އަންނަ މަހު އެއްވަނަ ދުވަހު ރޫސީވިލާތުގައި އިސްލާމިކް ބޭންކިންގް ފަށާނެކަމަށް ޚަބަރުތައް ބުނެފިއެވެ. އެގައުމުގައި މުޅިން އަލަށް އިސްލާމިކް ބޭންކިންގް ފަށައިގަންނަނީ ދެއަހަރު ދުވަހުގެ މުއްދަތަކަށް އަޖުމަބެލުމުގެ ގޮތުންކަމަށްވެއެވެ.
ރޫސީވިލާތުގައި 25 މިލިއަން މުސްލިމުން އުޅެއެވެ. މީގެ ކުރިންވެސް މުސްލިމުންނަށް ކަމުދާ ގޮތަށް މާލީ ޚިދުމަތްދޭ ތަންތަން ރޫސީވިލާތުގައި ހިންގަމުންގޮސްފައިވެއެވެ. ނަމަވެސް ގާނޫނުގެ އިމުގެ ތެރެއިން ރޫސީވިލާތުގައި އިސްލާމީ އުސޫލުތަކާއި އެއްގޮތަށް ބޭންކިންގްގެ ޚިދުމަތްދޭ މިއީ ފުރަތަމަ ފަހަރެވެ.
ރޫސީވިލާތުގެ ރައީސް ވްލެޑީމިއަރ ޕޫޓިން އިސްލާމިކް ބޭންކިންގްއަށް ހުއްދަދޭ ގާނޫނު ތަޞްދީގުކުރެއްވީ މިމަހުގެ ހަތަރުވަނަ ދުވަހުއެވެ.
އަޖުމަބެލުމުގެ ގޮތުން މިގާނޫނުގެ ދަށުން އިސްލާމިކް ބޭންކިންގްގެ ޚިދުމަތްތައް ފަށައިގަންނާނީ މުސްލިމުންގެ އަޣްލަބިއްޔަތު އޮންނަ ރޫސީ ޖުމްހޫރިއްޔާތަކުގައެވެ. އެޖުމްހޫރިއްޔާތަކަކީ ތަތާރުސްތާން، ބަސްޚޮރްތުސްތާން، ޗެޗްނިޔާ އަދި ދާގިސްތާނެވެ. މިޖުމްހޫރިއްޔާތަކުގައި މިހާރުވެސް އިސްލާމީ އުސޫލުތަކާއި އެއްގޮތަށް މާލީ ޚިދުމަތްތައް ލިބެންހުންނަކަމަށް އަލްޖަޒީރާ ނޫހުން ބުނެއެވެ.
އަޖުމަބެލުމުގެ މިޕްރޮގްރާމް ކާމިޔާބުވެއްޖެނަމަ، މުޅި ރޫސީވިލާތުގެ ހުރިހާ ކަންކޮޅުތަކެއްގައި އިސްލާމީ ބޭންކިންގްގެ ޚިދުމަތް ގާނޫނީ އިމުގެ ތެރެއިން ދޭންފެށޭނެއެވެ.
ރޫސީވިލާތުގެ ރައީސް ވްލެޑީމިއަރ ޕޫޓިން އިސްލާމިކް ބޭންކިންގްއަށް ހުއްދަދޭ ގާނޫނު ތަޞްދީގުކުރެއްވީ މިމަހުގެ ހަތަރުވަނަ ދުވަހުއެވެ.
އަޖުމަބެލުމުގެ މިޕްރޮގްރާމް ކާމިޔާބުވެއްޖެނަމަ، މުޅި ރޫސީވިލާތުގެ ހުރިހާ ކަންކޮޅުތަކެއްގައި އިސްލާމީ ބޭންކިންގްގެ ޚިދުމަތް ގާނޫނީ އިމުގެ ތެރެއިން ދޭންފެށޭނެއެވެ.
ކިޔުންތެރިންގެ ހިޔާލު