ކުވެއިތުގެ ވެރިޔާ އަމީރް ޝައިޚް ޞަބާހް އަލް އަހްމަދު އަލް ސަބާހް 91އ، ޞިއްޙީ ފަރުވާއަކަށް މިއަދު އެމެރިކާއަށް ފުރާވަޑައިގެންފިއެވެ.
އަމީރު އެމެރިކާއަށް ބޭސްފަރުވާއަށް ދަތުރުފުޅެއް މިކުރައްވަނީ ދާދިފަހުން ކުރައްވާފައިވާ އޮޕަރޭޝަނަކާއި ގުޅިގެން އިތުރު ފަރުވާ ހޯއްދެވުމަށް ކަމަށް ކުވައިތުގެ ދައުލަތުގެ ޚަބަރު ފަތުރާ އޭޖެންސީ ކުނާ އާއި ހަވާލާދީ އަލްޖަޒީރާއިން ބުނެފައި ވެއެވެ. ނަމަވެސް ޝައިޚް ސަބާޙުގެ އާލާސްކަންފުޅާއި ބެހޭގޮތުންނާއި ހޯއްދަވާ ފަރުވާއާއި ބެހޭ ގޮތުން އެއްވެސް ރަސްމީ ފަރާތަކުން މައުލޫމާތު ހާމަ ކޮށްފައެެއް ނުވެއެވެ.
ކުނާއިން ރިޕޯޓު ކޮށްފައިވަނީ ޝައިޚް ޞަބާހު ބޭސްފަރުވާއަށް ވަޑައިގަންނަވަނީ ޞިއްޙީ މާހިރުންގެ ލަފާގެ މަތީން ކަމަށެވެ. އަމީރުގެ ޞިއްހީ ހާލުކޮޅާބެހޭ ތަފުސީލެއް ނުދިން ނަމަވެސް ޞިއްޙީ ޓީމުން ބުނެފައިވަނީ ޝައިޚް ޞަބާހުގެ އޮޕަރޭޝަން ކާމިޔާބު ކަމަށެވެ. ކުވެއިތު ސަރުކާރުން މިހަފުތާގެ ކުރީކޮޅު ބުނެފައިވަނީ އުމުރުފުޅުން 83 އަހަރުފުޅުގެ ޕްރިންސް ނަވާފް އަލް އަހުމަދު އަލް ޞަބާހާއި އަމީރު ޝައިޚްގެ ބައެއް ބާރުތައް ވަގުތީ ގޮތުން ހަވާލުކުރައްވާފައިވާ ކަމަށެވެ.
ކުވެއިތުގެ ގާނޫނު ބުނާގޮތުން އަމީރު ގައުމުގައި ވަޑައިގެން ނެތް ހާލަތެއްގައި އަމީރުގެ ޒިންމާތަކާ ވަގުތީ ގޮތުން ހަވާލުވެ ވަޑައިގަންނަވަން ޖެހޭނީ ޝައިޚް ޞަބާހުގެ އެއްބަފާ ކޮއްކޮ ޕްރިންސް ޝައިޚް ނަވާފާއި ކަމަށެވެ. ޝައިޚް ނަވާފަކީ ކުވައިތުގެ ޝާހީ އާއިލާގެ ގަދަރުވެރި، ދައުލަތުގެ މަތީ އެތައް މަގާމުތަކެއް ފުރުއްވާފައިވާ ބޭފުޅެކެވެ.
2006ވަނަ އަހަރުން ފެށިގެން ކުވެއިތުގައި ރަސްކަން ކުރައްވަމުން އަންނަނީ ޝައިޚް ޞަބާހު އެވެ. އޯޕެކްގެ މުހިންމު މެންބަރެއް ކަމަށްވާ ކުވައިތުގެ އަމީރު ޝައިޚް ޞަބާހަކީ އިސްލާމީ ދުނިޔޭގައި ވެސް ވަރަށް އިހުތިރާމާއި ގަދަރު ލިބިގެންވާ ބޭފުޅެކެވެ.
ކުނާއިން ރިޕޯޓު ކޮށްފައިވަނީ ޝައިޚް ޞަބާހު ބޭސްފަރުވާއަށް ވަޑައިގަންނަވަނީ ޞިއްޙީ މާހިރުންގެ ލަފާގެ މަތީން ކަމަށެވެ. އަމީރުގެ ޞިއްހީ ހާލުކޮޅާބެހޭ ތަފުސީލެއް ނުދިން ނަމަވެސް ޞިއްޙީ ޓީމުން ބުނެފައިވަނީ ޝައިޚް ޞަބާހުގެ އޮޕަރޭޝަން ކާމިޔާބު ކަމަށެވެ. ކުވެއިތު ސަރުކާރުން މިހަފުތާގެ ކުރީކޮޅު ބުނެފައިވަނީ އުމުރުފުޅުން 83 އަހަރުފުޅުގެ ޕްރިންސް ނަވާފް އަލް އަހުމަދު އަލް ޞަބާހާއި އަމީރު ޝައިޚްގެ ބައެއް ބާރުތައް ވަގުތީ ގޮތުން ހަވާލުކުރައްވާފައިވާ ކަމަށެވެ.
ކުވެއިތުގެ ގާނޫނު ބުނާގޮތުން އަމީރު ގައުމުގައި ވަޑައިގެން ނެތް ހާލަތެއްގައި އަމީރުގެ ޒިންމާތަކާ ވަގުތީ ގޮތުން ހަވާލުވެ ވަޑައިގަންނަވަން ޖެހޭނީ ޝައިޚް ޞަބާހުގެ އެއްބަފާ ކޮއްކޮ ޕްރިންސް ޝައިޚް ނަވާފާއި ކަމަށެވެ. ޝައިޚް ނަވާފަކީ ކުވައިތުގެ ޝާހީ އާއިލާގެ ގަދަރުވެރި، ދައުލަތުގެ މަތީ އެތައް މަގާމުތަކެއް ފުރުއްވާފައިވާ ބޭފުޅެކެވެ.
2006ވަނަ އަހަރުން ފެށިގެން ކުވެއިތުގައި ރަސްކަން ކުރައްވަމުން އަންނަނީ ޝައިޚް ޞަބާހު އެވެ. އޯޕެކްގެ މުހިންމު މެންބަރެއް ކަމަށްވާ ކުވައިތުގެ އަމީރު ޝައިޚް ޞަބާހަކީ އިސްލާމީ ދުނިޔޭގައި ވެސް ވަރަށް އިހުތިރާމާއި ގަދަރު ލިބިގެންވާ ބޭފުޅެކެވެ.
ކިޔުންތެރިންގެ ހިޔާލު