އިންޑިޔާގެ ބިހާރް ސްޓޭޓުގައި ހުންނަ ހޮސްޕިޓަލެއްގައި ކޮވިޑް19އަށް ފައްސިވާމީހުނަށް އަޅާނުލުމުގެ ސަބަބުން ބަލި އިތުރަށް ފެތުރި ހާލަތުގޯސް ވަމުން ދާކަމަށް އެޝެހެރުގެ ނޫސްތަކުން ބުނެފިއެވެ.

ބިހާރުގައި ހުންނަ ނަލަންޑާ މެޑިކަލް ކޮލެޖް އެންޑް ހޮސްޕިޓަލްގައި ކޮވިޑް19 ޖެހިގެން މަރުވެފައިވާ ބައެއް މީހުންނަށް ވެސް އަޅާ ނުލާތީ 19 އާއިލާއަކުން ދަނީ މައްސަލަ ޖައްސައި ކަންބޮޑުވުން ފާޅުކުރަމުންނެވެ.މަރުވާ މީހުންގެ ހަށިތައް ވެސް ބޭރުުނުކޮށް ހުރުމުގެސަބަބުން ފަރުވާ ހޯދަން އަންނަ ބަލި މީހުން ބާއްވާނެ ޖާގަ ނެތި ފުރިފައި ވާކަމަށް ވެސް އެނޫހުގައި ރިޕޯޓު ކޮށްފައިވެއެވެ.ހޮނިހިރު ދުވަހު ކޮވިޑު ޖެހިގެން އެހޮސްޕިޓަލަށް ގެންދިޔަފަހުން މަރުވި ބިހާރު މީހެއްގެ ދަރިއެއް ކަމަށްވާ ސަންތޯޝް ކުމާރް ޗޯދްރީ އެނޫހަށް މައުލޫތު ދީފައިވާ ގޮތުން އޭނާގެ ބައްޕަ އެ ހޮސްޕިޓްލުގައި އެޑްމިޓްކުރުމަށް ފަހު މަރުވުމާއި ހަމަޔަށް ވެސް އެހޮސްޕިޓަލުގެ މުވައްޒަފުންގެ އަޅާލުން ކުޑަކަން ފާހަގަ ވިކަމަށާއި މަރުވުމުން ބައްޕަ އަލުން ޗެކުކޮށްދޭން އެތައްފަހަރަކު އެދުނީމާވެސް އެވެރިން ކަހާތަން ހިރުވާވެސް ނުލިކަމަށް ވަރަށް އަސަރާއެކު އޭނާބުނެފައި ވެއެވެ، އޭނާ ތަކުރާރުކޮށް ޑޮކްޓަރުން ކައިރީ އަދި އެއްފަހަރު ބަލާލަން ބުނުމުންވެސް އޭނާއަށް ދިނީ ބީރު ކަންފަތެއްކަމަށް ވެސް އޭނާ ބުނެފައިވެއެވެ.

ކޮވިޑް19 އަށް ފައްސިވެފައިވާ ފުލުހެއްގެ ދަރިއެއް ކަމަށްވާ ނިތިޟް ކުމާރުބުނީ އެ ހޮސްޕިޓަލްގެ މުއަޒަފުންކައިރީ އޭނާގެ ބައްޕަ ޗެކްކޮށްލަން ބުނުމުންވެސް އެތައް ބަހަނާ ތަކެއް ދައްކަމުން ދާކަމަށެވެ.އަދި އޭނާގެ ބައްޕަ ބުނީ ހޮސްޕިޓަލްގެ ބިންމަތީގައި ވެސް މަރުވެފައި މީހުންގެ ހަށިތައް ބޭރުނުކޮށް ތިބިކަމަށާއި އަދި އެ ގަބުރުތަކަށް އެއްވެސް ވަރަކަށް އަޅާނުލާކަމަށް ވެސް ބުނެފައިވެއެވެ. އޭނާ މަރުވެފައިވާ މީހުންގެ ހަށިތައް މޯރގްއަށް ގެންދަން އެދުމުންވެސް ހޮސްޕިޓަލްގެ މުއަޒަފުން އަޅާނުލިކަމަށް ވެސް ހިތްހަމަ ނުޖެހިފައި ހުރެ އޭނާބުނެފައިވެއެވެ.

އިންޑިއާ އަކީ ދުނިޔޭގައި ކޮވިޑުބަލި އެއްމެ ބޮޑަށް ފެތުރެމުންދާ އެއްގައުމެވެ ބިހާރު ސްޓޭޓަކީ މިހާރުވެސް ފުރަބަންދުގައި އޮންނަތާ އެތައްދުވަހެއް ވެފައިވާ ސްޓޭޓެކެވެ