ކިވީ އަކީ އަޅުގަނޑުމެންގެ ތެރެއިން ވަރަށް ގިނަ މީހުންނަށް ކަމުދާ މޭވާއެކެވެެ. މިއީ ރާއްޖޭގެ ބާޒާރުގައިވެސް މިހާރު ވަރަށް ފަސޭހައިން ލިބެން ހުންނަ މޭވާގެ ބާވަތެކެވެ. މިއީ އެކި ގޮތްގޮތަށް ބޭނުން ކުރެވިދާނެ މޭވާއެކެވެ. އެގޮތުން ކިވީ އަކީ ފަސޭހައިން ކާލެވޭ މޭވާ އަކަށްވީރު ބައެއް މީހުން ޖޫސް ގިރައިގެންވެސް ބޮއެ ހަދައެވެ. ބައެއް މީހުން ތުއްތު ދަރީންނަށް ކާނާގެ ގޮތުގައި ކާންދެއެވެ.
ކިވީ އަކީ އޭގައި ހަށިގަނޑަށް ބޭނުންތެރި އެތަށް މާއްދާތަކެއް އެކުލެވިގެންވާ މޭވާއެކެވެ. އޭގެތެރޭަގައި ވިޓަމިނާއި، މިނެރަލްތަކާއި އަދި ތަފާތު އެކި އެންޓި އޮކްސިޑެންޓުތައް ހިމެނެއެވެ. އެހެންކަމުން ކުވީގައި އެކުލެވޭ މި މާއްދާތަކުގެ އަޅުގަނޑުމެންގެ ސިއްހަތަށް ނުހަނު ގިނަ ފައިދާތައް ލިއްބައިދެއެވެ.
ކިވީ އަކީ އޭގައި ގިނަ އަދަދަކަށް ފައިބަރު އެކުލެވިގެންވާ މޭވާއެއް ކަމުން ކިވީ އަކީ ހަޖަމުގެ ނިޒާމުގެ މައްސަލަތައް ހައްލު ކޮށްދޭ މޭވާއެކެެވެ. އަދި ހަމަ އެހެންމެ ކިވީގައި އެކުލެވިގެންވާ އެކްޓިނައިޑިން ނަމަކަށް ކިޔާ އެންޒައިމް އެއްގެ ސަބަބުންވެސް ހަޖަމުގެ މައްސަލަތައް ހައްލު ވެއެވެ. އެހެންކަމުން ކިވީ ކެއުމުން ބަނޑުގައި ރިއްސުން ފަސޭހަވެ، ކާއެއްޗެހި ހަޖަމު ކުރުމަށް ފަސޭހަވެއެވެ. އަދި ހަށިހަނޑުގެ ތެރޭގައި އުފެދޭ ވައި ބޭރު ކުރުމަށްވެސް އެހީވެދެއެވެ.
މީގެ އިތުރުން ކިވީ އަކީ ބަރުދަން ލުއިކުރުމުގައިވެސް އެހީވެދޭ މޭވާއެކެވެ. ކިވީގައި ގިނަ އަދަދަކަށް ފައިބަރާއި އެންޓި އޮކްސިޑެންޓުތައް ހިމެނޭތީ މި ބޭނުން ކުރުމުން ބަރުދަން ލުއިކުރުމަށް އެހީވެދެއެވެ. މިހެންވެ، މިއީ ބަރުދަން ލުއި ކުރަން އުޅޭ ފަރާތްތަކުގެ މެދުގައި ވަރަށް މަގުބޫލު މޭވާގެ ބާވަތެކެވެ.
ކިވީ ކެއުމުން ލޭގެ ޕްރެޝަރުގެ މައްސަލަތައް ހައްލުކޮށްދޭ ކަމަށްވެސް ދިރާސާތަކުން ދައްކަައެވެ. ކިވީގައި ހިމެނޭ ވިޓަމިން ސީއާއި، ލޫޓޭން ނަމަކަށް ކިޔާ އެންޓިިއޮކްސިޑެންޓެއްގެ ސަބަބުން ލޭގެ ޕްރެޝަރު ދައްކޮށްދިނުމަށް އެހީވެދީ، ލޭގެ ޕްރެޝަރު އެއް ހަމައެއްގައި ހިފެހެއްޓުމަށް އެހީވެދެއެވެ. އަދި މީގެ ސަބަބުން ހާޓް އެޓޭކާއި، ސްޓުރޯކު ފަދަ ނުރައްކާތެރި ބަލިތަކުން މީހާ ރައްކާތެރި ކޮށްދެއެވެ.
މީގެ އިތުރުންވެސް ކިވީ ބޭނުން ކުރުމުން އެތައް ފައިދާތަކެއް ހަށިގަނޑަށް ލިބިގެންދެއެވެ. އޭގެ ތެރޭގައި ހަންގަނޑަށް ދިމާވާ ކުރަކިވުމުގެ މައްސަލަ މައްސަލަތައް ހައްލުކޮށް ހަންގަނޑަށް ތާޒާކަން ގެނެސްދިނުމަށް އެހީވެދީ ، ލޮލުގެ ފެނުން ރަނގަޅު ކޮށްދީ، އަދި ދިފާއީ ނިޒާމު ވަރުގަދަ ކޮށް ދިނުމުގައިވެސް އެހީވެއެވެ. އެހެންކަމުން ދުޅަހެޔޮ ސިއްހަތެއްގައި ހުންނަން ބޭނުން ނަމަ ކެއުމުގައި ކިވީ ހިމެނުމަކީ އެންމެންވެސް ކުރަންޖެހޭ ކަމެކެވެ.
ކިވީ އަކީ އޭގައި ގިނަ އަދަދަކަށް ފައިބަރު އެކުލެވިގެންވާ މޭވާއެއް ކަމުން ކިވީ އަކީ ހަޖަމުގެ ނިޒާމުގެ މައްސަލަތައް ހައްލު ކޮށްދޭ މޭވާއެކެެވެ. އަދި ހަމަ އެހެންމެ ކިވީގައި އެކުލެވިގެންވާ އެކްޓިނައިޑިން ނަމަކަށް ކިޔާ އެންޒައިމް އެއްގެ ސަބަބުންވެސް ހަޖަމުގެ މައްސަލަތައް ހައްލު ވެއެވެ. އެހެންކަމުން ކިވީ ކެއުމުން ބަނޑުގައި ރިއްސުން ފަސޭހަވެ، ކާއެއްޗެހި ހަޖަމު ކުރުމަށް ފަސޭހަވެއެވެ. އަދި ހަށިހަނޑުގެ ތެރޭގައި އުފެދޭ ވައި ބޭރު ކުރުމަށްވެސް އެހީވެދެއެވެ.
މީގެ އިތުރުން ކިވީ އަކީ ބަރުދަން ލުއިކުރުމުގައިވެސް އެހީވެދޭ މޭވާއެކެވެ. ކިވީގައި ގިނަ އަދަދަކަށް ފައިބަރާއި އެންޓި އޮކްސިޑެންޓުތައް ހިމެނޭތީ މި ބޭނުން ކުރުމުން ބަރުދަން ލުއިކުރުމަށް އެހީވެދެއެވެ. މިހެންވެ، މިއީ ބަރުދަން ލުއި ކުރަން އުޅޭ ފަރާތްތަކުގެ މެދުގައި ވަރަށް މަގުބޫލު މޭވާގެ ބާވަތެކެވެ.
މީގެ އިތުރުންވެސް ކިވީ ބޭނުން ކުރުމުން އެތައް ފައިދާތަކެއް ހަށިގަނޑަށް ލިބިގެންދެއެވެ. އޭގެ ތެރޭގައި ހަންގަނޑަށް ދިމާވާ ކުރަކިވުމުގެ މައްސަލަ މައްސަލަތައް ހައްލުކޮށް ހަންގަނޑަށް ތާޒާކަން ގެނެސްދިނުމަށް އެހީވެދީ ، ލޮލުގެ ފެނުން ރަނގަޅު ކޮށްދީ، އަދި ދިފާއީ ނިޒާމު ވަރުގަދަ ކޮށް ދިނުމުގައިވެސް އެހީވެއެވެ. އެހެންކަމުން ދުޅަހެޔޮ ސިއްހަތެއްގައި ހުންނަން ބޭނުން ނަމަ ކެއުމުގައި ކިވީ ހިމެނުމަކީ އެންމެންވެސް ކުރަންޖެހޭ ކަމެކެވެ.
ކިޔުންތެރިންގެ ހިޔާލު