ރަޝިޔާއަށް މިރޭ ބާރުގަދަ ބިންހެލުމެއް އަތުވެއްޖެއެވެ.

ރާއްޖޭގައި ހުންނަ މޫސުމާއި ބެހޭ ގައުމީ އިދާރާ (މެޓް) އިން ބުނީ މި ބިންހެލުން އައިސްފައި ވަނީ މިރޭ 23.58 ގައި އިރުމަތީ އައްސޭރި ކަމްޗަޓްކާއަށް ކަމަށެވެ.

މާލެ އާއި 9432 ކިލޯމީޓަރު ދުރަށް އައި މި ބިންހެލުމާ ގުޅިގެން އިންޑިއާ ކަނޑުގައި ސުނާމީއެއް ނުއުފެދޭ ކަމަަށްވެސް މެޓް އިން ބުނެއެވެ. އަދި މި ބިންހެލުމާއި ގުޅިގެން ރާއްޖެއަށް ސީދާ ނުރަައްކަލެއް ނެތް ކަމަށްވެސް މެޓުން ބުންޏެވެ.

ރަޝިއާގެ އިރުމަތީ ސަރަހައްދަށް މިރޭ ބިންހެލުން އައިސްފައިވަނީ 7.8 މެގްނިޓިއުޑްގެ ބާރުމިނުގައެވެ.ބިންހެލުމާ ގުޅިގެން އެލަސްކާގެ ހުޅަނގު އައްޔޫޓިއަން އައިލެންޑްސް އަށް ސުނާމީ އެޑްވައިޒަރީއެއް ވަނީ ނެރެފައެވެ.