އައްޑޫ ސިޓީގައި ދާދި ފަހުން ހުޅުވުނު "އެލީޒް ކޮސްމެޓިކްސް" ފިހާރަ އަކީ ކުޑަ ދުވަސްކޮޅެއްގެ ތެރޭގައި ގިނަ ބެއެއްގެ އިތުބާރާއި ޔަޤީންކަން ހޯދައި ގިނަބައެއްގެ މަޤުބޫލުކަން ލިބެމުން އަންނަ ފިހާރައެކެވެ.



ޒީނަތްތެރިވުމަށް ބޭނުންވާ ތަފާތު އުފެއްދުންތަކަށް ހާއްސަ މި ފިހާރައިން ފެންވަރު ރަނގަޅު ރީތިވާ ސާމާނުތައް ލިބެންހުރިއިރު، މިސާމާނުތަކަކީ ފެންވަރާއި އަޅައިބަލާއިރު ވަރަށްވެސް އަގު ހެޔޮ ތަކެއްޗެވެ.

މަރަދޫ ބޮޑުމަގުގައި (ކިއު ކޯނާ ރެސްޓޯރެންޓު ކައިރީ) ހުންނަ، މި ފިހާރައަށް އެލީޒް ކޮސްމެޓިކްސް ގެ ނަމުން ނަންދެވިފައިވިޔަސް މިއީ ހަމައެކަނި ކޮސްމެޓިކްސް ވިއްކާ ފިހާރައެއްް ނޫނެވެ. މިތަނުން ކޮސްމެޓިކްސްގެ އިތުރުން، ގޭތެރެ ސާފުކުރުމަށް ބޭނުން ކުރާ ތަފާތު ބާއްވައްތަކާއި ކުޑަކުދިންގެ ސާމާނުވެސް ލިބެން އެބަހުއްޓެވެ.

ކޮސްމެޓިކްސްގެ ބާވަތްތަކުގެ ތެރެއިން ސްކިން ކެއާގެ އުފެއްދުންތަކަކީވެސް އެލީޒް ކޮސްމެޓިކްސްގެ ހާއްސަ ބައެކެވެ. އެގޮތުން ސްކިންކެއަރގެ ދުނިޔޭގެ މަޤުބޫލް އުފެއްދުންތައް އަތްފޯރާ ފަށުގައި އެލީޒް ކޮސްމެޓިކްސް އިން ލިބެން ހުންނާނެއެވެ. އޭގެތެރޭގައި ދުނިޔޭގެ ނަން މަޝްހޫރު ބްރޭންޑުތައް ކަމަށްވާ ސީޓަފިލް، ސެރާވީ، ޑރ. ރާޝެލް، ނިއުޓްރޮޖީނާ، ލޯރިއެލް ޕެރިސް، އޯލޭއި، މާމާ އާތު އަދި ދަ އޯޑިނަރީ ފަދަ ބްރޭންޑުތައް ހިމެނެއެވެ.

މި ހުރިހާ ބްރޭންޑްތަކަކީވެސް ދުނިޔޭގެ އެކި ކަންކޮޅުތަކުގެ މީހުން ބޭނުން ކުރާ އަދި ވަރަށް ގިނަ ބަޔަކަށް ކަމުދާ ބްރޭންޑްތަކެކެވެ. މި އުފެެއްދުންތަކަކީ ހަމުގެ އެކި މައްސަލަތައް ފަސޭހަކަމާއެކު ހައްލު ކޮށްދޭކަމުގެ ޔަގީންކަންވެސް ލިބިފައިވާ ބްރޭންޑް ތަކެކެވެ.

މީގެ އިތުރުން އެލީޒް ކޮސްމެޓިކްސް އަކީ ތަފާތު އެކި ވަހުގެ ސެންޓާއި އަތަރު ވެސް ހެޔޮ އަގުގައި ލިބެން ހުރި ތަނެކެވެ. އެގޮތުން މި ފިހާރައިގައި މިހާރު ލިބެންހުރި ބައެއް ސެންޓު ބްރޭންޑުތަކުގެ ތެރޭގައި ދުނިޔޭގެ އެކި ކަންކޮޅުތަކުގެ މީހުންގެ މެދުގައި މަގުބޫލުވެފައިވާ ލަތާފާ ބްރޭންޑުގެ ސެންޓުތަކާއި، ކްލަބް ޑެ ނުއިޓް، ޒާރާ، ބްލެކް އެކްސް، އޫދު އަދި ދާރެޖްގެ އިތުރުން ސިލްކު މަސްކުގެ ސެންޓުތައް ހިމެނެއެވެ.

އެލީޒް ކޮސްމެޓިކްސް އިން މިވަގުތު ލިބެން ހުރި ބައެއް އަތަރުތަކުގެ ތެރޭގައި ބަލްގަރީ އަކުއާ، އިންވިކްޓަސް، ޗެނެލް ހޯމް އަދި ޕިންކް ޝިފޯން ފަދަ އަތަރުތައް ހިމެނެއެވެ.

އެލީޒް ކޮސްމެޓިކްސްގެ ދެން އެންމެ ހާއްސަ ބަޔަކީ އަންހެނުން ޒީނަތްތެރި ވުމަށް ބޭނުން ކުރާ މޭކްއަޕް ސާމާނެވެ. އެގޮތުން މިތަނުގައި އަންހެން ކަނބަލުން މޫނު އަލިކޮށްދޭ މަޝްހޫރު ބްރޭންޑުތަކުގެ ފައުންޑޭޝަން، ލިޕްސްޓިކު އަދި އައިޝެޑޯ ފަދަ އެއްޗެހި ލިބެން ހުންނާނެއެވެ.

ގޭތެރެ ސާފު ކުރަން ބޭނުން ކުރާ ސާމާނުތަކުގެ ތެރޭގައި ޑަބްލިޔު.ޕީ.ސީއާއި ތަފާތު ވައްތަރުގެ ލައްފިލުވާ އަދި ހެދުން ދޮންނަ ސައިބޯނީގެ ތަފާތު ބާވަތްތަކާއި ސޮފްޓްނާގެ ބާވަތްތައްވެސް މި ފިހާރައިން ލިބޭނެއެވެ.

ކުޑަކުދިންނަށް ހާއްސަ ސާމާނުތަކުގެ ތެރޭގައި ކުޑަކުދިންގެ ކޮސްމެޓިކު ސާމާނާއި، ކުޑަކުދިން ކުޅެން ބޭނުން ކުރާ ސޮފްޓު ޓޯއިސް ވެސް މި ފިހާރައިން ލިބޭނެއެވެ.

އެލީޒް ކޮސްމެޓިކްސް ހުޅުވާފައި ހުންނާނީ ކޮންމެ ދުވަހަކު ހެނދުނު 09:00-12:00، މެންދުރު 13:30-17:30 އަދި ރޭގަނޑު 20:00-22:00 އަށެވެ.

ގެއަށް ބޭނުންވާ ސާމާނު އަދި ކޮސްމެޓިކްސް ގަންނަން ނިކުމެ އުޅޭ އިރު މާ ގިނަ ފިހާރަތަކަށް ދިއުމަކީ ވަރަށް ގިނަ މީހުންނަށް އުނދަގޫ ކަމެކެވެ. ނަމަވެސް އެލީޒް ކޮސްމެޓިކްސް އަކީ މި ހުރިހާ ސާމާނުތަކެއް ލިބެން ހުރިތަނަކަށްވުމުން ގިނަ ފިހާރަތަކަށް ގޮސް އެހޭދަވާ ވަގުތާއި އުފުލަންޖެހޭ ތަކްލީފުން ސަލާމަށްވާނެއެވެ.

އެހެންކަމުން، އައްޑޫގައި ދިރިއުޅޭ އެންމެންވެސް ރީތިވުމަށް ބޭނުންވާ ފެންވަރު ރަނގަޅު ސާމާނު އެއް އެއްތަނަކުން، ހެޔޮ އަގުގައި ހޯދަން ބޭނުން ނަމަ އެލީޒް ކޮސްމެޓިކްސް އަށް ގޮސް އެތަނުގައި ވިއްކާ ތަކެތީގެ ފެންވަރު ބަލާލާށެވެ. އެލީޒް ކޮސްމެޓިކްސް ފިހާރައިން ލިބެން ހުރި ތަކެތީގެ މަޢުލޫމާތު ހޯދުމަށް އެލީޒްގެ ފޭސްބުކް ޕޭޖް ނުވަތަ އިންސްޓަގްރަމް ވެސް އިހުތިޔާރުކޮށްލެވޭނެއެވެ.