ރާއްޖެ އާއި އިންޑިއާއާ ދެމެދުގައި އޮތް ޒަމާންވީ ވަރުގަދަ ގުޅުން ދަމަހައްޓަން މަސައްކަތް ކުރުމުގެ އަޒުމުގައި ތިއްބެވިކަމަށް ފޮރިން މިނިސްޓަރު މޫސާ ޒަމީރު ވިދާޅުވެއްޖެއެވެ.

އިންޑިއާގެ ފޮރިން އެފެއަރޒް މިނިސްޓަރު ސުބްރަމަނިއަމް ޖައިޝަންކަރު މިއަދު ރާއްޖެ ވަޑައިގެންނެވުމާއި ގުޅިގެން އެކްސްގައި ކުރެއްވި ޕޯސްޓެއްގައި ޒަމީރު ވިދާޅުވީ، ޖައިޝަންކަރު ރާއްޖެ ވަޑައިގެންނެވީތީ ހޫނު މަރުހަބާއެއް ވިދާޅުވާކަމަށާއި ދެގައުމުގެ ގުޅުން ވަރުގަދަކޮށް ގުޅިގެން އެކުވެރިކަމާއެކު ކުރިއަށް ދިޔުމުގެ އަޒުމުގައި ތިއްބެވިކަމަށެވެ.

އޭގެ އިތުރުން އެކި ދާއިރާތަކުން ކުރިއެރުން ހޯދުމަށް ދެ ގައުމު ގުޅިގެން ކުރިއަށް ދިއުމަށާއި ދެ ގައުމުގެ ރަހުމަތްތެރިކަމުގެ ގުޅުން އިތުރަށް ވަރުގަދަކުރުމަށްޓަކައި މި ދަތުރުގެ ތެރެއިން މަޝްވަރާތައް ކުރިއަށް ގެންދަވާނެކަމަށް ވެސް ޒަމީރު ވަނީ ވިދާޅުވެފައެވެ.

Pleased to welcome External Affairs Minister @DrSJaishankar to the Ministry of Foreign Affairs this evening.

We will be continuing our discussions on all areas of our bilateral cooperation, reinforcing our shared commitment to deepening our partnership.

We are committed to… pic.twitter.com/G0E5DRCb04

— Moosa Zameer (@MoosaZameer) August 9, 2024

ޖައިޝަންކަރު ރާއްޖެ ވަޑައިގެންފައި މިވަނީ އިންޑިއާއާއި ދެމެދު އޮތް ގުޅުން އިތުރަށް ބަދަހި ކުރަން ސަރުކާރުން ބޭނުންވާކަން ހާމަކޮށްފައިވަނިކޮށެވެ. ނަމަވެސް އިދިކޮޅު ފަރާތްތަކުން ދަނީ މި ސަރުކާރުގެ ސިޔާސަތަކީ އިންޑިއާ އާއި ފެއަށް ޖެހުމުގެ ވިސްނުން ކަމަށް ބުނަމުންނެވެ.

މިއީ މި ސަރުކާރު ވެރިކަމާ ހަވާލުވީފަހުން އިންޑިއާ ސަރުކާރުގެ އިސް ވެރިއަކު ރާއްޖެ ރަސްމީ ދަތުރެއް ކުރައްވާ ފުރަތަމަ ފަހަރެވެ.