މަޝްހޫރު ޑައިރެކްޓަރު ސަންދީޕު ރެޑީ ވަންގާގެ ކުރިއަށް އޮތް ފިލްމު "ސްޕިރިޓް" ގެ އަންހެން ލީޑުން ފެންނާނީ ބޮލީވުޑްގެ ތަރި މްރުނާލް ތާކުރު ކަމަށް މީޑިއާތަކުން ރިޕޯޓު ކޮށްފިއެވެ.
މި ފިލްމުގެ ޕްރީ ޕްރޮޑަކްޝަން މަސައްކަތްތައް މިހާރު ކުރިއަށް ދާއިރު ފިލްމުގެ އުފެއްދުންތެރިން ދަނީ މި ފިލްމުގެ ކާސްޓު ފައިނަލް ކުރަމުންނެވެ. އެގޮތުން ސަންދީޕު ވަނީ "ސްޕިރިޓް" ގެ އަންހެން ލީޑު ރޯލާ ބެހޭ ގޮތުން މުރުނާލް އާއި މަޝްވަރާ ކޮށްފައި ކަމަށް ޕިންކްވިލާއިން ވަނީ ރިޕޯޓު ކޮށްފައެވެ. އަދި ފިލްމުގެ އެންޓެގޮނިސްޓުންގެ ރޯލުތަކާ ބެހޭ ގޮތުން އޭނާ ދަނީ ކަރީނާ އަދި ސައިފް އަލީ ޚާން އާއި މަޝްވަރާ ކުރަމުންް ކަމަށްވެސް ޕިންކްވިލާއިން ވަނީ ރިޕޯޓު ކޮށްފައެވެ.
މި ފިލްމުގެ ލީޑު އެކްޓަރަކީ ޕްރަބާސް ކަމަށް މީގެ ކުރިން މީޑިއާތަކުން ވަނީ ރިޕޯޓު ކޮށްފައެވެ. އަދި މި ފިލްމުގައި ޕްރަބާސް ފެންނާނީ ފުލުހެއްގެ ރޯލުން ކަމަށްވެސް ރިޕޯޓުތައް ބުނެއެވެ.
މި ފިލްމުގެ ޝޫޓިންގ އަންނަ އަހަރު ފެށުމަށް ހަމަޖެހިފައިވާއިރު، ފިލްމު ނެރޭނެ ކަމަށް ބެލެވެނީ 2026 ގައެވެ. ސަންދީޕު މިހާރު "ސްޕިރިޓް" ގެ މަސައްކަތުގައި މަޝްއޫލުވެ އުޅުނު ކަމުގައި ވީނަމަވެސް، އޭނާ ވަނީ ވަރަށް ގިނަ ޕްރޮޖެކްޓުތައް ކުރިއަށް ރާވާފައެވެ. އެގޮތުން "ސްޕިރިޓް" ގެ މަސައްކަތް ނިމުމާއެކު އޭނާ "އެނިމަލް ޕާކު" ގެ މަސައްކަތް ފަށާނެ ކަމަށް ރިޕޯޓުތައް ބުނެއެވެ.
މި ފިލްމުގެ ޝޫޓިންގ އަންނަ އަހަރު ފެށުމަށް ހަމަޖެހިފައިވާއިރު، ފިލްމު ނެރޭނެ ކަމަށް ބެލެވެނީ 2026 ގައެވެ. ސަންދީޕު މިހާރު "ސްޕިރިޓް" ގެ މަސައްކަތުގައި މަޝްއޫލުވެ އުޅުނު ކަމުގައި ވީނަމަވެސް، އޭނާ ވަނީ ވަރަށް ގިނަ ޕްރޮޖެކްޓުތައް ކުރިއަށް ރާވާފައެވެ. އެގޮތުން "ސްޕިރިޓް" ގެ މަސައްކަތް ނިމުމާއެކު އޭނާ "އެނިމަލް ޕާކު" ގެ މަސައްކަތް ފަށާނެ ކަމަށް ރިޕޯޓުތައް ބުނެއެވެ.
ކިޔުންތެރިންގެ ހިޔާލު