އަނަންތު އަމްބާނީގެ ކައިވެނީގައި ހުރި "އިންޑިއަން ސްޓްރީޓް ފުޑް" ވަރަށް މީރު ކަމަށް ހޮލީވުޑްގެ މަޝްހޫރު ތަރި ޖޯން ސީނާ ބުނެފިއެވެ.
ޖޯން ސީނާ މިހެން ބުނެފައިވަނީ އޭޝިއަން ނިއުސް އިންޓަނޭޝަނަލް (އޭއެންއައި) އަށް ދިން އިންޓަވިއުއެއްގައެވެ. މި އިންޓަވިއުގައި އޭނާ ވަނީ އިންޑިއާގެ ކާއެއްޗެހީގެ ކުޅިކަމާބެހޭ ގޮތުން ދެތިން ބަހެއް ބުނެފައެވެ.
އެގޮތުން އިންޑިއާއަށް ގޮސް އެތަނުގެ ކެއުންތައް ކެއުމުން އޭނާގެ ކުޅި އެއްޗެހި ތަހައްމަލުކުރެވޭ މިންގަނޑު ރަނގަޅު ކޮށްލަން ޖެހޭކަން އެނގުނު ކަމަށް ޖޯން ސީނާ ބުންޏެވެ. އަދި އަނަންތުގެ ކައިވެނީގައި ތަފާތު އެކި ވައްތަރުގެ ކާ އެއްޗެހި ހުރިކަމަށާއި އޭގެ ތެރޭގައި އިންޑިއާގެ އެކި ކަހަލަ ކާއެއްޗެއްސާއި "އިންޑިއަން ސްޓްރީޓް ފުޑް" ގެ ބާވަތްތައް ހުރިކަމަށް އޭނާ ބުންޏެވެ. އަދި އޭނާއަށް "އިންޑިއަން ސްޓްރީޓް ފުޑް" ވަރަށް މީރު ކަމަށާއި އޭނާއަށް ވަރަށް ކަމުދިޔަކަމަށް ބުންޏެވެ.
އަނަންތުގެ ކައިވެންޏަށް އޭނާ އިންޑިއާއަށް ގޮސްފައިވަނީ ކުޑަ ދުވަސްކޮޅަކަށް ކަމަށްވީނަމަވެސް، އެތާގެ ކާއެއްޗެހީގެ ރަހަބަލާލަން ދިއުމުގެ ޝައުގުވެރިކަން ހުރިކަން އޭނާ ވަނީ މި އިންޓަވުއުގައި ހާމަކޮށްފައެވެ. އެގޮތުން އޭނާ ބުނެފައިވަނީ އަނަންތުގެ ކައިވެނީގައި ހުރި ކާއެއްޗެހީގެ ކުޅިމިން ހުރީ އޭނާއަށް ކިރިޔާ ކެވޭ މިންވަރަކަށް ކަމަށާއި، އެ ކެއުމުން ކުޑަކޮށް ގައިން ދާހިއްލިކަމަށެވެ. މީގެ އިތުރުން ޖޯން ސީނާ ވަނީ އޭނާ ދެން އިންޑިއާއަށް ދާ ފަހަރެއްގައި އެއަށްވުރެ ބޮޑަށް ކުޅިކޮށް ހުރި ކާއެެއްޗެހި ކެވޭތޯ ބަލާނެކަމަށް ހާމަކޮށްފައެވެ.
އަނަންތު އަދި ރާދިކާގެ ކައިވެނީގައި ޖޯން ސީނާ ހުރީ އިންޑިއާގެ ސަގާފަތާ ގުޅުންހުރި ހެދުމެއް ލައިގެންނެވެ. އެ ކައިވެނީގައި އޭނާ ހުރީ ޕައުޑަރު ނޫ ކުލައިގެ ޝެރްވާނީ އަކާއި، ހުދު އަދި ރަން ކުލައިގެ ސަފާއެއް ލައިގެންނެވެ. މީސް މީޑިއާގައި ދައުރުވެފައިވާ ބައެއް ވީޑިއޯ ތަކުގައި އޭނާ މުކޭޝް އަމްބާނީ އަދި އިޝާ އަމްބާނީއާއެކު ނަށާތަން ފެނިފައިވެއެވެ. މި ކައިވެންޏަކީ ދުނިޔޭގެ އެކި ކަންކޮޅުތަކުގެ ނަން މަޝްހޫރު މީހުން ގޮސްފައިވާ ކައިވެނި ހަފްލާއެކެވެ.
މަސައްކަތުގެ މައިދާނަށް ބަލާއިރު ޖޯން ސީނާ މިހާރު އަންނަނީ ޕްރައިމް ވީޑިއޯގެ ފިލްމެއް ކަމަށްވާ "ޖެކްޕޮޓް" ގައި އޭނާ ކުޅޭ ރޯލުގެ ތައްޔާރީތަށް ވަމުން ކަމަށް ޚަބަރުތައް ބުނެއެވެ. މި ފިލްމުގައި އޭނާއާއެކު ލީޑު ރޯލުން ފެނިގެންދާނީ އައުކްވަފީނާއެވެ. އަދި މީގެ އިތުރުން "ހެޑް އޮފް ސްޓޭޓްސް" ގެ މުހިންމު ރޯލަކުންވެސް އޭނާ ފެންނާނެ ކަމަށް ރިޕޯޓުތަކުގައި ވެއެވެ. މި ފިލްމުގައި އޭނާއާއެކު ލީޑް ރޯލުން ފެނިގެންދާނީ ޕްރިޔަންކާ ޗޯޕްރާއެވެ.
އެގޮތުން އިންޑިއާއަށް ގޮސް އެތަނުގެ ކެއުންތައް ކެއުމުން އޭނާގެ ކުޅި އެއްޗެހި ތަހައްމަލުކުރެވޭ މިންގަނޑު ރަނގަޅު ކޮށްލަން ޖެހޭކަން އެނގުނު ކަމަށް ޖޯން ސީނާ ބުންޏެވެ. އަދި އަނަންތުގެ ކައިވެނީގައި ތަފާތު އެކި ވައްތަރުގެ ކާ އެއްޗެހި ހުރިކަމަށާއި އޭގެ ތެރޭގައި އިންޑިއާގެ އެކި ކަހަލަ ކާއެއްޗެއްސާއި "އިންޑިއަން ސްޓްރީޓް ފުޑް" ގެ ބާވަތްތައް ހުރިކަމަށް އޭނާ ބުންޏެވެ. އަދި އޭނާއަށް "އިންޑިއަން ސްޓްރީޓް ފުޑް" ވަރަށް މީރު ކަމަށާއި އޭނާއަށް ވަރަށް ކަމުދިޔަކަމަށް ބުންޏެވެ.
އަނަންތުގެ ކައިވެންޏަށް އޭނާ އިންޑިއާއަށް ގޮސްފައިވަނީ ކުޑަ ދުވަސްކޮޅަކަށް ކަމަށްވީނަމަވެސް، އެތާގެ ކާއެއްޗެހީގެ ރަހަބަލާލަން ދިއުމުގެ ޝައުގުވެރިކަން ހުރިކަން އޭނާ ވަނީ މި އިންޓަވުއުގައި ހާމަކޮށްފައެވެ. އެގޮތުން އޭނާ ބުނެފައިވަނީ އަނަންތުގެ ކައިވެނީގައި ހުރި ކާއެއްޗެހީގެ ކުޅިމިން ހުރީ އޭނާއަށް ކިރިޔާ ކެވޭ މިންވަރަކަށް ކަމަށާއި، އެ ކެއުމުން ކުޑަކޮށް ގައިން ދާހިއްލިކަމަށެވެ. މީގެ އިތުރުން ޖޯން ސީނާ ވަނީ އޭނާ ދެން އިންޑިއާއަށް ދާ ފަހަރެއްގައި އެއަށްވުރެ ބޮޑަށް ކުޅިކޮށް ހުރި ކާއެެއްޗެހި ކެވޭތޯ ބަލާނެކަމަށް ހާމަކޮށްފައެވެ.
މަސައްކަތުގެ މައިދާނަށް ބަލާއިރު ޖޯން ސީނާ މިހާރު އަންނަނީ ޕްރައިމް ވީޑިއޯގެ ފިލްމެއް ކަމަށްވާ "ޖެކްޕޮޓް" ގައި އޭނާ ކުޅޭ ރޯލުގެ ތައްޔާރީތަށް ވަމުން ކަމަށް ޚަބަރުތައް ބުނެއެވެ. މި ފިލްމުގައި އޭނާއާއެކު ލީޑު ރޯލުން ފެނިގެންދާނީ އައުކްވަފީނާއެވެ. އަދި މީގެ އިތުރުން "ހެޑް އޮފް ސްޓޭޓްސް" ގެ މުހިންމު ރޯލަކުންވެސް އޭނާ ފެންނާނެ ކަމަށް ރިޕޯޓުތަކުގައި ވެއެވެ. މި ފިލްމުގައި އޭނާއާއެކު ލީޑް ރޯލުން ފެނިގެންދާނީ ޕްރިޔަންކާ ޗޯޕްރާއެވެ.
ކިޔުންތެރިންގެ ހިޔާލު