ފުޓްބޯލް ފޯ ޕީސްގެ އިސް އޮފިޝަލުންނާ ރައީސް ބައްދަލުކުރެއްވުން--
ފުޓްބޯލް ފޯ ޕީސްގެ އިސް އޮފިޝަލުންނާ ރައީސް ބައްދަލުކުރެއްވުން--
ރައީސް ޑރ. މުހައްމަދު މުއިއްޒު އިނގިރޭސިވިލާތަށް ކުރައްވަމުން ގެންދަވާ ރަސްމީ ދަތުރުފުޅުގެ ތެރެއިން ބައިނަލްއަގުވާމީ އެންޖީއޯ، ފުޓްބޯލް ފޯ ޕީސްގެ އިސް އޮފިޝަލުންނާ އެމަނިކުފާނު މިއަދު ބައްދަލު ކުރައްވައިފި އެވެ.

ފުޓްބޯލް ފޯ ޕީސްއަކީ ފުޓުބޯޅައިގެ ޒަރިއްޔާއިން އިޖުތިމާއީ މައްސަލަތައް ހައްލުކޮށް ޒުވާނުން ބާރުވެރިކުރުވުމަށް އދ.ގެ އޮފީސް ފޯ ސްޕޯޓްސް ފޯ ޑިވަލޮޕްމަންޓް އެންޑް ޕީސްގެ އެހީތެރިކަމާއެކު ހިންގާ އެންޖީއޯއެކެވެ.

ފުޓްބޯލް ފޯ ޕީސްގެ ފަރާތުން ރައީސްއަށް މަރުޙަބާ ވިދާޅުވީ އެ އެންޖީއޯގެ ފައުންޑާ ކާޝިފް ސިއްދީގީއާއި، ބްރެޑްފޯޑް ސިޓީ އޮފް ކަލްޗަާ 2025ގެ ސީއީއޯ ޝާހްނާޒް ގުލްޒާރެވެ.

އެ ބައްދަލުކުރެއްވުމުގައި، އެ އެންޖީއޯއިން ހިންގާ ޕްރޮގްރާމްތަކުގެ މައުލޫމާތު، ރައީސަށް ވަނީ އަރުވާފައެވެ. އަދި އެމަނިކުފާނު ވަނީ އެ އެންޖީއޯއިން ހިންގާ ޔުނިވާސިޓީ ޕީސް ސެންޓަރުގެ ފުޓުބޯޅަ ދަނޑުތައް ބައްލަވާލައްވައި، އެ ވަގުތު ފަރިތަކުރުންތަކުގައި ބައިވެރިވަމުން ދިޔަ ޒުވާނުންނާ ބައްދަލުވެސް ކުރައްވައިފަ އެވެ.

ދެހާސް ތޭރަވަނަ އަަހަރު އުފެއްދި ފުޓްބޯލް ފޯ ޕީސް އަކީ ސުލްހައާއި ކުރިއެރުވުމާއި، ޝާމިލު އިޖުތިމާއީ ވެއްޓަކަށް ތާއީދުކުރާ، ސްޕޯޓްސް ޑިޕްލޮމެސީ އާއި ދޭސީ ޕްރޮގްރާމްތަކުގެ ތެރެއިން އެކި ފަންތީގެ މީހުން ގުޅިގެން މަސައްކަތް ކުރުމަށް އެހީތެރިވެދޭ އެންޖީއޯއެެކެވެ.



ކިޔުންތެރިންގެ ހިޔާލު



ޓްރެންޑިން