އިންޑިއާއިން ލަންކާއަށް ގޭސް ފޯރުކޮށްދޭން ގޭސް ހޮޅިއެއް އަޅައި ކަރަންޓު ވެސް ފޯރުކޮށްދޭން ނިންމައިފި އެވެ.
އިންޑިއާގެ ބޮޑުވަޒީރު ނަރެންދްރަ މޯދީ މިކަން އިއުލާން ކޮށްދެއްވީ ސްރީލަންކާގެ ރަޢީސް އަނޫރާ ކުމާރަ ދިސެނަޔަކު މިހާރު އިންޑިއާއަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ކުރިއަށްދިޔަ ޖޮއިންޓް ޕްރެސް ބްރީފިންގ އެއްގައެވެ.
ހޯމަ ދުވަހު ކުރިއަށްދިޔަ މި ނޫސްވެރިންގެ ބައްދަލުވުމުގައި އިންޑިއާއިން ލަންކާގެ އިންޖީނުގެތަކަށް ލިކުއިފައިޑް ނެޗުރަލް ގޭސް ފޯރުކޮށްދިނުމާއި، ދެގައުމުގެ ޕަވަރ ގްރިޑް ގުޅުވައިލުމުގެ އިތުރުން، ދެގައުމު ދޭތެރޭ ޕެޓްރޯލިއަމް ޕައިޕްލައިނެއް އެޅުމުގެ މަސައްކަތް ކުރަން ރާވާފައިވާކަން ބޮޑުވަޒީރު މޯދީ އިއުލާންކޮށްދެއްވިއެވެ.
އެގޮތުން މިހާރު އިންޑިއާގެ ދައުލަތުގެ ކުންފުނި ޕެޓްރޮނެޓް އެލްއެންޖީން ވަނީ ލަންކާއަށް ގޭސް ފޯރުކޮށްދޭން ލަންކާގެ ދައުލަތުގެ ކުންފުނި އެލްޓީއެލް ހޯލްޑިންގްސްއާ އެކު އެއްބަސްވުމެއްގައި ސޮއިވެސްކޮށްފަ އެވެ. މިއީ ފަސް އަހަރު ދުވަހަށް ގޭސް ފޯރުކޮށްދޭން ސޮއިކޮށްފައިވާ އެއްބަސްވުމެކެވެ.
މީގެއިތުރުން، ލަންކާގެ ރައީސް އަނޫރާ އިންޑިއާއަށް ކުރައްވަމުން ގެންދަވާ މި ރަސްމީ ދަތުރުފުޅުގައި ދެގައުމުގެ ދެމެދު ކަރަންޓު ގްރިޑް ގުޅާލުމަށާއި، ދެގައުމު ދޭތެރޭ މަލްޓި ޕްރޮޑަކްޓް ޕެޓްރޯލިއަމް ޕައިޕްލައިނެއް އެޅުމަށް ކުރަން ޖެހޭ މަސައްކަތްތަކާ ބެހޭގޮތުންވެސް ވަނީ މަޝްވަރާކޮށްފަ އެވެ. އަދި ލަންކާގެ ލޯނުތައް ރީ ސްޓްރަކްޗާކުރުމާމެދު މަޝްވަރާކުރަން ނިންމައިފައިވާކަމަށްވެސް ރިޕޯޓުތައްބުނެއެވެ.
ލަންކާގެ އިގުތިސާދު 2022 ވަނަ އަހަރު ބަނގުރޫޓްވި ފަހުން އިންޑިއާއިން ވަނީ ބޮޑެތި އެހީތަކެއް ދީފަ އެވެ.
އެގޮތުން އިންޑިއާއިން ވަނީ ގާތްގަނޑަކަށް ފަސް ބިލިއަން ޑޮލަރުގެ ކްރެޑިޓް ލައިން ފެސިލިޓީއެއް ލަންކާއަށް ފޯރުކޮށްދީފަ އެވެ.
ހޯމަ ދުވަހު ކުރިއަށްދިޔަ މި ނޫސްވެރިންގެ ބައްދަލުވުމުގައި އިންޑިއާއިން ލަންކާގެ އިންޖީނުގެތަކަށް ލިކުއިފައިޑް ނެޗުރަލް ގޭސް ފޯރުކޮށްދިނުމާއި، ދެގައުމުގެ ޕަވަރ ގްރިޑް ގުޅުވައިލުމުގެ އިތުރުން، ދެގައުމު ދޭތެރޭ ޕެޓްރޯލިއަމް ޕައިޕްލައިނެއް އެޅުމުގެ މަސައްކަތް ކުރަން ރާވާފައިވާކަން ބޮޑުވަޒީރު މޯދީ އިއުލާންކޮށްދެއްވިއެވެ.
އެގޮތުން މިހާރު އިންޑިއާގެ ދައުލަތުގެ ކުންފުނި ޕެޓްރޮނެޓް އެލްއެންޖީން ވަނީ ލަންކާއަށް ގޭސް ފޯރުކޮށްދޭން ލަންކާގެ ދައުލަތުގެ ކުންފުނި އެލްޓީއެލް ހޯލްޑިންގްސްއާ އެކު އެއްބަސްވުމެއްގައި ސޮއިވެސްކޮށްފަ އެވެ. މިއީ ފަސް އަހަރު ދުވަހަށް ގޭސް ފޯރުކޮށްދޭން ސޮއިކޮށްފައިވާ އެއްބަސްވުމެކެވެ.
މީގެއިތުރުން، ލަންކާގެ ރައީސް އަނޫރާ އިންޑިއާއަށް ކުރައްވަމުން ގެންދަވާ މި ރަސްމީ ދަތުރުފުޅުގައި ދެގައުމުގެ ދެމެދު ކަރަންޓު ގްރިޑް ގުޅާލުމަށާއި، ދެގައުމު ދޭތެރޭ މަލްޓި ޕްރޮޑަކްޓް ޕެޓްރޯލިއަމް ޕައިޕްލައިނެއް އެޅުމަށް ކުރަން ޖެހޭ މަސައްކަތްތަކާ ބެހޭގޮތުންވެސް ވަނީ މަޝްވަރާކޮށްފަ އެވެ. އަދި ލަންކާގެ ލޯނުތައް ރީ ސްޓްރަކްޗާކުރުމާމެދު މަޝްވަރާކުރަން ނިންމައިފައިވާކަމަށްވެސް ރިޕޯޓުތައްބުނެއެވެ.
އެގޮތުން އިންޑިއާއިން ވަނީ ގާތްގަނޑަކަށް ފަސް ބިލިއަން ޑޮލަރުގެ ކްރެޑިޓް ލައިން ފެސިލިޓީއެއް ލަންކާއަށް ފޯރުކޮށްދީފަ އެވެ.
ކިޔުންތެރިންގެ ހިޔާލު