އެމެރިކާޔަށްވުރެ ޗައިނާގެ މަގުބޫލުކަން ޢަރަބި ޒުނާނުންގެ މެދުގައި ބޮޑުވެއްޖެކަމަށް ޢަރަބި ގައުމުތަކުގެ ޒުވާނުން ބައިވެރިވާ އަހަރީ ދިރާސާއަކުން ދައްކައިފިއެވެ.

މުޙައްލިލުން ވިދާޅުވާ ގޮތުގައި ޢަރަބިންގެ ތެރޭގައި ޗައިނާ މިހާ ބޮޑަށް މުގުބޫލުމިވީ ޗައިނާގެ ތަރައްގީގެ ސަބަބުން ހުޅުވިގެންދާ ގިނަ ފުރުޞަތުތަކުގެ ސަބަބުންނެވެ. އަދި އެހެންމެ ، އެގައުމުގެ ދާޚިލީ ، ޚާރިޖީ ސިޔާސަތުތަކުގެ ހަރުދަނާކަމަކީވެސް ޢަރަބިންގެ މެދުގައި ޗައިނާ މަގުބޫލުވި ކަމެކެވެ.

މުޙައްލިލުން ވިދާޅުވާ ގޮތުގައި ގިނަ ދާއިރާތަކުން ޗައިނާ ހޯދާފައިވާ ކުރިއެރުންތަކުގެ ސަބަބުން ޢަރަބި ގައުމުތަކުންވަނީ ، ހުޅަނގަށް ބަލާ ބެލުމަށްވުރެ ބޮޑަށް ދުނިޔޭގެ އިރުމައްޗަށް ، ޗައިނާއާ ދިމާޔަށް ބަލަންފަށާފައެވެ.

މިދިރާސާގައި ޢަރަބި ގައުމުތަކާއި އެންމެ ރަޙުމަތްތެރި ގައުމުތަކުގެ ގިންތީގެ ދެވަނައިގައި އޮތީ ޗައިނާއެވެ. އަދި އެމެރިކާއަށް ލިބިފައިވަނީ މިގިންތިން ހަތްވަނައެވެ.

ދުބާއީގެ އަޞްދާއު ބީ.ސީ.ޑަބްލިޔުއިން ކުރި މިދިރާސާގައި ޢަރަބި 18 ގައުމެއްގެ 53 ސިޓީއަކުން މޫނާއިމޫނު ބައްދަލުވެ ، 3،600 ޒުވާނުންނާއި (އުމުރުފުރާ: 18 އަހަރާއި 24 އަހަރު) ސުވާލުކޮށްފައިވެއެވެ.