މިއަދާއި މާދަމާވެސް ރާއްޖޭގެ އެކި ހިސާބުތަކަށް މޫސުން ގޯސްވާނެ ކަމަށް ލަފާކުރެވޭ ކަމުގައި މޫސުމާ ބެހޭ ގައުމީ އިދާރާ، (މެޓުން ބުނެފިއެވެ.

މެޓުން ބުނީ މިއަދާއި މާދަމާ ރާއްޖޭގެ އެކި ހިސާބުތަކަށް މޫސުން ގޯސްވާނެ ކަމަށް ލަފާކުރެވޭ ކަމަށާއި ހުރިހާ ސަރަހައްދުތަކަށް ވެސް ވިއްސާރަކުރާނެ ކަމަށެވެ. އަދި ގިނަ އިރުތަކެއްގައި ވެހޭ ވާރެއަށްވުރެ ބޮޑަށް އިރުއިރުކޮޅާ ވެހޭ ވާރޭ އިތުރުވާނެ ކަމަށާއި މުޅި ރާއްޖެއަށް ވިއްސާރަކުރުން އެކަށީންގެންވާ ކަމަށް ނެޓުން ބުނެފައި ވެއެވެ.

އާންމުކޮށް ވައިޖެހޭނީ 8 މޭލާއި 18 މޭލާ ދެމެދުގެ ބާރު މިނެއްގައި ކަމަށް މެޓް އޮފީހުން ބުނެއެވެ. އަދި ވިލާގަނޑުގައި 35 މޭލަށް ވައިގަދަވާނެ ކަމަށް ލަފާކުރެވޭ ކަމަށާއި ނަމަވެސް ކަނޑުތައް މަޑުވާނެ ކަމަށް މެޓުން ބުނެފައި ވެއެވެ.

މެޓް އޮފީހުން ބުނީ ބުރާސްފަތި ދުވަހުން ފެށިގެން މޫސުން ރަނގަޅުވާނެ ކަމަށް ލަފާކުރެވޭ ކަމަށެވެ.