ޕެންޝަން އެކައުންޓްގައި ހުންނަ ފައިސާއަކީ އެމީހަކު ދިރިހުއްޓައި އޭގެ މަންފާ ލިބޭނެ އެއްޗަކަށް ހެދުމަށް ގާނޫނު އިސްލާހުކުރަން ރައްޔިތުންގެ މަޖިލީހުގެ މިލަންދޫ ދާއިރާގެ ޕީއެންސީ މެންބަރު ހަސަން މުފީދު އަބްދުލްގާދިރު އެދިވަޑައިގެންފިއެވެ.
ޕެންޝަން ގާނޫނަށް އިސްލާހުތަކެއް ގެންނަން ސަރުކާރުގެ ފަރާތުން ހުށަހެޅުއްވި ބިލު މަޖިލީހުގެ މިއަދުގެ ޖަލްސާގައި ތަޅުމަށް ހުށަހަޅުއްވަމުން މުފީދު ވިދާޅުވީ، ޕެންޝަން ފަންޑުގެ ބޭނުން ހެޔޮގޮތުގައި ހިފަން ބޭނުންވާ މީހުންނަށް އެ ފައިސާ އިންވެސްޓްކުރެވޭނެ ގޮތް ހަމަޖައްސަން ޖެހޭ ކަމަށެވެ. އަދި އެފައިސާއަކީ ވާރުތަވެރިންނަށް ހުންނަ އެއްޗަކަށްވުމުން އޭގެ މަޤްސަދު ގެއްލޭ ކަމަށް މުފީދު މިއަދު ވިދާޅުވެފައިވެއެވެ.
"ވާރުތަވެރިންނަށް ބަހަން ހުންނަ އެއްޗެއްގެ ގޮތުގައި ނުބަހައްޓާ، ދިރި ދުނިޔޭގައި ހުއްޓާ އޭގެ ބޭނުން ހެޔޮގޮތުގައި ހިފޭނެ ގޮތަކަށް މި ބިލު ކޮމިޓީ މަރުހަލާގައި ނިމިގެން އަންނަ އިރުގައި ފަރުމާ ކުރެވިގެން ދިއުމަކީ އަޅުގަނޑު ކުރާ ވަރަށް ބޮޑު އުއްމީދެއް." މުފީދު މިއަދު ވިދާޅުވިއެވެ.
ސަރުކާރުން މިއަދު ޕެންޝަން ބިލަށް ހުށައެޅި އިސްލާހުގެ ދަށުން، ބޮޑެތި ބަލިތައް ތަހައްމަލުކުރާ މީހުންނަށް ލުއިތަކެއް ދިނުމަށް ހުށައަޅާފައިވާއިރު، 12 މަސްދުވަހަށް ވުރެ ދިގު މުއްދަތަކަށް ދިރިހުރުމަކީ ނާދިރު ކަމެއް ކަމަށް ސްޕެޝަލިސްޓް ޑޮކްޓަރަކު ކަނޑައަޅާ ހާލަތްތަކުގައި، 65 އަހަރު ނުވިޔަސް ޕެންޝަން ސޭވިންގްސް އެކައުންޓްގައިވާ ފައިސާ އެއްފަހަރާ ނުވަތަ އެކި ފަހަރު މަތިން ނެގޭނެ މަގު ފަހިވެގެންދާނެއެވެ.
މީގެ އިތުރުން، ޕެންޝަން ފަންޑުގައިވާ ފައިސާ ބޭނުންކޮށްގެން ގެދޮރު ގަތުމުގެ އިތުރުން، އަމިއްލަ ގޯތީގައި ގެދޮރު އިމާރާތް ކުރުމާއި، މަރާމާތު ކުރުމަށް ދައްކަންޖެހޭ ޑައުންޕޭމަންޓަށް ފައިސާ ބަދަލުކުރުން ވެސް މި އިސްލާހުތަކުގެ ތެރޭގައި ހިމެނެ އެވެ.
އަދި އުމުރުން ދުވަސްވީ މީހުންނަށް ޕެންޝަންގެ ގޮތުގައި ލިބޭ ފައިސާއަށްވުރެ ބޮޑު އާމްދަނީއެއް ލިބޭނަމަ ޕެންޝަން ކަނޑާލަންވެސް ސަރުކާރުން ވަނީ އިސްލާޙު ހުށައަޅާފައެވެ.
ހަމައެއާއެކު ހައްޖުވުމަށްޓަކައި ކުރިއާލާ ޖާގަ ރިޒާވް ކުރުމަށް ޕެންޝަން ފަންޑުން ފައިސާ ބޭނުން ކުރެވިދާނެ ކަމަށް ކަނޑައެޅުންވެސް ގާނޫނަށް ގެންނަ އިސްލާހުތަކުގެ ތެރޭގައި ހިމެނެއެވެ.
"ވާރުތަވެރިންނަށް ބަހަން ހުންނަ އެއްޗެއްގެ ގޮތުގައި ނުބަހައްޓާ، ދިރި ދުނިޔޭގައި ހުއްޓާ އޭގެ ބޭނުން ހެޔޮގޮތުގައި ހިފޭނެ ގޮތަކަށް މި ބިލު ކޮމިޓީ މަރުހަލާގައި ނިމިގެން އަންނަ އިރުގައި ފަރުމާ ކުރެވިގެން ދިއުމަކީ އަޅުގަނޑު ކުރާ ވަރަށް ބޮޑު އުއްމީދެއް." މުފީދު މިއަދު ވިދާޅުވިއެވެ.
ސަރުކާރުން މިއަދު ޕެންޝަން ބިލަށް ހުށައެޅި އިސްލާހުގެ ދަށުން، ބޮޑެތި ބަލިތައް ތަހައްމަލުކުރާ މީހުންނަށް ލުއިތަކެއް ދިނުމަށް ހުށައަޅާފައިވާއިރު، 12 މަސްދުވަހަށް ވުރެ ދިގު މުއްދަތަކަށް ދިރިހުރުމަކީ ނާދިރު ކަމެއް ކަމަށް ސްޕެޝަލިސްޓް ޑޮކްޓަރަކު ކަނޑައަޅާ ހާލަތްތަކުގައި، 65 އަހަރު ނުވިޔަސް ޕެންޝަން ސޭވިންގްސް އެކައުންޓްގައިވާ ފައިސާ އެއްފަހަރާ ނުވަތަ އެކި ފަހަރު މަތިން ނެގޭނެ މަގު ފަހިވެގެންދާނެއެވެ.
މީގެ އިތުރުން، ޕެންޝަން ފަންޑުގައިވާ ފައިސާ ބޭނުންކޮށްގެން ގެދޮރު ގަތުމުގެ އިތުރުން، އަމިއްލަ ގޯތީގައި ގެދޮރު އިމާރާތް ކުރުމާއި، މަރާމާތު ކުރުމަށް ދައްކަންޖެހޭ ޑައުންޕޭމަންޓަށް ފައިސާ ބަދަލުކުރުން ވެސް މި އިސްލާހުތަކުގެ ތެރޭގައި ހިމެނެ އެވެ.
ހަމައެއާއެކު ހައްޖުވުމަށްޓަކައި ކުރިއާލާ ޖާގަ ރިޒާވް ކުރުމަށް ޕެންޝަން ފަންޑުން ފައިސާ ބޭނުން ކުރެވިދާނެ ކަމަށް ކަނޑައެޅުންވެސް ގާނޫނަށް ގެންނަ އިސްލާހުތަކުގެ ތެރޭގައި ހިމެނެއެވެ.
ކިޔުންތެރިންގެ ހިޔާލު