ހަނގުރާމަކުރަން ދެކޮޅު ހަދާ ސިފައިންނަށް އިޒްރޭލުން އަދަބު ދޭން ކަނޑައަޅާފައިވާ ކަމަށް މީޑިއާ ރިޕޯޓްތައް ބުނެފިއެވެ.

ފަލަަސްތީނުގައި ހިނގާ ހަނގުރާމައިގައި ރެގިއުލާ ނުވަތަ ރިޒާވް އޮފިސަރެއްގެ ގޮތުގައި މަސައްކަތްކުރަން ދެކޮޅު ހަދާ މީހުންގެ މައްޗަށް ޖަލު ހުކުމެއް އިއްވަން ހަމަޖެހިފައިވާ ކަމަށް މީޑިއާއިން ރިޕޯޓްކޮށްފައިވެއެވެ. އަދި މި އަދަބު ތަންފީޒުކުރާނީ ހަނގުރާމަ ނިމުމަށްފަހުގައި ކަމަށް އިޒްރޭލު ސަރުކާރުން ނިންމާފައި ވެއެވެ.

"އަސްކަރީ ދަރަޖަ ދަށްކުރުމުގެ އިތުރުން، އެތައް މަހެއްގެ އަސްކަރީ ހިދުމަތް ތަންފީޒު ކުރަން ދެކޮޅު ހަދާ މީހުންނަށް ދިގު މުއްދަތެއްގެ ޖަލު ހުކުމެއް އަންނާނެ. ޚިދުމަތަށް ރިޕޯޓް ނުކުރާ މީހުންނަށް އިތުރު ފުރުސަތެއް ދިނުމަށް އިސްރާއީލުގެ ސިފައިންނަށް ވިސްނައިދިނުމަށް މިލިޓަރީ ޑިފެންސް ޑިޕާޓްމަންޓުން މަސައްކަތްކޮށްފައިވޭ." އިޒްރޭލު ސަރުކާރުން ބުނެފައިވެ އެވެ.

އެހެން ނަމަވެސް، އަސްކަރީ ޚިދުމަތަށް ރިޕޯޓް ކުރަން ދެކޮޅު ހަދާ ސިފައިންގެ އަދަދުތައް އިޒްރޭލުން ހާމަކޮށްފައެއް ނުވެއެވެ. ގިނަ ސިފައިން ހަނގުރާމަ ކުރަން ދާން ބޭނުން ނުވަނީ އިންސާނިއްތަށް ގެއްލުންދޭ ކަންތައްތައް ނުކުރުމުގެ ނިޔަތުގައެވެ.

ޣައްޒާއަށް މިހާރު ދެމުންދާ ހަމަލާތަކުގައި ބައިވެރިވުމަށް ގާތްގަނޑަކަށް 360،000 ރިޒާވް ސިފައިން އަޒްރޭލުގެ އަސްކަރިއްޔާއިން ވަނީ ހަމަޖައްސާފައެވެ.

އިޒްރޭލު ސިފައިންގެ ތެރެއިން ގިނަ ބަޔަކު ހަނގުރާމައިގައި ބައިވެރިވާން ވަނީ ދެކޮޅު ހަދާފައެވެ. ވަކިން ޚާއްސަކޮށް، އެއްގަމު މަގުން ޣައްޒާއަށް ހަަމަލާ ދިނުމަށް ދެކޮޅު ހަދާ ސިފައިން ގިނައެވެ.