މިހާރު ދުނިޔޭގެ މަސްރަޙުގައި ހިނގަމުންދާ ނުތަނަވަސްކަމާ ގުޅޭގޮތުން، އެމެރިކާއިން ގްރީންލޭންޑް ހިފުމަށް މަސައްކަތްކޮށްފާނެ ކަމުގެ ބިރު އޮތުމުން، ވިލާތުގެ ޤައުމުތަކުން އެކަމަށް ތައްޔާރުވުމުގެ މަސައްކަތް ފަށައިފިއެވެ.
ފްރާންސާއި ޖަރުމަނު ހިމެނޭހެން ޔޫރަޕްގެ އިސް ލީޑަރުން ބުނަމުންދަނީ، އެމެރިކާއިން ޑެންމާކުގެ މިނިވަން ދައުލަތެއްގެ ގޮތުގައި އޮތް ގްރީންލޭންޑަށް އަތްގަދަކޮށްފިނަމަ، ޔޫރަޕްގެ ބައިވެރިން ގުޅިގެން ވަރުގަދަ ފިޔަވަޅުތަކެއް އަޅާނެ ކަމަށެވެ.
ފްރާންސްގެ ފޮރިން މިނިސްޓަރު ޖީން-ނޮއެލް ބަރޮޓް ވިދާޅުވި ގޮތުގައި، އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯއާ ފޯނުން ވާހަކަދެއްކެވިއިރު، ވެނެޒުއޭލާގައި ކަންތައްވީ ގޮތަށް ގްރީންލޭންޑުގައި ކަންތައް ނުވާނެ ކަމުގެ އިޝާރާތެއް އޭނާ ދެއްވި ކަމަށެވެ. ނަމަވެސް، ވޭތުވެދިޔަ ހޮނިހިރު ދުވަހު އެމެރިކާގެ އަސްކަރީ ބާރު ބޭނުންކޮށްގެން ވެނެޒުއޭލާގެ ރައީސް ނިކޮލަސް މަދޫރޯ ހައްޔަރުކޮށް، ނިއު ޔޯކަށް ގެންދިޔަ ހާދިސާއާ ގުޅިގެން، ބައިނަލްއަޤްވާމީ މުޖުތަމަޢުގައި ވަނީ ބޮޑު ސިހުމަކާއި ބިރުވެރިކަމެއް އުފެދިފައެވެ.
އެމެރިކާގެ ރައީސް ޑޮނަލްޑް ޓްރަމްޕް ވަނީ ގްރީންލޭންޑަކީ އެމެރިކާގެ ސަލާމަތީ ރައްކާތެރިކަމަށް މުހިންމު ތަނެއް ކަމަށް މީގެ ކުރިން ވިދާޅުވެފައެވެ. މިކަމާ ގުޅިގެން ޔޫރަޕިއަން ކައުންސިލްގެ ރައީސް އެންޓޯނިއޯ ކޮސްޓާ ވިދާޅުވީ، ގްރީންލޭންޑުގެ މިނިވަންކަމަށް އުނިކަމެއް އަންނަ އެއްވެސް އަމަލެއް ބަލައިނުގަންނާނެ ކަމަށާއި، އެ ޖަޒީރާގެ މުސްތަޤްބަލާ ބެހޭގޮތުން ޑެންމާކާއި ގްރީންލޭންޑުގެ ރައްޔިތުންނާ ނުލައި އެއްވެސް ނިންމުމެއް ނުނިންމޭނެ ކަމަށެވެ.
ޑެންމާކުގެ ފޮރިން މިނިސްޓަރު ލާސް ލޮކޭ ރަސްމުސެން ވިދާޅުވީ، ބާރުގެ ބޭނުންކޮށްގެން ގްރީންލޭންޑް ހިފަން އުޅުމަކީ ނޭޓޯ އާއި ވޭތުވެދިޔަ 80 އަހަރުގެ ސަލާމަތީ ގުޅުންތައް ނިމުމަކަށް އަންނާނެ ކަމެއް ކަމަށެވެ. އެމެރިކާގެ ވައިޓް ހައުސްއިން ބުނަމުންދަނީ ގްރީންލޭންޑް ގަތުމުގެ ޝައުޤުވެރިކަން އެބައޮތް ކަމަށާއި، އެއީ ރަޝިޔާއާއި ޗައިނާގެ ނުފޫޒު އާކްޓިކް ސަރަޙައްދުގައި ކުޑަކުރުމަށް ކުރަން ބޭނުންވާ ކަމެއް ކަމަށެވެ. ނަމަވެސް ބާރުގެ ބޭނުންކުރުމުގެ އިހުތިޔާރު އެމެރިކާއިން އަދި މުޅިއަކުން ދޫކޮށްލާފައެއް ނުވެއެވެ.
އަންނަ ހަފުތާގައި ޑެންމާކާއި ގްރީންލޭންޑުގެ އިސް އޮފިޝަލުން އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯއާ ބައްދަލުކޮށް މި މައްސަލައިގައި މަޝްވަރާ ކުރުމަށް ވަނީ ހަމަޖެހިފައެވެ. އާބާދީގައި 57,000 މީހުން ދިރިއުޅޭ، ދުނިޔޭގެ އެންމެ ބޮޑު ޖަޒީރާ ކަމަށްވާ ގްރީންލޭންޑުގެ މައްސަލައަކީ މިވަގުތު ބައިނަލްއަޤްވާމީ ސިޔާސީ މަސްރަޙުގައި އެންމެ ހޫނުވެފައިވާ އެއް މައްސަލައެވެ.
ފްރާންސްގެ ފޮރިން މިނިސްޓަރު ޖީން-ނޮއެލް ބަރޮޓް ވިދާޅުވި ގޮތުގައި، އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯއާ ފޯނުން ވާހަކަދެއްކެވިއިރު، ވެނެޒުއޭލާގައި ކަންތައްވީ ގޮތަށް ގްރީންލޭންޑުގައި ކަންތައް ނުވާނެ ކަމުގެ އިޝާރާތެއް އޭނާ ދެއްވި ކަމަށެވެ. ނަމަވެސް، ވޭތުވެދިޔަ ހޮނިހިރު ދުވަހު އެމެރިކާގެ އަސްކަރީ ބާރު ބޭނުންކޮށްގެން ވެނެޒުއޭލާގެ ރައީސް ނިކޮލަސް މަދޫރޯ ހައްޔަރުކޮށް، ނިއު ޔޯކަށް ގެންދިޔަ ހާދިސާއާ ގުޅިގެން، ބައިނަލްއަޤްވާމީ މުޖުތަމަޢުގައި ވަނީ ބޮޑު ސިހުމަކާއި ބިރުވެރިކަމެއް އުފެދިފައެވެ.
އެމެރިކާގެ ރައީސް ޑޮނަލްޑް ޓްރަމްޕް ވަނީ ގްރީންލޭންޑަކީ އެމެރިކާގެ ސަލާމަތީ ރައްކާތެރިކަމަށް މުހިންމު ތަނެއް ކަމަށް މީގެ ކުރިން ވިދާޅުވެފައެވެ. މިކަމާ ގުޅިގެން ޔޫރަޕިއަން ކައުންސިލްގެ ރައީސް އެންޓޯނިއޯ ކޮސްޓާ ވިދާޅުވީ، ގްރީންލޭންޑުގެ މިނިވަންކަމަށް އުނިކަމެއް އަންނަ އެއްވެސް އަމަލެއް ބަލައިނުގަންނާނެ ކަމަށާއި، އެ ޖަޒީރާގެ މުސްތަޤްބަލާ ބެހޭގޮތުން ޑެންމާކާއި ގްރީންލޭންޑުގެ ރައްޔިތުންނާ ނުލައި އެއްވެސް ނިންމުމެއް ނުނިންމޭނެ ކަމަށެވެ.
އަންނަ ހަފުތާގައި ޑެންމާކާއި ގްރީންލޭންޑުގެ އިސް އޮފިޝަލުން އެމެރިކާގެ ސެކްރެޓަރީ އޮފް ސްޓޭޓް މާކޯ ރޫބިއޯއާ ބައްދަލުކޮށް މި މައްސަލައިގައި މަޝްވަރާ ކުރުމަށް ވަނީ ހަމަޖެހިފައެވެ. އާބާދީގައި 57,000 މީހުން ދިރިއުޅޭ، ދުނިޔޭގެ އެންމެ ބޮޑު ޖަޒީރާ ކަމަށްވާ ގްރީންލޭންޑުގެ މައްސަލައަކީ މިވަގުތު ބައިނަލްއަޤްވާމީ ސިޔާސީ މަސްރަޙުގައި އެންމެ ހޫނުވެފައިވާ އެއް މައްސަލައެވެ.
ކިޔުންތެރިންގެ ހިޔާލު