ލުބްނާނުގެ އިސްލާމީ މުގާވަމަތު (ރެޒިސްޓެންސް) ޖަމްޢިއްޔާއެއްކަމަށްވާ ޙިޒްބުﷲގެ ވެރިޔާ އައްސައްޔިދް ޙަސަން ނަޞްރުﷲ އިސްރާއީލަށް ވަރުގަދަ އިންޒާރެއްދެއްވައިފިއެވެ.
ޙިޒްބުﷲގެ އަމީން ޢާއްމު ސައްޔިދް ނަޞްރުﷲ ދެއްވި އިންޒާރުގައި ވިދާޅުވީ ލުބްނާނުގެ ފަސްގަނޑުގައި އިސްރާއީލުން ދުރާލާ ރާވައިގެން ގަތުލުގެ ޙައްޝާޝީ ޢަމަލެއް ހިންގައިފިނަމަ، އެކަމާއި ދެކޮޅަށް އިސްރާއީލަށްދޭ ރައްދު ވަރަށް ވަރުގަދަވާނެކަމަށެވެ.
ސައްޔިދް ނަޞްރުﷲ އިސްރާއިލަށް ދެއްވި ވަރުގަދަ އިންޒާރުދެއްވީ ލުބްނާނުގެ ދެވަނަ ތަޙްރީރަށް (ދެވަނަ ފަހަރަށް ލުބްނާނު މިނިވަންކުރުމަށް) ހައަހަރު ފުރުން ފާހަގަކުރުމުގެ ގޮތުން އިއްޔެ ބޭއްވި އިޙްތިފާލުގެ ބައިވެރިންނަށް ދެއްވި ޚިޠާބެއްގައިއެވެ.
ސައްޔިދް ނަޞްރުﷲގެ ޚިޠާބުގައި ވިދާޅުވި ލުބްނާނުގެ ދެވަނަ ތަޙްރީރު ހިނގާފައިވަނީ 28 އޮގަސްޓް 2017 ގައިއެވެ. އެއީ އައިސިސްގެ ނުވަތަ ދާޢިޝްގެ ކިބައިން ލުބްނާނުގެ އުތުރާއި އިރުމަތީގެ އިންތައް މިނިވަންކުރެވުނު ދުވަހެވެ. މިމިނިވަންކަން، ޙުއްރިއްޔަތު، ލުބްނާނަށް ހޯދައިދިނީ ޙިޒްބުﷲގެ ހަނގުރާމަވެރިންނާއި ލުބްނާނުގެ އަސްކަރިއްޔާގެ ފައުޖީން ގުޅިގެން ކުރި މަސައްކަތުގެ ނަތީޖާއެއްގެ ގޮތުންނެވެ.
އިސްރާއީލުން ފާއިތުވި އަހަރުތަކުގައި ވަރަށް ގިނަ ޙައްޝާޝީ ޖުރުމުތައް ހިންގާފައިވާކަމަށް އިއްޔެގެ ޚިޠާބުގައި ސައްޔިދް ނަޞްރުﷲ ވިދާޅުވިއެވެ. "މުގާވަމަތު ޙަރަކާތުގެ ކުރިއަރާދިޔުން އެއްވެސް ބާވަތެއްގެ ނުރައްކަލަކަށް ނުހުއްޓުވޭނެ. ކޮންމެ ނުރައްކަލަކީ މުގާވަމަތު ޙަރަކާތް ވަރުގަދަކުރާ ކަމެއް"، ސައްޔިދް ނަޞްރުﷲ އިއްޔެ ވިދާޅުވިއެވެ.
"ލުބްނާނުގެ ފަސްގަނޑުގައި ލުބްނާނުގެ ރައްޔިތަކާއި ދެކޮޅަށް ނުވަތަ ފަލަސްޠީނީއަކާއި ދެކޮޅަށް ނުވަތަ އީރާނުގެ ރައްޔިތަކާއި ދެކޮޅަށް ނުވަތަ މިނޫން އެހެން ގައުމެއްގެ ރައްޔިތަކާއި ދެކޮޅަށްވިޔަސް ޙައްޝާޝީ ޖުރުމެއް ހިންގައިފިނަމަ، އެޖުރުމާއި ދެކޮޅަށް ރައްދެއްނުދީ ދުލެއްނުކުރާނަން"، ސައްޔިދު ނަޞްރުﷲގެ ޚިޠާބުގައި އިއްޔެ މިހެންވެސް ވިދާޅުވިއެވެ.
އިސްރާއީލުގެ ޢުދްވާނަށް މިހާތަނަށް، އަސްކަރީ އަދި ފިކުރީ ގޮތުންވިޔަސް، ބަލިނުކުރެވޭ އިސްލާމީ މުގާވަމަތު ޖަމްޢިއްޔާއެއްގެ ގޮތުގައި ލުބްނާނުގެ ޙިޒްބުﷲވަނީ ތާރީޚުގެ ޞަފްޙާތަކުގައި ރަން އަކުރުން ލިޔެވިގެން ގޮސްފައިއެވެ.
ސައްޔިދް ނަޞްރުﷲ އިސްރާއިލަށް ދެއްވި ވަރުގަދަ އިންޒާރުދެއްވީ ލުބްނާނުގެ ދެވަނަ ތަޙްރީރަށް (ދެވަނަ ފަހަރަށް ލުބްނާނު މިނިވަންކުރުމަށް) ހައަހަރު ފުރުން ފާހަގަކުރުމުގެ ގޮތުން އިއްޔެ ބޭއްވި އިޙްތިފާލުގެ ބައިވެރިންނަށް ދެއްވި ޚިޠާބެއްގައިއެވެ.
ސައްޔިދް ނަޞްރުﷲގެ ޚިޠާބުގައި ވިދާޅުވި ލުބްނާނުގެ ދެވަނަ ތަޙްރީރު ހިނގާފައިވަނީ 28 އޮގަސްޓް 2017 ގައިއެވެ. އެއީ އައިސިސްގެ ނުވަތަ ދާޢިޝްގެ ކިބައިން ލުބްނާނުގެ އުތުރާއި އިރުމަތީގެ އިންތައް މިނިވަންކުރެވުނު ދުވަހެވެ. މިމިނިވަންކަން، ޙުއްރިއްޔަތު، ލުބްނާނަށް ހޯދައިދިނީ ޙިޒްބުﷲގެ ހަނގުރާމަވެރިންނާއި ލުބްނާނުގެ އަސްކަރިއްޔާގެ ފައުޖީން ގުޅިގެން ކުރި މަސައްކަތުގެ ނަތީޖާއެއްގެ ގޮތުންނެވެ.
އިސްރާއީލުން ފާއިތުވި އަހަރުތަކުގައި ވަރަށް ގިނަ ޙައްޝާޝީ ޖުރުމުތައް ހިންގާފައިވާކަމަށް އިއްޔެގެ ޚިޠާބުގައި ސައްޔިދް ނަޞްރުﷲ ވިދާޅުވިއެވެ. "މުގާވަމަތު ޙަރަކާތުގެ ކުރިއަރާދިޔުން އެއްވެސް ބާވަތެއްގެ ނުރައްކަލަކަށް ނުހުއްޓުވޭނެ. ކޮންމެ ނުރައްކަލަކީ މުގާވަމަތު ޙަރަކާތް ވަރުގަދަކުރާ ކަމެއް"، ސައްޔިދް ނަޞްރުﷲ އިއްޔެ ވިދާޅުވިއެވެ.
އިސްރާއީލުގެ ޢުދްވާނަށް މިހާތަނަށް، އަސްކަރީ އަދި ފިކުރީ ގޮތުންވިޔަސް، ބަލިނުކުރެވޭ އިސްލާމީ މުގާވަމަތު ޖަމްޢިއްޔާއެއްގެ ގޮތުގައި ލުބްނާނުގެ ޙިޒްބުﷲވަނީ ތާރީޚުގެ ޞަފްޙާތަކުގައި ރަން އަކުރުން ލިޔެވިގެން ގޮސްފައިއެވެ.
ކިޔުންތެރިންގެ ހިޔާލު