ތިރީގައި މިވަނީ ހުކުރު ނަމާދުގަައި ކިޔުން ސުންނަތް ވެގެންވާ ސޫރަތްތަކުގެ ގޮތުގައި ރިވާވެފައިވާ ބައެއް ސޫރަތްތަކެވެ.

އެގޮތުން ފުރަތަމަ ގޮތަކީ: ފުރަތަަމަ ރަކުޢަތުގައި سبح ދެވަނަ ރަކުޢަތުގައި الغاشية ކިޔުމެވެ.

ދެވަނަ ގޮތަކީ: ފުރަތަަމަ ރަކުޢަތުގައި سورة الجمعة އަދި ދެވަނަ ރަކުޢަތުގައި المنافقون ކިޔުމެވެ.

އަދި އަނެއްބައިފަހަރު ފުރަތަަމަ ރަކުޢަތުގައި سورة الجمعة އަދި ދެވަނަ ރަކުޢަތުގައި الغاشية ކިޔުއްވާ ކަމަށް ވެސް އައިސްފައިވެއެވެ.

މި 3 ގޮތަކީވެސް ސުންނަތުން ޘާބިތުވާ 3 ގޮތްކަމުން، އެންމެ ރަނގަޅު ގޮތަކީ އެކި ފަހަރު އެކި ގޮތަށް ހުކުރު ނަމާދު ކުރުމެވެ. އޭރުން 3 ސުންނަތަށް ޢަމަލު ކުރެވުނީއެވެ. ނަމާދު ކުރާމީހުނަށް ދިގު ވެދާނެ ކަމުގެ ބިރު އޮތްނަމަ އަވަސް ކިޔެވުމެއްގައި ވެސް ކިޔަވާ ލެވިދާނެއެވެ.

އެކަމަކު ބައެއް އިމާމުން ކަންތައް ކުރަށްވާ ގޮތަށް ހަމައެކަނި ދެ ސޫރަތުގެ ނިމޭ އާޔަތްތައް ކިޔުމަކުން ސުންނަތް އާދައެއް ނުވާނެއެވެ.

މި ސޫރަތްތައް ނޫން ޤުރްއާނުން ކޮންމެ ބައެއްވެސް ކިޔުން ހުއްދައެވެ.

އާ ސުންނަތެއް އެނގިއްޖެ ނަމަ ޙަޔާތުގައި އެންމެ ފަހަރަކު ނަމަވެސް ކުރެވޭތޯ މަސައްކަތް ކުރަންވާނެއެވެ.

ބައްލަވާ: [أصل صفة صلاة النبي صلى الله عليه وسلم] للألباني

-ޝިރުހާން ޢަލީގެ ލިޔުއްވުމަކުން ނަކަލު ކޮށްފައި-