މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ކުރިޔަށް ގެންދިޔަ "ކަށަވަރު ޕްރޮމޯ 2024" ގެ ނަސީބުވެރިޔާ ހޮވައިއެވެ.

މި ޕްރޮމޯޝަން ކުރިޔަށް ގެންދިޔައީ މިދިޔަ އަހަރުގެ ނޮވެމްބަރު މަހުން ފެށިގެން 31 ޑިސެމްބަރު 2024 އާ ހަމައަށެވެ. ކަސްޓަމަރުންނަށް ޑިސްކައުންޓާއެކު އެމްޓީސީސީގެ ޕްރޮޑަކްޓުތައް ވިއްކުމުގެ މަގްސަދުގައި ފެށި މި ޕްރޮމޯޝަންގެ ދަށުން ޑިސްކައުންޓާއެކު ވަނީ ސުޒުކީ އިންޖީނާއި އިންޖީނުގެ ސްޕެއާ ޕާޓްސް އާއި ކާސްޓޮރޯލް އަޑީ ތެލާއި ސްކޮޓްބޭޑަރ ފައިބަރު ސާމާނާއި، ޕީޕީޖީ މެރިން ކޯޓިން އާއި، މަރޯލް ހުންގާނު ސިސްޓަމާއި، އިންޑަސްޓްރިއަލް ގޭހާއި އޮޑިދޯނި ފަހަރަށް ބޭނުންވާ އެހެނިހެން ސާމާނު ވިއްކާފައެވެ.

އެމްޓީސީސީން އޮޑިވެރިންނާއި، މަސްވެރިންނާއި، އިންޖިނިއަރުންނާއި، ފަތުރުވެރިކަމާއި އަދި ޓްރާންސްޕޯޓް ދާއިރާގައި މަސައްކަތް ކުރާ ފަރާތް ތަކަށް އަމާޒުކޮށްގެން ކުރިއަށްގެންދިޔަ މި ޕްރޮމޯޝަނުގެ މުއްދަތުގައި އުޅަނދުފަހަރު އިންޖީނުގެ ސާވިސް އަދި އިންސްޕެކްޝަން ކުރިއަށް ގެންދިއުމާއި، މެއިންޓެނަންސާ ބެހޭ ގޮތުން އޮޑީވެރިން އިތުރަށް ހޭލުންތެރިކުރުމަށްޓަކައި މައުލޫމާތު ފޯރުކޮށްދިނުމާއި. އިންޑަސްޓްރިއަލް ސައިޓްތަކާއި އޮޑިފަހަރުތަކަށް ޒިޔާރަތް ކޮށްފައިވެއެވެ.

"ކަށަވަރު ޕްރޮމޯ 2024" ނިމުމުގެ ރަސްމިއްޔާތު ބާއްވާފައިވަނީ އިއްޔެއެވެ. މި ޕްރޮމޯޝަންގެ ނަސީބުވެރި ފަރާތުގެ ނަން އިއުލާންކޮށްދެއްވީ އެ ކުންފުނީގެ މެނޭޖިން ޑިރެކްޓަރ، ޑީސީޕީ، (ރިޓަޔާޑް) އަޙުމަދު ސައުދީ އެވެ. ޕްރޮމޯޝަންގެ ނަސީބުވެރިޔަކަށް ހޮވިފައިވަނީ އެންޓްރެކް ހޯލްޑިންގ ނަމަކަށް ކިޔާ ކުންފުންޏެކެވެ.