ދުންފަތުގެ އިސްތިއުމާލު ކުރުން ހުއްޓާލުމަކީ އެކަމަށް ދެވިހިފާފައިވާ ގިނަ މީހުންނަށް ވަރަށް އުނދަގޫ ކަމެކެވެ. ނަމަވެސް މިއީ ދުޅަހެޔޮ ސިއްހަތެއްގައި ހުރުމަށްޓަކައި ކޮންމެހެން ކުރަން ޖެހޭ ކަމެކެވެ. ދުންފަތުގެ އިސްތިއުމާލު ކުރުން ހުއްޓާލުމުން ފުއްޕާމޭގެ މަސައްކަތް ރަނގަޅުވެ، ހިތުގެ ބަލިތަކުގެ ނުރައްކާ ކުޑަވެ، އަދި ކެންސަރުގެ ނުރައްކާވެސް ކުޑަވެގެންދާނެއެވެ. މިއީ ފަސޭހަ ކަމަކަށް ނުވީނަމަވެސް މިއީ ނުކުރެވޭނެ ކަމެއް ނޫނެވެ.

މިކަން ކުރަން ބޭނުންވާނަމަ އެންމެ ފުރަތަމަ ކުރަންޖެހޭ ކަމަކީ ގަދަ އަޒުމަކާއެކު މިކަމަށް ތައްޔާރު ވުމެވެ. އެގޮތުން ދުންފަތުގެ އިސްތިއުމާލު ކުރުން ހުއްޓާލުމުގެ މުހިންމު ކަމާ ގުޅޭ ލިތުންތައް ކިޔައި، މިކަން ހުއްޓާލި މީހުންގެ ބައެއް ވާހަކަތައް ކިޔަން ޖެހެއެވެ. އަދި މިކަން ހުއްޓާލަން ބޭނުންވާ ސަަބަބުތައަ ލިޔެ، މިކަމުން ލިބޭ ފައިދާތައް ހަނދާން ކުރަން ޖެހެއެވެ.

ދުންފަތުގެ އިސްތިއުމާލު ކުރުން ހުއްޓާލަން ބޭނުންވާނަމަ ދެން ކުރަން ޖެހޭ ކަމަކީ ނިކޮޓިން ރިޕްލޭސްމެންޓު ތެރަޕީ (އެންއާރްޓީ) ބޭނުން ކުރުމެވެ. އެގޮތުން ނިކޮޓިން ޕެޗް އަދި ގަމް ފަދަ އެއްޗެހި ބޭނުން ކުރުމުން މިކަން ހުއްޓާލުމަށް އެހީތެރިވެދޭނެއެވެ. މިއިން އެމީހެއްގެ ހަށިގަނޑަށް ނިކޮޓިން ލިބި، ދުންފަތުގެ އިސްތިއުމާލު ކުރުން ހުއްޓާލުމުން ދިމާވާ އަލާމާތްތައް ކުޑަކުރެވިދާނެއެވެ.

މީގެ އިތުރުން ތަފާތު އެކިކަހަލަ ހަރަކާތްތަކުގައި ބައިވެރި ވުމަކީވެސް ދުންފަތުގެ އިސްތިއުމާލު ކުރުން ހުއްޓާލުމަށް ކުރެވިދާނެ ކަމެކެވެ. ސަބަބަކީ ދުންފަތް ބޭނުން ކުރުން ހުއްޓާލާއިރު، ސަމާލުކަން އެހެން ކަމަކަށް ބަދަލުކުރުމުން މިކަން އިތުރަށް ފަސޭހަވެގެން ދާތީއެވެ. އެގޮތުން ކުރެވިދާނެ ބައެއް ކަންތަކުގެ ތެރޭގައި ކަސްރަތު ކުރުމާއި، އާ ހުނަރެއް ދަސްކުރުން ފަދަ ކަންކަން ހިމެނެއެވެ.

ދުންފަތުގެ އިސްތިއުމާލު ކުރުން ހުއްޓާލުމަކީ އުނދަގޫ ކަމަކަށްވީނަމަވެސް، މިއީ ނުކުރެވޭނެ ކަމެއް ނޫނެވެ. އެމީހަކަށް އެންމެ ފަސޭހަ، އެންމެ ރަނގަޅު ގޮތެއް ހޯދައި، މިކަމަށް އަޒުމު ކަނޑައަޅައި، ކެތްތެރިކަމާއެކު މަސައްކަތް ކުރުމުން މިކަމާ ދުރަށް ދެވޭނެއެވެ.