މައިކްރޮސްކޯޕިކް ދަބަހެއް 60،000 ޑޮލަރަށްވުރެ މަތީ އަގެއްގައި ވިއްކާލައިފިއެވެ.

ބޮޑުމިނުގައި ގާތްގަނޑަކަށް 700 މައިކްރޯމީޓަރ ހުންނަ މިދަބަސް އިންސާނާގެ ލޮލަށް ރީއްޗަށް ފެންނަނީ މައިކްރޮސްކޯޕެއް ބޭނުން ކުރުމުންނެވެ.

ރިޕޯޓުތައް ބުނާގޮތުން މި ދަބަހުގައި ލަގްޒަރީ އަތްދަބަސް ޑިޒައިނަރު ލުއިވިޓޯން ބްރޭންޑިން ޖަހާފައިވީ ނަމަވެސް އެ ބްރޭންޑާ އެއްވެސް ގުޅުމެއް ނެތެވެ. މި މައިކްރޯ ދަބަސް ތައްޔާރުކޮށްފައިވަނީ ފޮޓޯޕޮލިމަރ ރެސިން އިންނެވެ. މިއީ ކުދިކުދި މެކޭނިކަލް މޮޑެލްތަކާއި ސްޓްރަކްޗަރތައް ހެދުމަށް ބޭނުންކުރާ 3ޑީ ޕްރިންޓިންގ ޓެކްނޮލޮޖީއެއް ބޭނުންކޮށްގެން އުފައްދާފައިވާ ދަބަހެކެވެ.

މިދަބަސް ޑިޒައިން ކުރި އެމެރިކާގެ ޑިޒައިން ކުންފުނި އެމްއެސްސީއެޗްއެފުން މިދަބަސް ވިއްކާލައިފައިވަނީ 63،750 ޑޮލަރަށް ނީލަމުގައެވެ.