ސްރީލަންކާ ސަރުކާރުގެ ބަޖެޓުގެ ޚަރަދުތަކަށާއި އެގައުމުގެ މާއްދީ ދުޅަހެޔޮކަމަށް ، އެހީތެރިވުމުގެ ގޮތުން އެގައުމަށް 700 މިލިއަން ޑޮލަރުގެ އެހީއެއް ދޭން ދުނިޔޭގެ ބޭންކުން ވާރލްޑް ބޭންކުން، އިއްޔެ ނިންމައިފިއެވެ.

އިގްތިޞާދީ ދަތިތަކާއި ކުރިމަތިވެފައިވާ ސްރީލަންކާއަށް މިދިޔަ މާޗުމަހު އައި.އެމް.އެފުން ދިން އެހީއަށް ފަހު، މިއީ އެގައުމަށް މިގޮތަށް ލިބޭ އެންމެ ބޮޑު އެހީއެވެ.

ދުނިޔޭގެ ބޭންކުގެ މިއެހީގެ ތެރެއިން 500 މިލިއަން ޑޮލަރު ބޭނުންކުރާނީ ސްރީލަންކާ ސަރުކާރުގެ ބަޖެޓަށް އެހީވުމަށެވެ. ބާކީ 200 މިލިއަން ޑޮލަރު ބޭނުންކުރާނީ ސްރީލަންކާއަށް ކުރިމަތިވެފައިވާ އިގްތިޞާދީ ދަތިތަކުގެ ސަބަބުން އެންމެ ބޮޑަށް އަސަރުކޮށްފައިވާ ފަރާތްތަކުގެ މާއްދީ ދުޅަހެޔޮކަމަށްޓަކައެވެ.

"އިގްތިޞާދު ވީހާވެސް އަވަހަކަށް ހަމަޔަކަށް އެޅުވުމާއި އިގްތިޞާދީ އޮނިގަނޑަށް ގެންނަންޖެހޭ އިޞްލާޙުތައް ގެނައުމާއި ފަގީރުންނާއި ނިކަމެތިން ހިމާޔަތްކުރުމާއި ، މިހުރިހާ ކަމެއް ކުރެވިގެންދާނީ މަރުޙަލާތަކަކަށް ބަހާލައިގެން" ، ސްރީލަންކާއަށް ދުނިޔޭގެ ބޭންކުން ކަނޑައަޅާފައިވާ ކަންޓްރީ ޑިރެކްޓަރ ފަރިސް ހަދާދް ޒެރްވޯސް ނެރުއްވި ބަޔާނެއްގައިވެއެވެ.

ސްރީލަންކާއަށް 1948 ވަނަ އަހަރު މިނިވަންކަން ލިބުނު ފަހުން ސްރީލަންކާއިން ތަޖުރިބާކުރަމުން އަދި ތަޙައްމަލްކުރަމުން އެދަނީ އެގައުމާއި ކުރިމަތިވި އިގްތިޞާދީ އެންމެ ދަތި ދުވަސްތަކެވެ.

ސްރީލަންކާގެ ރިޒާވް ރިކޯޑު އަދަދަކަށް ދަށްވުމާއި ގުޅިގެން ، ބޭރުގެ ދަރަނިތަކަށް ދައްކަންޖެހޭ ފައިސާ ، މިދިޔަ އަހަރު އެގައުމަކަށް ނުދެއްކުނެވެ. މިނިވަންކަމުގެ ފަހުގެ ތާރީޚުގައި ސްރީލަންކާއަށް މިފަދަ ކަމެއް ، ދަރަނި ނުދެއްކުނު ހާލަތެއް، ކުރިމަތިވެފައެއް ނުވެއެވެ.