އިންޑިޔާގެ މިނިސްޓަރ އޮފް އެކްސްޓަރނަލް އެފެއަރޒް ޑރ ސުބްރަމާނިއަމް ޖައިޝަންކަރު އައްޑޫ ސިޓީއަށް ވަޑައިގެންފިއެވެ.

ޖައިޝަންކަރު އައްޑޫ ސިޓީއަށް ވަޑައިގެންފައި ވަނީ މިއަދު ހެނދުނުގެ ވަގުތެއްގައެވެ. ޖައިޝަންކަރު އައްޑޫ ސިޓީއަށް ވަޑައިގެންނެވުމުން މަރުހަބާ ދެންނެވުމަށް ރާއްޖޭގެ ހާރިޖީ ވަޒީރު މޫސާ ޒަމީރާއި އައްޑޫ ސިޓީގެ ކައުންސިލްގެ ބޭފުޅުންނާއި ރައްޔިތުންގެ މަޖިލީހުގައި އައްޑޫސިޓީ ގެ ދާއިރާތައް ތަމްސީލު ކުރައްވާ މެމްބަރުން ވަނީ ބައިވެރިވެފައެވެ.

ހާރިޖީ ވަޒީރު ޖައިޝަންކަރު އައްޑޫ ސިޓީ އަށް ކުރައްވާ ދަތުރުފުޅުގެ ތެރެއިން އިންޑިޔާގެ އެހީގައި އައްޑޫސިޓީގައި ކުރިޔަށް ގެންދާ މަޝްރޫއުތައް ނިންމައި ދިވެހި ސަރުކާރާއި ހަވާލުކުރައްވާނެ އެވެ.

ރާއްޖެއާއި އިންޑިޔާ އާއި ދެމެދު ވަނީ މުހިންމު ދާއިރާތަކުން މަޝްވަރާ ކުރައްވާފައެވެ.