ލާމަރުކަޒީ ނިޒާމަށް ބަދަލުތަކެއް ގެނެސް ކައުންސިލުތަކަށް އިންތިޚާބުކުރާ ކައުންސިލަރުންގެ އަދަދު މަދުކުރަން ނިންމީ ރައްޔިތުންގެ ބައިވެރިވުން ކުޑަކުރަން ނޫން ކަމަށް ރައީސުލްޖުމުހޫރިއްޔާ ޑރ. މުޙައްމަދު މުޢިއްޒު މިއަދު ވިދާޅުވެއްޖެއެެވެ.
ރައީސް މިހެން ވިދާޅުވީ މާލޭ ސިޓީ ކައުންސިލަށް ވަޑައިގެން ކައުންސިލްގެ މެމްބަރުންނާއި މިއަދު ބައްދަލުކުރައްވައި ވާހަކަފުޅު ދައްކަވަމުންނެެވެ. ރައީސް ޑރ. މުޙައްމަދު މުޢިއްޒު ވިދާޅުވީ ލާމަރުކަޒީ ނިޒާމަކީ އެމަނިކުފާނު ފުރިހަމައަށް ގަބޫލުކުރައްވާ ނިޒާމެއް ކަމަށެެވެ. ރައީސް ވިދާޅުވީ ކައުންސިލުތަކަށް އިންތިޚާބުކުރާ ކައުންސިލަރުންގެ އަދަދު މަދުކުރަން ގާނޫނުތަކަށް ބަދަލު ގެންނަން ނިންމީ ރައްޔިތުންގެ ބައިވެރިވުން ކައުންސިލްތަކުގައި ކުޑަކުރަން ނޫން ކަމަށެެވެ. އަދި ކައުންސިލަރުންގެ އަދަދު މަދުކުރަން ގާނޫނުތަކަށް ބަދަލު ގެންނަން ނިންމީ އެފިޝިއަންސީ އިތުރުކޮށް ރައްޔިތުންނަށް ދެވޭ ޚިދުމަތްތަކުގެ ފެންވަރު ރަނގަޅުކުރުމަށް ކަމަށް ރައީސް މުޢިއްޒު ވިދާޅުވިއެވެ.
"ރައްޔިތުންގެ ބައިވެރިވުން އެންމެ ތަންކޮޅެެއް ވެސް ކުޑަކުރާކަށް ބޭނުމެއް ނޫން، ރައްޔިތުންގެ ބައިވެރިވުން އޮވެގެން، އެހެން ނަމަވެސް މިހާރަށްވުރެ ތަންކޮޅެއް ބަރުހެލިކަން ކުޑަ, ތަންކޮޅެއް މިހާރަށް ވުރެ ބައެއް ރަށްރަށުގައި ސައިޒް ތަންކޮޅެއް ކުޑަވާން، އެހެން ނަމަވެސް އެފިޝިއަންސީ އެއަށްވުރެ ފުރިހަމަަވެގެންދާގޮތަށް،" ކުރިން މާލޭ ސިޓީކައުންސިލްގެ މޭޔަރު ކަން ވެސް ކުރެއްވި ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ، މާލޭ ސިޓީކައުންސިލްގެ ދާއިރާތައް އެހާބޮޑަށް މަދުނުކުރެވޭނެ ކަމަށެވެެ. ސަބަބަކީ މާލޭގެ އާބާދީ ވެސް ބޮޑުވެފައި ބަލަން ޖެހޭ ސަރަހައްދު ވެސް ބޮޑުވާތީ ކަމަށް ރައީސް ވިދާޅުވިއެވެ.
މިބައްދަލުވުމުގައި ރައީސް ވަނީ މާލޭ ސިޓީކައުންސިލަށް ސަރުކާރުން ދެއްވަންޖެހޭ ފުރިހަމަ އެއްބާރުލުން ދެއްވާނެ ކަމުގެ ޔަގީންކަން ދެއްވާފައެވެ.
"މާލޭ ސިޓީކައުންސިލުން ރައްޔިތުންނަށް ޚިދުމަތް ދިނުމުގައި ސަރުކާރުގެ ފަރާތުން ފުރިހަމަ އެއްބާރުލުން ދޭނަން، އެއީ ގެދޮރުގެ މައްސަލަ ކަމަށްވިޔަސް ޑޭޓު ޑޭ މުނިސިޕަލް ޚިދުމަތް ކަމަށް ވިޔަސް ރައްޔިތުންގެ ކަންބޮޑުވުން ސަރުކާރާއި ހަމަޔަށް ތިބޭފުޅުން ގެނެސް ދިނުމުގައި އޮންނަ ޗެނަލް ސްމޫތުލީ ރަން ކުރެވޭ ގޮތް ފަސޭހައިން ރައްޔިތުންގެ ކަންކަން ސަރުކާރުގެ ކަމާބެހޭ ވުޒާރާތަކަށް ފޯރުކޮށްދިނުން ކަމަށް ވިޔަސް އެކަންކުރުމުގައި ފަސޭހަކޮށްދޭނަން،" ރައީސް ވިދާޅުވިއެވެ.
"ރައްޔިތުންގެ ބައިވެރިވުން އެންމެ ތަންކޮޅެެއް ވެސް ކުޑަކުރާކަށް ބޭނުމެއް ނޫން، ރައްޔިތުންގެ ބައިވެރިވުން އޮވެގެން، އެހެން ނަމަވެސް މިހާރަށްވުރެ ތަންކޮޅެއް ބަރުހެލިކަން ކުޑަ, ތަންކޮޅެއް މިހާރަށް ވުރެ ބައެއް ރަށްރަށުގައި ސައިޒް ތަންކޮޅެއް ކުޑަވާން، އެހެން ނަމަވެސް އެފިޝިއަންސީ އެއަށްވުރެ ފުރިހަމަަވެގެންދާގޮތަށް،" ކުރިން މާލޭ ސިޓީކައުންސިލްގެ މޭޔަރު ކަން ވެސް ކުރެއްވި ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ، މާލޭ ސިޓީކައުންސިލްގެ ދާއިރާތައް އެހާބޮޑަށް މަދުނުކުރެވޭނެ ކަމަށެވެެ. ސަބަބަކީ މާލޭގެ އާބާދީ ވެސް ބޮޑުވެފައި ބަލަން ޖެހޭ ސަރަހައްދު ވެސް ބޮޑުވާތީ ކަމަށް ރައީސް ވިދާޅުވިއެވެ.
"މާލޭ ސިޓީކައުންސިލުން ރައްޔިތުންނަށް ޚިދުމަތް ދިނުމުގައި ސަރުކާރުގެ ފަރާތުން ފުރިހަމަ އެއްބާރުލުން ދޭނަން، އެއީ ގެދޮރުގެ މައްސަލަ ކަމަށްވިޔަސް ޑޭޓު ޑޭ މުނިސިޕަލް ޚިދުމަތް ކަމަށް ވިޔަސް ރައްޔިތުންގެ ކަންބޮޑުވުން ސަރުކާރާއި ހަމަޔަށް ތިބޭފުޅުން ގެނެސް ދިނުމުގައި އޮންނަ ޗެނަލް ސްމޫތުލީ ރަން ކުރެވޭ ގޮތް ފަސޭހައިން ރައްޔިތުންގެ ކަންކަން ސަރުކާރުގެ ކަމާބެހޭ ވުޒާރާތަކަށް ފޯރުކޮށްދިނުން ކަމަށް ވިޔަސް އެކަންކުރުމުގައި ފަސޭހަކޮށްދޭނަން،" ރައީސް ވިދާޅުވިއެވެ.
ކިޔުންތެރިންގެ ހިޔާލު