މަރްޔަމް ނަހްދާ ވަޙީދު   7 މޭ 2025 - 7:12
ދަރިފުޅާއި ބައްޕަ ވާހަކަ ދައްކަނީ
ދަރިފުޅާއި ބައްޕަ ވާހަކަ ދައްކަނީ
ދަރިން ތަރުބިއްޔަތު ކުރުމަކީ އުނދަގޫ ކަމެކެވެ. އަދި ބުރަ މަސައްކަތެކެވެ. ނަމަވެސް، ދަރިން މުޖުތަމައަށް ފައިދާހުރި ބަޔަކަށް ހަދަން ބޭނުންވާނަމަ، އެކުދިންނަށް ރަނގަޅު އާދަތަކާއި އުކުޅުތައް ދަސްކޮށްދޭން ޖެހެއެވެ. މިއީ މައިންބަފައިންގެ ޒިންމާއެކެވެ. ތިރީގައި މި ހިމަނާލަނީ ދަރިންނަށް ދަސްކޮށްދޭން ޖެހޭ މުހިންމު ތިން އާދައެކެވެ.

އަދަބުވެރިކަން

އަދަބުވެރިކަމަކީ އިސްލާމްދީނުގައި ވަރަށް ބޮޑަށް އަހައްމިއްޔަތުކަން ދީފައިވާ ކަމެކެވެ. ކުޑައިރުއްސުރެ ކުދިންނަށް އަދަބު ދަސްކޮށްދިނުމުން، އެކުދިން ބޮޑުވާއިރު މުޖުތަމައުގައި ބޭނުންތެރި މީހުންނަށް ވާނެއެވެ. އަދަބުވެރިކަމުގެ ތެރޭގައި ހިމެނެނީ ބޮޑެތި މީހުންނަށް އިޙްތިރާމްކުރުމާއި، ރަޙުމަތްތެރިންނާއި އެކުގައިއުޅޭ މީހުންނަށް ހެޔޮކޮށް ހިތުމާއި، އަދި އަމިއްލަ ނަފްސަށްވެސް އަދަބުވެރިވުމެވެ.

ތެދުވެރިކަން

ތެދުވެރިކަމަކީ އިންސާނާގެ ޝަޚްޞިއްޔަތުގައި ހިމެނެންޖެހޭ އެންމެ މުހިންމު ސިފައެވެ. ކުޑައިރުއްސުރެ ދަރިންނަށް ތެދުވެރިކަން ދަސްކޮށްދިނުމުން، އެކުދިން ބޮޑުވާއިރު އިތުބާރުހުރި، އަމާނާތްތެރި ބަޔަކަށް ވާނެއެވެ.

މަސައްކަތްތެރިކަން

މަސައްކަތްތެރިކަމަކީ ކޮންމެ މީހެއްގެ ކިބައިގައިވެސް ހުންނަންޖެހޭ ސިފައެކެވެ. ކުޑައިރުއްސުރެ ދަރިންނަށް މަސައްކަތުގެ އަގު ވަޒަންކުރަން ދަސްކޮށްދިނުމުން، އެކުދިން ބޮޑުވާއިރު ޒިންމާދާރު، އުފެއްދުންތެރި ބަޔަކަށް ވާނެއެވެ.



ކިޔުންތެރިންގެ ހިޔާލު



ޓްރެންޑިން