125މިލިޔަން މީހުން ދިރި އުޅޭ އިންޑިޔާގެ އުތުރުގެ ބިހާރުސްޓޭޓްގައި އަނެއްކާވެސް 15 ދުވަހަށް ފުރަބަންދު އިއުލާން ކޮށްފިއެވެ.

މިގޮތަށް އަމަލު ކުރަން ޖެހުނީ އިންޑިޔާގައި ކޮވިޑް19އަށް ފައްސިވާ މީހުންގެ އަދަދު އެއްދުވަހުން އަނެއްދުވަހަށް އިތުރުވަމުން ދާތީއެވެ.

މިޕެންޑަމިކް އިން ސަލާމަތް ވުމަށް އެއްވެސް ޝޯޓްކަޓެއް ނެތްކަމަށް ޑަބުލިޔު އެޗްއޭ އިން ވިދާޅުވެފައިވާތީ އާއި އެކު ބިހާރްގެ ޑެޕިއުޓީ ޗީފް މިނިސްޓަރ ޝުޝީލްކުމާރްމޯދީ ވަނީ 16ޖުލައި އިން 31ޖުލައި އަށް ފުރަބަންދު އިއުލާން ކޮށްފައެވެ. މިއާއި އެކު ހުރިހާ މުނިސިޕަލްޓީސްއާއި ޑިސްޓުރިކްޓް ހެޑްކުއާޓާސްތައް ވެސް ހުންނާނީ ފުރަބަންދުގައި ކަމަށްވެސްވަނީ ވިދާޅުވެފައެވެ.

މި އިއުލާން އާންމު މި ކުރީ އިންޑިޔާގެ ބެންގަލޫރް ފުރަބަންދުން ވީއްލަން ކުޑަ ވަގުތުކޮޅަކަށް ވެފައި ވަނިކޮށެވެ

އަންގާރަ ދުވަހު ބިހާރްގައި 1432އައު ކޭސްތައްވަނީ ރެކޯރޑް ކުރެވިފައެވެ. މިހާރު އެސްޓޭޓްގެ ޖުމްލަ މިވަނީ 19،000އަށް އަރާފައިވާރު 134 މަރު ވަނީ ރެކޯރޑް ކުރެވިފައެވެ. މުޅި އިންޑިޔާގައި ކޮވިޑް19 ޖެހުނު މީހުންގެ އަދަދު މިހާރުވަނީ 1މިލިއަނަށް އަރާފައެވެ.

މުޅިދުނިޔޭގައި އެންމެ ހަރުކަށި ފުރަބަންދެއް އިއުލާން ކޮށްފައިވަނީވެސް މާރިޗުމަހު އިންޑިޔާގައެވެ. ނަމަވެސް އިންޑިއާގެ އިޤްތިޞާދު ދަށަށް ދާތީ ފުރަބަންދަށް ވަނީ ބޮޑެތި ލުއި ތަކެއް ދީފައެވެ.ފުރަބަންދުގެ ސަބަބުން ހާއްސަކޮށް އިންޑިޔާގެ މިލިޔަނެއްހާ ފަގީރުންނަށް ވަނީ ވަރަށްބޮޑެތި ދަތިތަކާއި ކުރިމަތިވެފައެވެ.

މުޅި ދުނިޔޭގައި 13މިލިޔަނަށް ވުރެއް ގިނަ މީހުން ކޮވިޑް19 އަށް ފައްސިވެފައިވީ ނަމަވެސް ގިނަ ގައުމުތަކުން މިހާރުވަނީ ވަރަށް ބޮޑެތި ލުއިތަކެއްދީ ބޯޑަރުތައްވެސް ހުޅުވާފައެވެ