ކެނެޑާގެ ބޮޑުވަޒީރު ޖަސްޓިން ޓްރޫޑޯ އޭނާ ނިސްބަތްވާ ލިބެރަލް ޕާޓީގެ ލީޑަރު ކަމުން މިއަދު އިސްތިއުފާ ދެއްވައިފިއެވެ.
ކެނެޑާގެ ވެރިކަންކުރާ ޕާޓީގެ ލީޑަރުކަމުން ޖަސްޓިން ޓްރޫޑޯ އިސްތިއުފާ ދެއްވާފައިމިވަނީ ގާތްގަނޑަކަށް ދިހަ އަހަރު ބޮޑުވަޒީރުކަމުގައި ހުންނެވުމަަށްފަހުއެވެ.
އޮޓާވާގައި ބޭއްވި ނޫސްވެރިންގެ ބައްދަލުވުމެއްގައި ކެނެޑާގެ ބޮޑުވަޒީރު ޖަސްޓިން ޓްރޫޑޯ ވިދާޅުވީ އޭނާ ނިސްބަތްވާ ލިބެރަލް ޕާޓީގެ ލީޑަރު ކަމުން މިއަދު އިސްތިއުފާ ދެއްވާފައިވާ ކަމަށެވެ. އަދި ލީޑަރު ކަމުން އިސްތިއުފާ ދެއްވި ނަމަވެސް ޕާޓީގެ ލީޑަރުކަމަށް ބޭފުޅަކު އައްޔަނު ކުރެވެންދެން ބޮޑުވަޒީރުކަމުގައި ހުންނަވާނެ ކަމަށް ޓްރޫޑޯ ވިދާޅުވިއެވެ. އެހެން ނަމަވެސް އެ މަގާމަށް ބޭފުޅަކު އައްޔަނު ކުރުމާ އެކު ބޮޑުވަޒީރުގެ މަގާމުން ވެސް އިސްތިއުފާ ދެއްވާނެ ކަމަށް ޓްރޫޑޯ ވިދާޅުވިއެވެ.
"އަހަރެން މިހާރު ވާނީ ލިބެރަލް ޕާޓީގެ ރައީސަށް ވެސް ޕްރޮސެސް ކުރިއަށް ގެންދަން ދަންނަވާފައި،" ކެނެޑާގެ ބޮޑުވަޒީރު ވިދާޅުވިއެވެ.
ޓްރޫޑޯ ޕާޓީގެ ލީޑަރުކަމުން އިސްތިއުފާ ދެއްވީ އޭނާގެ ޕާޓީގެ ފަރާތުން ކުރިމަތިވި ޕްރެޝަރުތަކެއް ހެދިކަމަށް ރިޕޯޓްތައް ބުނެއެވެ. އެ ޕްރެޝަރުތައް ކުރިމަތިވާން ފެށީ މިދިޔަ ޑިސެންބަރުގައި އެ ގައުމުގެ ބޮޑުވަޒީރުގެ ނައިބު ކްރިސްޓިއާ ފްރީލޭންޑް އޭނާއާ ހިޔާލު ތަފާތުވެ މަގާމުން އިސްތިއުފާ ދެއްވިފަހުންނެވެ. ކްރިސްޓިއާ އިސްތިއުފާ ދެއްވުމާ ގުޅިގެން ކެނެޑާގެ ކެބިނެޓަށް ޓްރޫޑޯ ގެންނެވި ބޮޑެތި ބަދަލުތަކާ ގުޅިގެން ވެސް ލިބެރަލް ޕާޓީގެ މެންބަރުންގެ މެދުގައި ހިޔާލުތަފާތުވުންތަކެއް އުފެެދިފައިވާ ކަމަށް ރިޕޯޓްތައް ބުނެއެވެ.
އޮޓާވާގައި ބޭއްވި ނޫސްވެރިންގެ ބައްދަލުވުމެއްގައި ކެނެޑާގެ ބޮޑުވަޒީރު ޖަސްޓިން ޓްރޫޑޯ ވިދާޅުވީ އޭނާ ނިސްބަތްވާ ލިބެރަލް ޕާޓީގެ ލީޑަރު ކަމުން މިއަދު އިސްތިއުފާ ދެއްވާފައިވާ ކަމަށެވެ. އަދި ލީޑަރު ކަމުން އިސްތިއުފާ ދެއްވި ނަމަވެސް ޕާޓީގެ ލީޑަރުކަމަށް ބޭފުޅަކު އައްޔަނު ކުރެވެންދެން ބޮޑުވަޒީރުކަމުގައި ހުންނަވާނެ ކަމަށް ޓްރޫޑޯ ވިދާޅުވިއެވެ. އެހެން ނަމަވެސް އެ މަގާމަށް ބޭފުޅަކު އައްޔަނު ކުރުމާ އެކު ބޮޑުވަޒީރުގެ މަގާމުން ވެސް އިސްތިއުފާ ދެއްވާނެ ކަމަށް ޓްރޫޑޯ ވިދާޅުވިއެވެ.
ޓްރޫޑޯ ޕާޓީގެ ލީޑަރުކަމުން އިސްތިއުފާ ދެއްވީ އޭނާގެ ޕާޓީގެ ފަރާތުން ކުރިމަތިވި ޕްރެޝަރުތަކެއް ހެދިކަމަށް ރިޕޯޓްތައް ބުނެއެވެ. އެ ޕްރެޝަރުތައް ކުރިމަތިވާން ފެށީ މިދިޔަ ޑިސެންބަރުގައި އެ ގައުމުގެ ބޮޑުވަޒީރުގެ ނައިބު ކްރިސްޓިއާ ފްރީލޭންޑް އޭނާއާ ހިޔާލު ތަފާތުވެ މަގާމުން އިސްތިއުފާ ދެއްވިފަހުންނެވެ. ކްރިސްޓިއާ އިސްތިއުފާ ދެއްވުމާ ގުޅިގެން ކެނެޑާގެ ކެބިނެޓަށް ޓްރޫޑޯ ގެންނެވި ބޮޑެތި ބަދަލުތަކާ ގުޅިގެން ވެސް ލިބެރަލް ޕާޓީގެ މެންބަރުންގެ މެދުގައި ހިޔާލުތަފާތުވުންތަކެއް އުފެެދިފައިވާ ކަމަށް ރިޕޯޓްތައް ބުނެއެވެ.
ކިޔުންތެރިންގެ ހިޔާލު