ހއ. ދިއްދޫ ބިން ހިއްކުމުގެ މަޝްރޫޢުގެ އަމަލީ މަސައްކަތް ފަށައިފިއެވެ.

މިކަމަށްޓަކައި އިއްޔެ ބޭއްވި ރަސްމިއްޔާތުގައި މިނިސްޓަރ އޮފް ޑިފެންސ،ް ޢަލްއުސްތާޛާ މާރިޔާ އަޙުމަދު ދީދީއާއ،ި ދިއްދޫ ދާއިރާގެ މެމްބަރު ޢަބްދުالله ވަހީދާއ،ި އެމްޓީސީސީގެ ޗީފް އެގްޒެކެޓިވް އޮފިސަރ އާދަމް އާޒިމްއާއި އެމްޓީސީސީގެ އިސްވެރިން ބައިވެރިވެ ވަޑައިގެންނެވިއެވެ.

ދިއްދޫ ބިން ހިއްކުމުގެ މަޝްރޫޢުގެ މަސައްކަތް އަމަލީ ގޮތުން ފައްޓަވައި ދެއްވީ މިނިސްޓަރ މާރިޔާ އަޙުމަދު ދީދީއެވެ. 4,186 މީހުންގެ އާބާދީއެއް އޮންނަ ދިއްދޫ އަކީ ހއ.އަތޮޅު ވެރިކަން ކުރާ ރަށެވ.ެ މީގެ އިތުރުނ،ް ހއ އަތޮޅުގެ އެންމެ ބޮޑު ތަޢުލީމީ މަރުކަޒާއ،ި އެކި އެކި ސަރުކާރު މުއައްސަސާތަކާއ،ި އަމިއްލަ ވިޔަފާރިތަކުގެ ޚިދުމަތް ހޯދުމަށް މިރަށަށް ކައިރި ރަށްރަށުގެ ރައްޔިތުން ގިނަ އަދަދަކަށް ޒިޔާރަތްކުރެއެވެ. ހަމައެހެންމ،ެ ރަށުގެ އާބާދީ އިތުރުވަމުން ދިއުމުގެ ސަބަބުން ރަށަށް ވަނީ ބިމުގެ ދަތިކަންވެސް ދިމާވެ ފައެވެ.



މި މަޝްރޫޢުގެ މަސައްކަތް ނިމުމާއެކު ދިއްދޫ ރައްޔިތުންނަށް ދިމާވެފައިވާ ބިމުގެ ދަތިކަމަށް ހައްލެއް ލިބ،ި މުސްތަޤުބަލުގައި ދިއްދޫ އިތުރަށް އާބާދުވެ ތަރައްޤީކުރުމުގެ ދޮރުތަށް ހުޅުވިގެން ދާނެކަމަށް މިމަސައްކަތް ކުރިއަށްގެންދާ އެމްޓީސީސީން ދެކެއެވެ.

މި މަޝްރޫޢުގެ ދަށުނ،ް 1,150 މީޓަރުގެ ސޭންޑް ބަންޑުވޯލްއެއް ހެދުމާއ،ި 623,968 ކިއުބިކް މީޓަރުގެ ސަރަޙައްދެއްގެ ބިން ހިއްކުމާއ،ި 10,962 ކިއުބިކް މީޓަރުގެ ގޮނޑުދޮށް ސަރަޙައްދުގެ ބިން ހިއްކުމާއ،ި 916 މީޓަރުގެ ބަޔޮސްވޭލް ޓްރެންޗްއެއް ކޮނުމާއ،ި 916 މީޓަރުގެ ޖިއޯ ޓެކްސްޓައިލް އެޅުމުގެ މަސައްކަތް ހިމެނެއެވ.ެ މި މަޝްރޫޢަކީ 83.07 މިލިއަން ރުފިޔާގެ މަޝްރޫއެކެވެ.