ރައްޔިތުންނަށް ފާރަލައި، ޖާސޫސްކުރުމަށް، ރައްޔިތުން އުޅޭނޫޅޭ ގޮތް ބެލުމަށް، ބޭނުންވާ ވަރަށް ބާރުގަދަ އާލާތްތައް އިންޑިއާ ސަރުކާރުން އިސްރާއީލުގެ ދެކުންފުންޏަކުން ގަންނަމުންދާކަމަށް ޚަބަރުތައް ބުނެފިއެވެ.
އިސްރާއީލުގެ ދެކުންފުނިކަމުގައިވާ ކޮގްނައިޓާއި ސެޕްޓިއަރއިން އުފައްދާ ބާރުގަދަ ޖާސޫސީ އާލާތްތައް ގަނެ، އެތަކެތި ކަނޑުއަޑީގެ ކޭބަލްތައް އެއްގަމަށް ފޯރާ މަގާމުތަކުގައި އިންޑިއާއިން ހަރުކުރަމުންދާކަމަށްވެއެވެ. މިކަމުގެ ސަބަބުން އިންޑިއާގެ 1،400 މިލިއަން ރައްޔިތުންގެ ހުރިހާ ޒާތީ އަދި މުވާޞަލާތީ މަޢުލޫމާތެއް ސަރުކާރަށް ލިބިގެންދާނެއެވެ.
ޚަބަރުތައް ބުނާ ގޮތުން އިސްރާއީލުގެ ސެޕްޓިއަރ ކުންފުނިންވަނީ އަޑުއެހުމަށް ބޭނުންކުރާ ޖާސޫސީ އާލާތްތައް އިންޑިއާގެ ރިލަޔަންސް ޖިއޯއާއި ވޯޑަފޯން އައިޑިއާއާއި ސިންގަޕޫރުގެ ސިންގްޓެލްއަށް ވިއްކާފައިއެވެ.
ސެޕްޓިއަރ ކުންފުނިން އުފައްދާ ޖާސޫސީ އާލާތްތަކަށް ވަކި މީހަކަށް އަމާޒުކޮށް އޭނާގެ އީމެއިލްތަކާއި ދައްކާ ވާހަކަތަކާއި ކުރާ މެސެޖުތައް ހޯދެއެވެ. އަދި އޭނާ އިންޓަނެޓް މެދުވެރިކޮށް ވަން ސައިޓުތައްވެސް މިތަކެއްޗަށް ދެނެގަނެވެއެވެ.
މީގެ އިތުރުން، ނޫސްވެރިންނާއި ސިޔާސީ ލީޑަރުންގެ ހަރަކާތްތައް ބެލުމަށްޓަކައި އިސްރާއީލުގެ ކޮގްނައިޓް ކުންފުނިން އިންޑިއާއަށް ވިއްކާ ޖާސޫސީ އާލާތްތައް ބޭނުންކުރެވޭކަމަށް ލައިވްމިންޓް ނޫހުން ބުނެއެވެ.
ޚަބަރުތައް ބުނާ ގޮތުން އިސްރާއީލުގެ ސެޕްޓިއަރ ކުންފުނިންވަނީ އަޑުއެހުމަށް ބޭނުންކުރާ ޖާސޫސީ އާލާތްތައް އިންޑިއާގެ ރިލަޔަންސް ޖިއޯއާއި ވޯޑަފޯން އައިޑިއާއާއި ސިންގަޕޫރުގެ ސިންގްޓެލްއަށް ވިއްކާފައިއެވެ.
މީގެ އިތުރުން، ނޫސްވެރިންނާއި ސިޔާސީ ލީޑަރުންގެ ހަރަކާތްތައް ބެލުމަށްޓަކައި އިސްރާއީލުގެ ކޮގްނައިޓް ކުންފުނިން އިންޑިއާއަށް ވިއްކާ ޖާސޫސީ އާލާތްތައް ބޭނުންކުރެވޭކަމަށް ލައިވްމިންޓް ނޫހުން ބުނެއެވެ.
ކިޔުންތެރިންގެ ހިޔާލު