ބޮލީވުޑްގެ އެންމެ މަތިން އާމްދަނީ ލިބޭ އަންހެން ތަރިންގެ ތެރޭގައި ހިމެނުމަކީ އޭނާއަށް ލިބޭ ބޮޑު ޝަރަފެއް ކަމަށް މަޝްހޫރު ތަރި ދިީޕިކާ ޕަދުކޯން ބުނެފިއެވެ.

ދާދި ފަހުން ދިން އިންޓަވިއުއެއްގައި ދީޕިކާ ވަނީ ބޮލީވުޑްގެ އެންމެ މަތިން އާމްދަނީ ތަރިންގެ ތެރޭގައި ހިމެނުމާމެދު އޭނާގެ ހިޔާލު ހާމަކޮށްފައެވެ. އޭނާ ބުނެފައިވަނީ އެކަމަކީ އޭނާއަށް ލިބޭ ވަރަށް ބޮޑު ޝަރަފެއް ކަމަށެވެ. އެހެންނަމަވެސް، އެއީ އޭނާ އެހާ ބޮޑަށް އިސްކަންދޭ ކަމެއް ނޫން ކަމަށް ދީޕިކާ ވަނީ ބުނެފައެވެ.

ދިޕިކާ ބުނެފައިވަނީ އޭނާގެ ކާމިޔާބީގެ ސިއްރަކީ އޭނާގެ ހިތްވަރާއި މަސައްކަތްތެރިކަން ކަމަށެވެ. އަދި އަބަދުވެސް މަސައްކަތް ކުރަނީ ބެލުންތެރިންނަށް އޭނާގެ އެންމެ "ބެސްޓު" ދެއްކުމަށް ކަމަށާއި، އޭނާގެ ހުނަރުތައް ތަރައްގީ ކުރުމަށް ކަމަށްވެސް ދީޕިކާ ވަނީ ބުނެފައެވެ.

ދީޕިކާ އަކީ ބޮލީވުޑްގެ އެންމެ ބޮޑު އާމްދަނީ ލިބޭ އަންހެން ތަރިންގެ ތެރެއިން އެކަކަށްވީއިރު، އޭނާގެ ކެރިއަރުގައި އޭނާ ވަނީ ގިނަ ކާމިޔާބީތަކެއް ހޯދާފައެވެ. އޭނާގެ ހުނަރުވެރި އެކްޓިންގެ ސަބަބުން އޭނާ ވަނީ އެތައް ބައެއްގެ މެދުގައި މަގުބޫލު ވެފައެވެ.

ދިޕިކާ އެންމެ ފަހުން ފެނިފައިވަނީ މިދިޔަ އަހަރު ނެރުނު ފިލްމު "ސިންގަމް އަގެއިން" އިންނެވެ. މި ފިލްމުގެ ކާސްޓުންގެ ތެރޭގައި އަޖޭ ދޭވްގަން، ކަރީނާ ކަޕޫރު ޚާން، ޓައިގާ ޝްރޮފް އަދި ރަންވީރު ސިންގު ފަދަ މަޝްހޫރު ތަރިން ހިމެނެއެވެ.