ސައުދީގައި ތާށިވެފައިތިބި 24 އުމުރާވެރިން ޙައްޖު ކޯޕަރޭޝަން މެދުވެރިކޮށް ރާއްޖެ ގެންނަން މަސައްކަތް ކުރަމުންދާކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.
މިނިސްޓަރ ޝަހީމް ވިދާޅުވީ ސައުދީގައި ތާށިވެފައިތިބި އުމުރާވެރިންނަށް، މޯލްޑިވްސް ޙައްޖު ކޯޕަރޭޝަން މެދުވެރިކޮށް އެހީވުމަށް މަސައްކަތްކުރަމުންދާކަމަށެވެ. އަދި ހައްޖު ކޯޕަރޭޝަންގެ އެމްޑީއަށް އެކަމުގެ އިރުޝާދު ދެއްވާފައިވާކަމަށްވެސް މިނިސްޓަރ ވިދާޅުވިއެވެ.
”ދިވެހި އެއްވެސް ރައްޔިތަކަށް ދިމާވާ ދަތިކަމެއްގައި އެހީ ނުވެ އަޅުގަނޑުމެން ނުތިބޭނަން. ރައީސް އަބަދުވެސް އިރުޝާދު ދެއްވަނީ ރައްއްޔިތުންނާ ގާތުން މަސައްކަތްކުރުމަށް. ދިމާވާ ކަންކަން ހައްލުކުރުމަށް“ މިނިސްޓަރު ވިދާޅުވިއެވެ.
އަލްހިޖްރަ ޓްރެވަލްސް އެންޑް ޓުއާސް ގްރޫޕުގެ ބެލުމުގެ ދަށުން ސައުދީއަށް ދިޔަ ރާއްޖޭގެ 24 އުމުރާވެރިން ސައުދީގައި ތާށިވެފައިވާކަމަށް ވަނީ އަޑުތައް ފެތުރިފައެވެ. އެ ގްރޫޕުން ދިޔަ ދިވެހި އުމްރާވެރިން ސައުދީގައި، ރާއްޖެއަށް ނާދެވި ތާށިވެފައި ވަނީ އެ ފަރާތްތަކުން ގުރޫޕަށް ދިން ފައިސާ ބޭނުން ކުރުމުން ކަމަށްވެސް ބައެއް މީޑިޔާތަކުން ވަނީ ބުނެފައެވެ.
މިނިސްޓަރު ޝަހީމް ވިދާޅުވީ އަލްހިޖްރަ ކިޔާ ކުންފުންޏެއްގެ ޙަވާލުގައި އުމްރާއަށް ދިޔަ ބަޔަކަށް ދިމާވެފައިވާ ޙާލަތު މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އަދި އެ ރައްޔިތުން އެނބުރި ޤައުމަށް އައުމަށް ކޮށްދެވެން އޮތް ކަމެއް މިނިސްޓްރީން ކުރައްވާނެ ކަމަށެވެ.
”ދިވެހި އެއްވެސް ރައްޔިތަކަށް ދިމާވާ ދަތިކަމެއްގައި އެހީ ނުވެ އަޅުގަނޑުމެން ނުތިބޭނަން. ރައީސް އަބަދުވެސް އިރުޝާދު ދެއްވަނީ ރައްއްޔިތުންނާ ގާތުން މަސައްކަތްކުރުމަށް. ދިމާވާ ކަންކަން ހައްލުކުރުމަށް“ މިނިސްޓަރު ވިދާޅުވިއެވެ.
މިނިސްޓަރު ޝަހީމް ވިދާޅުވީ އަލްހިޖްރަ ކިޔާ ކުންފުންޏެއްގެ ޙަވާލުގައި އުމްރާއަށް ދިޔަ ބަޔަކަށް ދިމާވެފައިވާ ޙާލަތު މިނިސްޓްރީގެ ސަމާލުކަމަށް އައިސްފައިވާ ކަމަށެވެ. އަދި އެ ރައްޔިތުން އެނބުރި ޤައުމަށް އައުމަށް ކޮށްދެވެން އޮތް ކަމެއް މިނިސްޓްރީން ކުރައްވާނެ ކަމަށެވެ.
ކިޔުންތެރިންގެ ހިޔާލު