ބޮލީވުޑްގެ ސުޕަސްޓާރު ޝާހުރުކް ޚާންގެ ފިލްމު "ކިންގު" ޑައިރެކްޓު ކުރަނީ މަޝްހޫރު ފިލްމު އުފެއްދުންތެރިޔާ ސިދާތު އާނަންދު ކަމަށް މީޑިއާތަކުން ރިޕޯޓު ކޮށްފިއެވެ.
ޕިންކްވިލާގައިވާ ރިޕޯޓެއްގައި ބުނެފައިވަނީ އިންޑިއާ ސިނަމާގައި ކުރިއަށް އޮތް އެންމެ ބޮޑު އެއް ޕްރޮޖެކްޓު ކަމުގައިވާ ފިލްމު "ކިންގު" ޑައިރެކްޓު ކުރާނީ ސިދާތު އާނަންދު ކަމަށެވެ. އަދި މި ފާއިތުވެދިޔަ 6 މަސް ތެރޭ ސިދާތު މި ފިލްމުގެ ތައްޔާރީތައް ވަމުން އައިސްފައިވާ ކަމަށާއި އެކްޝަން މަންޒަރުތައް ޝޫޓު ކުރަން ތަފާތު އެކި ތަންތަން ހަމަ ޖައްސާފައިވާ ކަމަށްވެސް ރިޕޯޓުގައި ވެއެވެ.
މި ފިލްމުގެ ލީޑު ރޯލުން ޝާހުރުކް ފެނިގެންދާއިރު، އޭނާއާއެކު ވަރަށް މުހިންމު ރޯލަކުން އޭނާގެ ދަރިފުޅު ސުހާނާ ޚާންވެސް ފެންނާނެއެވެ. އަދި ފިލްމުގެ ވިލަންގެ ރޯލުން ފެންނާނީ އަބިޝެކް ބައްޗަން އެވެ.
ޝާހުރުކް އާއި ސިދާތު ވަނީ މީގެ ކުރިން ފިލްމު "ޕަތާން" ގައި އެކުގައި މަސައްކަތް ކޮށްފައެވެ. މި ފިލްމަށް އެތައް ބައެއްގެ ތަރުހީބު ލިބިފައިވާއިރު ބޮކްސް އޮފީހުގައިވެސް ވަނީ ބޮޑު އާމްދަނީއެއް ލިބިފައެވެ.
ޝާހުރުކް އާއި ސިދާތު ވަނީ މީގެ ކުރިން ފިލްމު "ޕަތާން" ގައި އެކުގައި މަސައްކަތް ކޮށްފައެވެ. މި ފިލްމަށް އެތައް ބައެއްގެ ތަރުހީބު ލިބިފައިވާއިރު ބޮކްސް އޮފީހުގައިވެސް ވަނީ ބޮޑު އާމްދަނީއެއް ލިބިފައެވެ.
ކިޔުންތެރިންގެ ހިޔާލު