ރައީސުލްޖުމްހޫރިއްޔާއަށް ގާނޫނުއަސާސީން ލިބިދީފައިވާ ބާރުތަކުގެ ބޭރުން އިތުރު ބާރުތައް ހޯދުމަށް މަސައްކަތް ކުރުމަކީ ދިވެހި ރައްޔިތުން އަޅުވެތިކުރުމަށް ކުރާ މަސައްކަތެއް ކަމަށް ރައްޔިތުންގެ މަޖިލީހުގެ ކުރީގެ ނައިބު ރައީސް މޫސާ މަނިކު (ރީކޯ) ވިދާޅުވެއްޖެއެވެ.
މީސްމީޑިއާގައި ޙިއްސާ ކުރެއްވި މެސެޖެއްގައި މޫސާ މަނިކު ވިދާޅުވީ، ރައީސުލްޖުމްހޫރިއްޔާ ބޭނުންފުޅުވެގެން ކައުންސިލްތައް ކޮންޓްރޯލް ކުރާނެ މިނިސްޓްރީއެއް އުފައްދަވައި، ލާމަރުކަޒީ ގާނޫނުގެ ބާރު ކައުންސިލްތަކުން ކަނޑުވާލުމަށް މަސައްކަތް ކުރަމުންދާ ކަމަށެވެ. އަދި ރައްޔިތުންގެ މަޖިލީހާއި، ފަނޑިޔާރުގެތަކާއި، މިނިވަން މުއައްސަސާތަކުގެ އިތުރުން ދައުލަތުގެ ހުރިހާ އިދާރާތަކެއްގެ ފުރިހަމަ ކޮންޓްރޯލް ރައީސް ނަންގަވަމުންދާ ކަމަށް އޭނާ ތުހުމަތު ކުރެއްވިއެވެ.
މޫސަ ވިދާޅުވީ، ސިޓީތަކުގެ މޭޔަރުންނަށްވެސް ރައީސުލްޖުމްހޫރިއްޔާ ބޭނުންފުޅުވާ ބަޔަކު އިންތިޚާބު ކުރުމަށް ފަހު، ގައުމުގެ ގާނޫނުތައް ހިންގުމުގައި ރައްޔިތުންގެ އެއްވެސް ބަހެއް ނެތް ހިސާބަށް ކަންކަން ގެންދިއުމަށް ސަރުކާރުން މިސްރާބު ހިފާފައިވާ ކަމަށެވެ.
ހަމައެއާއެކު ގާނޫނުއަސާސީގެ 115 ވަނަ މާއްދާއިން ރައީސުލްޖުމްހޫރިއްޔާއަށް މަތިކޮށްފައިވާ ޒިންމާތަކަށްވުރެ އިތުރަށް ބާރުތައް ނެންގެވުމަށް ފާޅުގައި އިއުލާނު ކުރެއްވުމަކީ ގާނޫނުއަސާސީގެ ބާރު ކަނޑުވާލުން ކަމަށް މޫސަ ވިދާޅުވިއެވެ. އޭނާ ސިފަކުރަށްވާފައި ވަނީ، އެފަދަ ޢަމަލުތަކަކީ ވެރިކަން ޚުދުމުޚްތާރު ނިޒާމަކަށް ބަދަލުކޮށް، ދިވެހި ރައްޔިތުން އަޅުވެތި ކުރުމަށް ފާޅުގައި ގޮވާލުން ކަމަށެވެ.
މީގެ އިތުރުން، ގާނޫނުއަސާސީގެ 4 ވަނަ މާއްދާއިން ރައްޔިތުންނަށް ލިބިދީފައިވާ ހުރިހާ ބާރުތަކެއް ކަނޑުވާލުމުގައި އެއްވެސް ގޮތަކުން ބައިވެރިވުމަކީ ކުށެއް ކަމަށް ވެސް މޫސާ މަނިކު ވިދާޅުވިއެވެ.
މޫސާ މަނިކު މިހެން ވިދާޅުވެފައިވާއިރު، މިހާރުގެ ސަރުކާރުން ކައުންސިލްތަކާއި ދައުލަތުގެ އެހެން މުއައްސަސާތަކަށް ނުފޫޒު ފޯރުވަމުންދާ ކަމަށް އިދިކޮޅު ފަރާތްތަކުން ދަނީ ބުނަމުންނެވެ. އަދި ކޮންގްރެސް ޕާޓީގެ ފަރާތުން ދާދިފަހުން ބޭއްވި ކެމްޕޭން ހަރަކާތެއްގައި، ރައީސް މުއިއްޒު ވަނީ، ރައްޔިތުންނާ ސަރުކާރާ ދެމެދަށް އިދިކީލި ވިސްނުންތަކެއް ވެއްދުމަށް ފުރުސަތު ދެވިގެން ނުވާނެ ކަމަށާއި، ކައުންސިލް އިންތިހާބުގަައި، ރައްޔިތުންނާއި ސަރުކާރާ ދެމެދަށް ހުރަސް އެޅޭގޮތަށް، ސިޔާސީ ސަކަރާތް ޖެހުމަށާއި، ސިޔާސީ ޖަގަޑާ ހެދުމަށް ފުރުސަތު ނުދިނުމަށް ގޮވާލައްވާފައެވެ.
މޫސަ ވިދާޅުވީ، ސިޓީތަކުގެ މޭޔަރުންނަށްވެސް ރައީސުލްޖުމްހޫރިއްޔާ ބޭނުންފުޅުވާ ބަޔަކު އިންތިޚާބު ކުރުމަށް ފަހު، ގައުމުގެ ގާނޫނުތައް ހިންގުމުގައި ރައްޔިތުންގެ އެއްވެސް ބަހެއް ނެތް ހިސާބަށް ކަންކަން ގެންދިއުމަށް ސަރުކާރުން މިސްރާބު ހިފާފައިވާ ކަމަށެވެ.
ހަމައެއާއެކު ގާނޫނުއަސާސީގެ 115 ވަނަ މާއްދާއިން ރައީސުލްޖުމްހޫރިއްޔާއަށް މަތިކޮށްފައިވާ ޒިންމާތަކަށްވުރެ އިތުރަށް ބާރުތައް ނެންގެވުމަށް ފާޅުގައި އިއުލާނު ކުރެއްވުމަކީ ގާނޫނުއަސާސީގެ ބާރު ކަނޑުވާލުން ކަމަށް މޫސަ ވިދާޅުވިއެވެ. އޭނާ ސިފަކުރަށްވާފައި ވަނީ، އެފަދަ ޢަމަލުތަކަކީ ވެރިކަން ޚުދުމުޚްތާރު ނިޒާމަކަށް ބަދަލުކޮށް، ދިވެހި ރައްޔިތުން އަޅުވެތި ކުރުމަށް ފާޅުގައި ގޮވާލުން ކަމަށެވެ.
މޫސާ މަނިކު މިހެން ވިދާޅުވެފައިވާއިރު، މިހާރުގެ ސަރުކާރުން ކައުންސިލްތަކާއި ދައުލަތުގެ އެހެން މުއައްސަސާތަކަށް ނުފޫޒު ފޯރުވަމުންދާ ކަމަށް އިދިކޮޅު ފަރާތްތަކުން ދަނީ ބުނަމުންނެވެ. އަދި ކޮންގްރެސް ޕާޓީގެ ފަރާތުން ދާދިފަހުން ބޭއްވި ކެމްޕޭން ހަރަކާތެއްގައި، ރައީސް މުއިއްޒު ވަނީ، ރައްޔިތުންނާ ސަރުކާރާ ދެމެދަށް އިދިކީލި ވިސްނުންތަކެއް ވެއްދުމަށް ފުރުސަތު ދެވިގެން ނުވާނެ ކަމަށާއި، ކައުންސިލް އިންތިހާބުގަައި، ރައްޔިތުންނާއި ސަރުކާރާ ދެމެދަށް ހުރަސް އެޅޭގޮތަށް، ސިޔާސީ ސަކަރާތް ޖެހުމަށާއި، ސިޔާސީ ޖަގަޑާ ހެދުމަށް ފުރުސަތު ނުދިނުމަށް ގޮވާލައްވާފައެވެ.
ކިޔުންތެރިންގެ ހިޔާލު