އޮސްކާ ހާސިލްކުރި މިއުޒީޝަނެއް ސައުދީގެ ގައުމީ ސަލާމަށް ބަދަލުތަކެއް ގެންނަން މަސައްކަތް ފަށައިފި އެވެ.

އަރަބި ނޫސްތަކުން ރިޕޯޓްކޮށްފައިވާ ގޮތުން ސައުދީގެ ގައުމީ ސަލާމަށް ބަދަލު ގެނުމުގެ މަސައްކަތް ހަވާލުކޮށްފައިވަނީ ހާާންސް ޒިމާ އަށެވެ.

ޒިމާއަކީ ލަޔަން ކިންގްގެ މިއުޒިކް ހަދައިދީގެން އޮސްކާ ހާސިލުކޮށްފައިވާ ލެޖެންޑެެކެވެ.

ޒިމާއާ ހަވާލުކޮށްފައިވަނީ ސައުދީގެ ގައުމީ ސަލާމުގު މިއުޒިކް އެހެން އިންސްޓްރޫމަންޓްތަކުން އަލުން އެކުލަވާލުމަށެވެ.

އޭގެ އިތުރުން ސައުދީގެ ސަގާފަތް ރަމްޒުކޮށްދޭ ގޮތަށް "އަރަބިއާ" ގެ ނަމުގައި ހަދާ މިއުޒިކެއް ވެސް ހަދަން ޒިމާއާ ހަވާލުކޮށްފައިވާ ކަމަށް ރިޕޯޓްތައް ބުނެއެވެ.

ޒިމާ މިހާރު ވެސް ދަނީ ސައުދީގެ ވެރިރަށް ރިޔާދުގައި ކޮންސެޓެއް ދިނުމަށް ތައްޔާރުވަމުން ނެވެ.

ސައުދީގެ ޖެނެރަލް އެންޓަޓެއިންމަންޓް އޮތޯރިޓީގެ ޗެއާމަން ތުުރުކީ އަލް ޝައިހް ވިދާޅުވީ ޒިމާއަކީ މި ޒަމާނުގެ އެންމެ މޮޅު އެއް މިއުޒީޝަން ކަމަށެވެ.