ވެރިކަން ކުރާ ޕީއެންސީއަށް ނިސްބަތްވާ ރައްޔިތުންގެ މަޖިލީހުގެ މެމްބަރުންނަކީ 24 ގަޑިއިރު ރައްޔިތުންގެ ޚިދުމަތުގައި ދެމިތިބޭނެ ބައެއް ކަމަށް މައްޗަންގޮޅި އުތުރު ދާއިރާގެ މެންބަރު އިބްރާހީމް މުހައްމަދު (އިއްބެ) ވިދާޅުވެއްޖެއެވެ.
"ސަންގުޓީވީ" ގެ ޕްރޮގްރާމެއްގައި ވާހަކަދައްކަވަމުން އިއްބެ މިހެން ވިދާޅުވީ، މަޖިލިސް ޗުއްޓީގައި އޮއްވާ ދައުރުން ބޭރުން ޖަލްސާތައް ބާއްވާތީ އިދިކޮޅު ފަރާތްތަކުން ކުރަމުންދާ ފާޑުކިޔުންތަކަށް ރައްދު ދެއްވަމުންނެވެ.
އިއްބެ ވިދާޅުވި ގޮތުގައި މަޖިލިސް ރަސްމީކޮށް ޗުއްޓީގައި އޮތް ނަމަވެސް، މިހާރު ހުށަހަޅާފައިވާ އިސްލާހުތަކަކީ ރައްޔިތުންނަށް ނުހަނު ބޭނުންތެރި ކަންކަމެވެ. ކަންކަން ނޭވާހޮޅިއަށް އެޅެންދެން މަޑުކުރުމުގެ ބަދަލުގައި، ޕީއެންސީގެ މެމްބަރުން އިސްކަން ދެއްވީ ޗުއްޓީގައި ވެސް ރައްޔިތުންނަށް ބޭނުންވާ ޚިދުމަތްތައް ފޯރުކޮށްދިނުމަށް ކަމަށް އޭނާ ފާހަގަކުރެއްވިއެވެ.
އަދި ސަރުކާރުން ވެސް ޕީއެންސީގެ މެމްބަރުންނަކީ ޗުއްޓީގައި ތިބި ބައެއްގެ ގޮތުގައި ނުދެކޭ ކަމަށާއި، ދައުލަތް ހިންގުމަށް ބޭނުންވާ ގާނޫނީ އެހީތެރިކަން ފޯރުކޮށްދިނުމަކީ ކޮންމެ ވަގުތަކުވެސް ކުރަންޖެހޭނެ މަސައްކަތެއް ކަމަށް އޭނާ ވިދާޅުވިއެވެ.
މި މަހުގެ ކުރީކޮޅު ދައުރުން ބޭރުގައި ބޭއްވި ޖަލްސާއަށް ވަނީ ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމަށް ގާނޫނުއަސާސީއަށް ގެންނަންޖެހޭ އިސްލާހުތަކުގެ ބިލު ހުށަހަޅާފައެވެ.
މި ބިލު މިހާރު ވަނީ މިނިވަން މުއައްސަސާތަކާ ބެހޭ ކޮމިޓީއަށް ދިރާސާކުރުމަށް ފޮނުވާފައެވެ. އިއްބެ ވިދާޅުވީ އިދިކޮޅު ފަރާތްތަކުން "ދައުރުން ބޭރު" ކަމަށް ބުނެ ވާހަކަދެއްކި ނަމަވެސް، ވެރިކަން ކުރާ ޕާޓީގެ މެމްބަރުންނަށް އެއީ ވަކި ދައުރެއް އޮތް ކަމެއް ނޫން ކަމަށާއި، ރައްޔިތުންގެ ހައްގުގައި ކުރާ ކޮންމެ މަސައްކަތަކީ ދައުރުގެ ތެރޭގައި ކުރެވޭ ކަމެއްގެ ގޮތުގައި ބަލާނެ ކަމަށެވެ.
މީގެ އިތުރުން، ދެ އިންތިހާބު އެއްކޮށްލުމަކީ އިދިކޮޅު އެމްޑީޕީން ވެސް ބޭނުންވާ ބަދަލެއް ކަމަށް އިއްބެ ތުހުމަތު ކުރެއްވިއެވެ. ނަމަވެސް، މިހާރު އެ ފަރާތްތަކުން ފާޑުކިޔަމުންދަނީ ހަމައެކަނި ސިޔާސީ ބަހަނާއެއް ދެއްކުމުގެ ގޮތުން ކަމަށް ވެސް އޭނާ ވިދާޅުވިއެވެ.
އިއްބެ ވިދާޅުވި ގޮތުގައި މަޖިލިސް ރަސްމީކޮށް ޗުއްޓީގައި އޮތް ނަމަވެސް، މިހާރު ހުށަހަޅާފައިވާ އިސްލާހުތަކަކީ ރައްޔިތުންނަށް ނުހަނު ބޭނުންތެރި ކަންކަމެވެ. ކަންކަން ނޭވާހޮޅިއަށް އެޅެންދެން މަޑުކުރުމުގެ ބަދަލުގައި، ޕީއެންސީގެ މެމްބަރުން އިސްކަން ދެއްވީ ޗުއްޓީގައި ވެސް ރައްޔިތުންނަށް ބޭނުންވާ ޚިދުމަތްތައް ފޯރުކޮށްދިނުމަށް ކަމަށް އޭނާ ފާހަގަކުރެއްވިއެވެ.
އަދި ސަރުކާރުން ވެސް ޕީއެންސީގެ މެމްބަރުންނަކީ ޗުއްޓީގައި ތިބި ބައެއްގެ ގޮތުގައި ނުދެކޭ ކަމަށާއި، ދައުލަތް ހިންގުމަށް ބޭނުންވާ ގާނޫނީ އެހީތެރިކަން ފޯރުކޮށްދިނުމަކީ ކޮންމެ ވަގުތަކުވެސް ކުރަންޖެހޭނެ މަސައްކަތެއް ކަމަށް އޭނާ ވިދާޅުވިއެވެ.
މި މަހުގެ ކުރީކޮޅު ދައުރުން ބޭރުގައި ބޭއްވި ޖަލްސާއަށް ވަނީ ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމަށް ގާނޫނުއަސާސީއަށް ގެންނަންޖެހޭ އިސްލާހުތަކުގެ ބިލު ހުށަހަޅާފައެވެ.
މީގެ އިތުރުން، ދެ އިންތިހާބު އެއްކޮށްލުމަކީ އިދިކޮޅު އެމްޑީޕީން ވެސް ބޭނުންވާ ބަދަލެއް ކަމަށް އިއްބެ ތުހުމަތު ކުރެއްވިއެވެ. ނަމަވެސް، މިހާރު އެ ފަރާތްތަކުން ފާޑުކިޔަމުންދަނީ ހަމައެކަނި ސިޔާސީ ބަހަނާއެއް ދެއްކުމުގެ ގޮތުން ކަމަށް ވެސް އޭނާ ވިދާޅުވިއެވެ.
ކިޔުންތެރިންގެ ހިޔާލު