދަކު ހުށަހެޅި ޝަކުވާއެއް ރޮއިޓާރސް ނޫހުން މުރާޖަޢާކުރުމުން ، އެނގުނީ ރިޝްވަތު ދީފައިނުވާކަމެވެ."