މަޝްހޫރު ތެލަގޫ އެކްޓަރު އައްލޫ އަރުޖުން ހައްޔަރު ކޮށްފި ކަމަށް މީޑިއާތަކުން ރިޕޯޓުކޮށްފިއެވެ.
އޭނާ ހައްޔަރު ކޮށްފައިވަނީ ދާދި ފަހުން ނެރުނު ފިލްމު "ޕުޝްޕާ 2" އެޅުވި ތިއޭޓަރުގައި އައްލޫ އަރުޖުން ބެލުމަށް ބެލުންތެރިން އެއްވި ގަޑީގައި ހިނގާދިޔަ މަރުގެ ހާދިޘާގެ ސަބަބުންނެވެ. މި ހާދިޘާގައި 35 އަހަރުގެ އަންހެނަކު މަރުވެފައިވާއިރު އޭނާގެ ނުވަ އަހަރުގެ ދަރިފުޅަށްވެސް ވަނީ ޒަހަމްތަކެއް ލިބި ހޮސްޕިޓަލުގައި ފަރުވާ ދީފައެވެ.
މި ހާދިޘާއާ ގުޅިގެން އައްލޫ އަރުޖުން އާއި އޭނާގެ ސެކިއުރިޓީ ޓީމު އަދި ތިއޭޓަރުގެ މެނޭޖުމެންޓު ޓީމަށް ތުހުމަތުމަކެއް ކޮށް ވަނީ ފުލުހަށް މައްސަލައެއް ރިޕޯޓު ކޮށްފައެވެ. އަދި އައްލޫ އަރުޖުން ވަނީ މީގެ ކުރިން އެ މައްސަލައާ އޭނައާ ގުޅުމެއް ނެތް ކަމަށް ބުނެ، އޭނާގެ ނަމުގައި ނެރެފައިވާ މައްސަލަ ނިންމާލަން އެދެފައެވެ.
ނަމަވެސް އޭނާ ވަނީ މިހާރު މި ހާދިޘާއާ ގުޅިގެން ހައްޔަރު ކޮށްފައެވެ. އަދި ބޮލީވުޑް ހަންގާމާއަށް މައުލޫމާތު ދެމުން ފުލުސް ކޮމިޝަނަރުވެސް ވަނީ މިކަން ޔަގީންކޮށްދީފައެވެ.
ރިޕޯޓުތައް ބުނާ ގޮތުގައި އެ އަންހެން މީހާ މަރުވީ އައްލޫ އަރުޖުން ބެލުމަށް މީހުން އެއްވި ގަޑީގައި އޭނާގެ ދަރިފުޅު ސަލާމަތް ކުރަން އުޅުމުގެ ތެރޭގައެވެ.
މި ހާދިޘާއާ ގުޅިގެން އައްލޫ އަރުޖުން އާއި އޭނާގެ ސެކިއުރިޓީ ޓީމު އަދި ތިއޭޓަރުގެ މެނޭޖުމެންޓު ޓީމަށް ތުހުމަތުމަކެއް ކޮށް ވަނީ ފުލުހަށް މައްސަލައެއް ރިޕޯޓު ކޮށްފައެވެ. އަދި އައްލޫ އަރުޖުން ވަނީ މީގެ ކުރިން އެ މައްސަލައާ އޭނައާ ގުޅުމެއް ނެތް ކަމަށް ބުނެ، އޭނާގެ ނަމުގައި ނެރެފައިވާ މައްސަލަ ނިންމާލަން އެދެފައެވެ.
ރިޕޯޓުތައް ބުނާ ގޮތުގައި އެ އަންހެން މީހާ މަރުވީ އައްލޫ އަރުޖުން ބެލުމަށް މީހުން އެއްވި ގަޑީގައި އޭނާގެ ދަރިފުޅު ސަލާމަތް ކުރަން އުޅުމުގެ ތެރޭގައެވެ.
ކިޔުންތެރިންގެ ހިޔާލު