މާބޮޑަށް ފަލަވެ ހަށިގަނޑުގައި ސަރުބީ ޖެހުމަކީ ކޮންމެ މީހަކަށްވެސް އުނދަގޫތަކެއް ކުރުވާނެ ކަމެކެވެ. ބަރުދަން ލުއި ކުރުމަށްޓަކައި މީހުން އެކިއެކި އުކުޅުތައް ބޭނުން ކުރެއެވެ. ނަމަވެސް ބައެއް މީހުން ބުނާ ގޮތުގައި ކިތައްމެ ވަރަކަށް ކަސްރަތު ކުރިޔަސް، ބަރުދަން ލުއި ކުރުން ވަނީ ވަރަށް އުނދަގޫ ކަމަކަށެވެ.
ތިމާ ބޭނުންވާ ބަރުދަނާ ހިސާބަށް ދިޔުމަކީ ފަސޭހަ ކަމަކަށް ނުވީ ނަމަވެސް، ކަސްރަތު ކުރުމުގެ އިތުރަށް ދިރިއުޅުމުގެ އެކި ކަންތައްތައް ބަދަލު ކުރުމުންވެސް އަވަހަށް އެ ބަރުދަނާ ހަމައަށް ވާސިލު ވުމަށް އެހީވެދެއެވެ. އެހެންކަމުން މި ހިމަނާލަނީ ހަލުވި މިނެއްގައި ބަރުދަން ލުއިކުރަން ބޭނުންވާ ނަމަ ކުރަންވީ ބައެއް ކަންކަމެވެ.
ދުވަސް ފެށުމުގައި ޕްރޮޓީން ބޭނުން ކުރުން:
ދުވަސް ފަށާއިރު ޕްރޮޓީން ބޭނުން ކުރުމަކީ ބަރުދަން ލުއި ކުރުމަށް އެހީވެދޭ ކަމެކެވެ. ދިރާސާތަކުން ދައްކާ ގޮތުގައި ގިނައިން ޕްރޮޓީން އެކުލެވޭ ކާނާގެ ނާސްތާގައި ހިމެނުމުން، މީހާގެ ކްރޭވިންގްތައް ދައްކޮށްދީ، ކެވޭ މިންވަރު މަދުކޮށްދެއެވެ. އަދި އޭގެ ސަބަބުން މުޅި ދުވަހު ހަށިގަނޑަށް އެތެރެ ކުރާ ކެލޮރީތައް ދަށްކޮށްދޭނެއެވެ. އެގޮތުން ހެނދުނުގެ ނާސްތާގައި ހިމަނާލަން ރަނގަޅު ބައެއް ބާވަތްތަކުގެ ތެރޭގައި، ބިހާއި، ކިރު ނުވަތަ ޕްރޮޓީން ސްމޫތީ ހިމެނެއެވެ.
ކެއުމުގެ ކުރިން ފެން ބުއިން:
ކެއުމުގެ ކުރިން ފެން ބުއިމަކީވެސް ބަރުދަން ލުއިކޮށްދޭ ކަމެކެވެ. ކެއުމުގެ ކުރިން ފެން ބުއިމުގެ ސަބަބުން ބަނޑު ފުރޭލެއް އަވަސްވެ، ހަށިގަނޑަށް އެތެރެ ކުރެވޭ ކެލޮރީތަކުގެ މިންވަރު ދަށްކޮށްދެއެވެ. އަދި ހަށިގަނޑަށް އެތެރެވާ ކެލޮރީތައް މަދުވުމުގެ ސަބަބުން މީހާގެ ބަރުދަން ލުއިވެއެވެ. މިއީ ވަރަށް ކުޑަ ކަމެއް ނަމަވެސް، މިކަމުގެ ސަބަބުން ފެންނަ ނަތީޖާ ވަރަށް ރަނގަޅުވާނެއެވެ.
ހަށިގަނޑަށް ބޭނުންވާ މިންވަރަށް ނިދުން:
ނިދުމަކީ މީހާގެ ހަށިގަނޑުގައި ހިނގާ އެކިއެކި މަސައްކަތްތައް އޭގެ އެންމެ ފުރިހަަމަ ގޮތުގައި އަދާ ކުރުމަށްޓަކައި، ވަރަށް މުހިންމު ކަމެކެވެ. ހަށިގަނޑަށް ބޭނުންވާ މިންވަރަށް ނިދި ނުލިބޭނަމަ އޭގެ ސަބަބުން ހަށިގަނޑުގެ ހޯމޯންތަކަށް ބަދަލު އައިސް، ބަނޑުހައި ހޫނުކަން އިތުރުވެ، ގިނައިން ކާހިތްވާ ގޮތްވެއެވެ. އަދި އޭގެ ސަބަބުން ހަށިގަނޑަށް ބޭނުންވާ ވަރަށްވުރެ ގިނައިން ކެވި، ހަށިގަނޑަށް އެތެރެ ކުރެވޭ ކެލޮރީތައް ގިނަވެގެންދެއެވެ. ވީމާ ހަށިގަނޑަށް ބޭނުންވާ ވަރަށް ނިދި ލިބުމަކީވެސް ބަރުދަން ލުއި ކުރުމަށްޓަކައި ވަރަށް މުހިންމު ކަމެކެވެ.
ދުވަސް ފެށުމުގައި ޕްރޮޓީން ބޭނުން ކުރުން:
ދުވަސް ފަށާއިރު ޕްރޮޓީން ބޭނުން ކުރުމަކީ ބަރުދަން ލުއި ކުރުމަށް އެހީވެދޭ ކަމެކެވެ. ދިރާސާތަކުން ދައްކާ ގޮތުގައި ގިނައިން ޕްރޮޓީން އެކުލެވޭ ކާނާގެ ނާސްތާގައި ހިމެނުމުން، މީހާގެ ކްރޭވިންގްތައް ދައްކޮށްދީ، ކެވޭ މިންވަރު މަދުކޮށްދެއެވެ. އަދި އޭގެ ސަބަބުން މުޅި ދުވަހު ހަށިގަނޑަށް އެތެރެ ކުރާ ކެލޮރީތައް ދަށްކޮށްދޭނެއެވެ. އެގޮތުން ހެނދުނުގެ ނާސްތާގައި ހިމަނާލަން ރަނގަޅު ބައެއް ބާވަތްތަކުގެ ތެރޭގައި، ބިހާއި، ކިރު ނުވަތަ ޕްރޮޓީން ސްމޫތީ ހިމެނެއެވެ.
ކެއުމުގެ ކުރިން ފެން ބުއިން:
ކެއުމުގެ ކުރިން ފެން ބުއިމަކީވެސް ބަރުދަން ލުއިކޮށްދޭ ކަމެކެވެ. ކެއުމުގެ ކުރިން ފެން ބުއިމުގެ ސަބަބުން ބަނޑު ފުރޭލެއް އަވަސްވެ، ހަށިގަނޑަށް އެތެރެ ކުރެވޭ ކެލޮރީތަކުގެ މިންވަރު ދަށްކޮށްދެއެވެ. އަދި ހަށިގަނޑަށް އެތެރެވާ ކެލޮރީތައް މަދުވުމުގެ ސަބަބުން މީހާގެ ބަރުދަން ލުއިވެއެވެ. މިއީ ވަރަށް ކުޑަ ކަމެއް ނަމަވެސް، މިކަމުގެ ސަބަބުން ފެންނަ ނަތީޖާ ވަރަށް ރަނގަޅުވާނެއެވެ.
ނިދުމަކީ މީހާގެ ހަށިގަނޑުގައި ހިނގާ އެކިއެކި މަސައްކަތްތައް އޭގެ އެންމެ ފުރިހަަމަ ގޮތުގައި އަދާ ކުރުމަށްޓަކައި، ވަރަށް މުހިންމު ކަމެކެވެ. ހަށިގަނޑަށް ބޭނުންވާ މިންވަރަށް ނިދި ނުލިބޭނަމަ އޭގެ ސަބަބުން ހަށިގަނޑުގެ ހޯމޯންތަކަށް ބަދަލު އައިސް، ބަނޑުހައި ހޫނުކަން އިތުރުވެ، ގިނައިން ކާހިތްވާ ގޮތްވެއެވެ. އަދި އޭގެ ސަބަބުން ހަށިގަނޑަށް ބޭނުންވާ ވަރަށްވުރެ ގިނައިން ކެވި، ހަށިގަނޑަށް އެތެރެ ކުރެވޭ ކެލޮރީތައް ގިނަވެގެންދެއެވެ. ވީމާ ހަށިގަނޑަށް ބޭނުންވާ ވަރަށް ނިދި ލިބުމަކީވެސް ބަރުދަން ލުއި ކުރުމަށްޓަކައި ވަރަށް މުހިންމު ކަމެކެވެ.
ކިޔުންތެރިންގެ ހިޔާލު