އާރްޓީއެލް ފެރީގެ ހިދުމަތް ދިނުމަށްޓަކައި އެމްޓީސީސީން ރަށްރަށުގައި އަޅާފައިވާ ފެރީޓާމިނަލްތައް ރޯދައިގެކުރިން ކައުންސިލްތަކާ ހަވާލުކުރަން ނިންމާފައިވާކަމަށް ލޯކަލް ގަވަރނަންސް މިނިސްޓަރު އާދަމް ޝަރީފް ޢުމަރު ވިދާޅުވެއްޖެއެވެ.
އާދަމް ޝަރީފް މިއަދު އެކްސްގައި ވިދާޅުވީ، ރަށްރަށުގައި އެމްޓީސީސީން ހަދާފައިވާ ފެރީ ޓާމިނަލްތައް ކައުންސިލްތަކާ ހަވާލުކުރުމަށާއި ރޯދައިގެ ކުރިން އެކަން ނިންމުމަށް ރައީސް ޑރ. މުޙައްމަދު މުޢިއްޒު އިރުޝާދު ދެއްވާފައިވާކަމަށެވެ.
ރައީސް ވަނީ މި ހަފްތާގައި ހއ. ގެ ރަށްރަށަށް ކުރެއްވި ދަތުރުފުޅުގައި އެ އަތޮޅު މޮޅަދޫއަށް ވަޑައިގެން ރައްޔިތުންނާ ބައްދަލުކުރައްވަން ބޭއްވެވި ބައްދަލުވުމުގައިވެސް އެކަން ފާހަގަ ކުރައްވާފައެވެ.
އެމަނިކުފާނު ވިދާޅުވެފައިވަނީ 40 އަށްވުރެ ގިނަ ރަށުގައި ފެރީ ޓާމިނަލްތައް އެގޮތަށް ހުރެ ވީރާނަ ވެގެން ދިޔުމުގެ ބަދަލުގައި އެތަންތަން ކައުންސިލް ތަކާ އެގްރީމަންޓްކޮށް، ހަވާލުކުރުމަކީ އެމްޓީސީސިން ކުރިއަށް ގެންދާނެ ކަމެއްކަމަށެވެ. އަދި އުއްމީދު ކުރައްވަނީ އެމްޓީސީސީން މިއަންނަ ފެބްރުއަރީ މަސް ނިމެންވާއިރަށް ހުރިހާ ރަށެއްގެ ފެރީ ޓާމިނަލްތައް ހަވާލުކޮށްދޭނެކަމަށް ކަމުގައިވެސް އެމަނިކުފާނު ވިދާޅުވެފައިވެއެވެ.
ރައީސް ވިދާޅުވެފައިވަނީ އެގޮތަށް އެކަން ކުރުމުން ކައުންސިލްތަކަށް މާ ރަނގަޅަށް ފެރީ ޓާމިނަލްތައް ހިންގާ ބެލެހެއްޓޭނެ ކަމަށެވެ.
ރައީސް ވަނީ މި ހަފްތާގައި ހއ. ގެ ރަށްރަށަށް ކުރެއްވި ދަތުރުފުޅުގައި އެ އަތޮޅު މޮޅަދޫއަށް ވަޑައިގެން ރައްޔިތުންނާ ބައްދަލުކުރައްވަން ބޭއްވެވި ބައްދަލުވުމުގައިވެސް އެކަން ފާހަގަ ކުރައްވާފައެވެ.
ރައީސް ވިދާޅުވެފައިވަނީ އެގޮތަށް އެކަން ކުރުމުން ކައުންސިލްތަކަށް މާ ރަނގަޅަށް ފެރީ ޓާމިނަލްތައް ހިންގާ ބެލެހެއްޓޭނެ ކަމަށެވެ.
ކިޔުންތެރިންގެ ހިޔާލު