ރައީސް މުއިއްޒު--
ރައީސް މުއިއްޒު--
އިނގިރޭސިވިލާތުގައި ކިޔަވާ ދިވެހި ދަރިވަރުންގެ ޖަމިއްޔާ، މޯލްޑިވްސް ސްޓޫޑަންޓް އެސޯސިއޭޝަން ޔޫކޭ (އެމްއެސްއޭޔޫކޭ) ގެ ދަރިވަރުން ބޭނުންކުރި ގެ އަނބުރާ ދަރިވަރުންނާ ހަވާލުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

ރައީސް އޮފީހުން ގެނެސްދޭ "ރައްޔިތުންނާ އެކު" ޕޮޑްކާސްޓުގެ ދެވަނަ އެޕިސޯޑުގައި ރައީސް މުއިއްޒު މިއަދު ވިދާޅުވީ އިނގިރޭސިވިލާތުގައި މިހާރު ވެސް 300 އަށްވުރެ ގިނަ ދަރިވަރުން ކިޔަވަމުންދާ ކަމަށެވެ. އަދި ލިވަޕޫލްއާއި ރާއްޖެއާ ދެމެދު ފަތުރުވެރިކަމުގެ ކެމްޕޭން ފެށުމަށް އިނގިރޭސިވިލާތަށް ކުރައްވާ ދަތުރުފުޅުގައި ސްޓޫޑަންޓް އެސޯސިއޭޝަންގެ ދަރިވަރުންނާ ބައްދަލުކުރައްވާނެ ކަމަށް އެމަނިކުފާނު ވިދާޅުވި އެވެ.

ރައީސް ވިދާޅުވީ ނިމިގެން ދިޔަ ސަރުކާރުގެ ދުވަސްވަރު އެމްއެސްއޭޔޫކޭގެ ބެލުމުގެ ދަށުގައި ހުރި ކިޔަވާކުދިން ބޭނުންކުރާ ގެ އޮތީ ނަގާފައި ކަމަށެވެ.

"ދެން އަޅުގަނޑު މިހާރު އަނެއްކާ އެތަން އަނބުރާ މިދެނީ. ސްޓޫޑަންޓުން ތިބޭ ގެ އެއީ، ލަންޑަނުގައި ހުންނަ. ވަރަށް ފައިދާތަކެއް ކުދިންނަށް ކުރާ ގެއެއް އެއީ. އެހެންވެ އެ ގެ އަނެއްކާ މި ހަވާލުކުރަނީ އިނގޭތޯ." ރައީސް ވިދާޅުވި އެވެ.

ރައީސް މުއިއްޒު ވެސް އިނގިރޭސިވިލާތުން ތައުލީމު ހާސިލުކުރެއްވި އިރު އެމަނިކުފާނު ވަނީ އެމްއެސްއޭޔޫކޭގެ ޗެއާޕާސަންގެ މަގާމުވެސް ފުުރުއްވައިފަ އެވެ. އެހެންވެ އެ އެސޯސިއޭޝަނަކީ ރައީސްއާ ވަރަށް "ޕާސަނަލީ" މުހިންމު ޖަމިއްޔާއެއް ކަމަށް އެމަނިކުފާނު ވިދާޅުވި އެވެ.

ރައީސް ވިދާޅުވީ ކުރިން އެމްއެސްއޭޔޫކޭގައި ވަރަށްގިނަ ހަރަކާތްތަކެއް ހިންގެވި ކަމަށެވެ. އެހެން ނަމަވެސް ނިމިގެން ދިޔަ ސަރުކާރުގެ ދުވަސްވަރު އެ އެސޯސިއޭޝަން އޮތީ ވަރަށް ބޮޑަށް ވަޅުޖެހިފައި ކަމަށް ވިދާޅުވިއެވެ.



ކިޔުންތެރިންގެ ހިޔާލު



ޓްރެންޑިން