ބޮލީވުޑްގެ މަޝްހޫރު ތަރި ސަނީ ޑިއޯލްގެ ކުރިއަށް އޮތް ފިލްމު "ޖާތު" ނެރޭ ދުވަސް އާންމު ކޮށްފިއެވެ.

ބޮލީވުޑް ހަންގާމާގައިވާ ރިޕޯޓެއްގައި ބުނެފައިވަނީ ސަނީ ޑިއޯލްގެ ފިލްމު "ޖާތު" އަންނަ އަަހަރުގެ އޭޕްރިލް މަހު 10 ގައި ނެރޭނެ ކަމަށެވެ. މީގެ ކުރިން މި ފިލްމު ނެރުމަށް ނިންމާފައިވަނީ 2025ގެ ޖެނުއަރީ މަހުގައެވެ. ނަމަވެސް ފިލްމު ޕްރޮޑިއުސް ކުރުމަަށްފަހު ކުރަން ހުރި ކަންތަކަށް މާ ބޮޑަށް ވަގުތު ނެގުމުގެ ސަބަބުން ފިލްމު ނެރުން ލަސް ކުރީ ކަމަށް ރިޕޯޓުގައި ވެއެވެ.

ގޯޕީޗަންދު މަލިނޭލީ ޑައިރެކްޓު ކުރާ މި ފިލްމުގެ ޓްރެއިލަރ ވެސް މިހާރުވަނީ ރިލީޒްކޮށްފައެވެ. މި ފިލްމަކީ އާންމު ދިރިއުޅުމުގައި ކުރިމަތިވެފައިވާ ބައެެއް ހާދިޘާ ތަކަށް ނިސްބަތް ކޮށް އުފައްދާފައިވާ ފިލްމެއް ކަމަށް ފިލްމުގެ ޑައިރެކްޓަރު ވަނީ މީގެ ކުރިން ދިން އިންޓަވިއުއެއްގައި ބުނެފައެވެ.

އެޕްރިލް 10 ގައި މި ފިލްމު ނެރުމަށް ހަމަޖެހިފައިވާއިރު ޕްރަބާސްގެ ފިލްމު "ދަ ރާޖާ ސާބް" އާއި މި ފިލްމު ބޮކްދް އޮފީހުގައި ކްލޭޝް ވާނެ ކަމަށް ރިޕޯޓުތައް ބުނެއެވެ.