އެމްޑީޕީގެ ތެރޭގައި އުފެދުނު ސިޔާސީ ޚިޔާލުތަފާތުވުންތަކަށްފަހު، ކުރީގެ ރައީސް މުހައްމަދު ނަޝީދާއި ކުރީގެ ރައީސް އިބްރާހީމް މުހައްމަދު ޞާލިޙް އަލުން ބައްދަލުކުރައްވައި އެކުގައި މަސައްކަތް ކުރައްވަން ނިންމެވުމަކީ ޕާޓީއަށް ލިބުނު އާ ދިރުމެއް ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.
ރާއްޖޭގެ މީޑިއާއަކާ ވާހަކަދައްކަވަމުން ޝާހިދު ފާހަގަކުރެއްވީ، 2023 ވަނަ އަހަރުގެ ރިޔާސީ އިންތިޚާބުގެ ޕްރައިމަރީއާ ގުޅިގެން އުފެދުނު ދެބަސްވުންތަކުގެ ސަބަބުން ޕާޓީ ބައިބައިވެ، އިންތިޚާބުން ނާކާމިޔާބީއާ ކުރިމަތިލާންޖެހުނު ކަމަށެވެ. ނަމަވެސް މިދިޔަ ބުދަ ދުވަހު ދެ ބޭފުޅުން ބޭއްވި ބައްދަލުވުމާއެކު، ކުރީގެ ހިތްހަމަނުޖެހުންތައް އެއްފަރާތްކޮށް، ކުރިއަށް އޮތް ލޯކަލް ކައުންސިލް އިންތިޚާބު ކާމިޔާބު ކުރުމަށް އާ ޖޯޝަކާއެކު މަސައްކަތް ފެށިފައިވާ ކަމަށް އޭނާ ވިދާޅުވިއެވެ.
ނަޝީދު އެމްޑީޕީން ވަކިވެވަޑައިގެން "ޑިމޮކްރެޓްސް" ގެ ނަމުގައި އާ ޕާޓީއެއް އުފެއްދެވުމަށްފަހު، އަލުން އެމްޑީޕީއާ ގުޅިވަޑައިގަތުމަކީ މުޅި ޕާޓީގެ މެންބަރުންނަށް ލިބުނު ބޮޑު އުއްމީދެއްގެ ގޮތުގައި ޝާހިދު ސިފަކުރެއްވިއެވެ. ޚާއްސަކޮށް، ރާއްޖެ މިހާރު އޮތް ދަތި ހާލަތުން އަރައިގަތުމަށްޓަކައި، ހުރިހާ މެންބަރުން އެކަތިގަނޑަކަށް ވެގެން މަސައްކަތް ކުރުމުގެ މުހިންމުކަން އޭނާ ފާހަގަކުރެއްވިއެވެ. މި އެއްބައިވަންތަކަމާއެކު ކުރިއަށް އޮތް އިންތިޚާބުތަކުގައި މިހާރުގެ ސަރުކާރު ބަލިކުރެވޭނެ ކަމުގެ ފުރިހަމަ ޔަގީންކަން އޮތް ކަމަށް ވެސް ޝާހިދު ވިދާޅުވިއެވެ.
ނަޝީދު އެމްޑީޕީން ވަކިވެވަޑައިގެން "ޑިމޮކްރެޓްސް" ގެ ނަމުގައި އާ ޕާޓީއެއް އުފެއްދެވުމަށްފަހު، އަލުން އެމްޑީޕީއާ ގުޅިވަޑައިގަތުމަކީ މުޅި ޕާޓީގެ މެންބަރުންނަށް ލިބުނު ބޮޑު އުއްމީދެއްގެ ގޮތުގައި ޝާހިދު ސިފަކުރެއްވިއެވެ. ޚާއްސަކޮށް، ރާއްޖެ މިހާރު އޮތް ދަތި ހާލަތުން އަރައިގަތުމަށްޓަކައި، ހުރިހާ މެންބަރުން އެކަތިގަނޑަކަށް ވެގެން މަސައްކަތް ކުރުމުގެ މުހިންމުކަން އޭނާ ފާހަގަކުރެއްވިއެވެ. މި އެއްބައިވަންތަކަމާއެކު ކުރިއަށް އޮތް އިންތިޚާބުތަކުގައި މިހާރުގެ ސަރުކާރު ބަލިކުރެވޭނެ ކަމުގެ ފުރިހަމަ ޔަގީންކަން އޮތް ކަމަށް ވެސް ޝާހިދު ވިދާޅުވިއެވެ.
ކިޔުންތެރިންގެ ހިޔާލު