އެމްޑީޕީން 3 އޮކްޓޯބަރުގައި ބޭއްވި މުޒާހަރާގެ ބައިވެރިން ވަޒީފާތަކުން ކަނޑަމުންދާކަމަށް ތުހުމަތުކޮށް އެޕާޓީން ބަޔާނެއް ޢާއްމުކޮށްފިއެވެ.

އެމްޑީޕީން މީސްމީޑިއާގައި ޢާއްމުކޮށްފައިވާ ބަޔާނުގައި ބުނެފައިވަނީ، މުޒާހަރާ އާއި ގުޅިގެން ދައުލަތުގެ ކުންފުނިތަކުގެ ވަޒީފާތަކުގައި ތިބި ބައެއް މުވައްޒަފުން ވަކިކޮށްފައިވާ ކަމަށާއި، އޭގެ އިތުރުން މީސްމީޑިއާގައި ފާޅުކުރަމުންދިޔަ ޚިޔާލުތަކުގެ ސަބަބުން އެޕާޓީގެ ދެ އެކްޓިވިސްޓެއްގެ ފޯނު ފުލުހުން ހިފަހައްޓާފައިވާ ކަމަށެވެ.

ހަމައެއާއެކު، މުޒާހަރާގައި ބައިވެރިވެގެން 6 މީހަކު ބަންދޮކޮށްފައިވާކަނަް ފާހަގަކޮށް އެމްޑީޕީން ބުނީ، ސަރުކާރާއި ޚިޔާލުތަފާތުވާ މީހުން ފަހަތަށް ޖައްސައި ކޮންޓްރޯލް ކުރުމަށް ހަމަހަމަކަމާއި ޢަދުލުގެ ބޭރުން ކުރަމުންދާ މަސައްކަތުން ދޭހަވަނީ ސަރުކާރުގެ ނާޤާބިލުކަމާއި ގޮތްހުސްވެފައިވާ މިންވަރު ކަމަށެވެ.

"ކުރިންވެސް ބިރުދެއްކުން މަސައްކަތެއް ނުކުރި، ދެން ވެސް ނުކުރާނެ. ރައްޔިތުންގެ އަޑު ކަނޑުވައެއް ނުލެވޭނެ." އެމްޑީޕީން ބުނެފައިވެއެވެ.

Some employees at government institutions have been terminated following their participation in the October 3rd, protest, while 2 others have had their phones confiscated by police for posts made on social media. 6 protestors still remain in custody.

Every single case…

— MDP Secretariat (@MDPSecretariat) October 9, 2025

އެމްޑީޕީން މިހެން ބުނެފައިވާއިރު، އެޕާޓީގެ އެކްޓިވިސްޓު އައިޝަތު ޝިމަން އަހުމަދުގެ ފޯނު ފުލުހުން ވަނީ ހިފަހައްޓާފައެވެ. އަދި، ފުލުހުންނަށް އިންޒާރު ދިނުމުގެ ތުހުމަތުގައި އެ ޕާޓީގެ ގައުމީ މަޖިލީހުގެ މެންބަރު ފާތިމަތު ޒަހިއްޔާގެ ފޯނު ވެސް ފުލުހުން ހިފެހެއްޓިއެވެ.

އަދި 3 އޮކްޓޯބަރު މުޒާހަރާއާއި ގުޅިގެން 6 މީހަކު ހައްޔަރުކޮށް ބަންދަށް 15 ދުވަސް ޖަހާފައިވާއިރު، އޭގެތެރޭގައި ކުރީގެ މަޖިލީސް މެންބަރުންނާއި ކައުންސިލަރުންވެސް ހިމެނެއެވެ.