ބޮލީވުޑްގެ މަޝްހޫރު ތަރި ސަލްމާން ޚާންގެ ފިލްމު ސެޓަށް ގަވާއިދާ ހިލާފަށް ވަދެ އުޅުނު މީހަކު ހައްޔަރު ކޮށްފިއެވެ.
އޭނާ ހައްޔަރު ކޮށްފައިވަނީ މުމްބާއީގައި ސަލްމާނުގެ ފިލްމެއްގެ ޝޫޓިން ކުރިއަށް ދަނިކޮށް، ގަވާއިދާ ހިލާފަށް ސެޓަށް ވަދެ ސަލްމާނު އަށް އިންޒާރު ދިނުމާ ގުޅިގެންނެވެ. އެގޮތުން އޭނާ ވަނީ ސަލްމާނު އަށް ލޮރެންސު ބިޝްނޯއީގެ ނަން ބޭނުން ކޮށްގެން އިންޒާރު ދީފައި ކަމަށް ރިޕޯޓުތައް ބުނެއެވެ.
މީޑިއާތަކަށް މައުލޫމާތު ދެމުން ފުލުހުން ބުނެފައިވަނީ ސެޓުގައި އެ މީހާ އުޅުނު ގޮތާމެދު ޝައްކުތަކެއް އުފެދުމުގެ ސަބަބުން ކުރޫ މެމްބަރުންތައް އޭނާއާ ސުވާލު ކުރި ކަމަށެވެ. އަދި ސުވާލު ކުރުމާއެކު އޭނާ ވަނީ އިންޒާރު ދީފައި ކަމަށް ފުލުހުން ވަނީ ބުނެފައެެވެ.
މި ހާދިޘާ ހިނގާފައިވަނީ ސަލްމާނު އަށް ލިބެމުންދާ މަރުގެ އިންޒާރުތަކުގެ ސަބަބުން އޭނާގެ ސެކިއުރިޓީ އިތުރު ކޮށްފައި ވަނިކޮށެވެ. މި ހާދިޘާ ހިނގުމާއެކު އެމީހާ ވަނީ ހައްޔަރު ކޮށްފައެވެ. އަދި މިހާރު ޝިވާޖީ ޕާކު ޕޮލިސް ސްޓޭޝަނުގައި އޭނާއާ ސުވާލު ކުރަމުންދާ ކަމަށް ރިޕޯޓުތައް ބުނެއެވެ.
މި ހާދިޘާ ހިނގާފައިވަނީ ސަލްމާނު އަށް ލިބެމުންދާ މަރުގެ އިންޒާރުތަކުގެ ސަބަބުން އޭނާގެ ސެކިއުރިޓީ އިތުރު ކޮށްފައި ވަނިކޮށެވެ. މި ހާދިޘާ ހިނގުމާއެކު އެމީހާ ވަނީ ހައްޔަރު ކޮށްފައެވެ. އަދި މިހާރު ޝިވާޖީ ޕާކު ޕޮލިސް ސްޓޭޝަނުގައި އޭނާއާ ސުވާލު ކުރަމުންދާ ކަމަށް ރިޕޯޓުތައް ބުނެއެވެ.
ކިޔުންތެރިންގެ ހިޔާލު