ސަރުކާރުގެ ސިޔާސަތުތައް ތަންފީޒުކުރުމުގައި އެއްބާރުލުންދޭނެ ކައުންސިލަރުންނާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީ (ޑަބްލިއުޑީސީ) ގެ މެންބަރުން ނުހޮވައިފިނަމަ، އޭގެ ނޭދެވޭ އަސަރު ހުރިހާ ރައްޔިތުންނަށް ކުރާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަނބިކަނބަލުން މެޑަމް ސާޖިދާ މުޙައްމަދު މިރޭ ވިދާޅުވެއްޖެއެވެ.
ޕީއެންސީގެ ފަރާތުން ބޭއްވި ކެމްޕެއިން ހަފުލާއެއްގައި ވާހަކަފުޅު ދައްކަވަމުން ފަސްޓް ލޭޑީ ސާޖިދާ ވިދާޅުވީ، މިހާރުގެ ރައީސުލްޖުމްހޫރިއްޔާއަކީ ވަކި ސިޔާސަތުތަކަކާ އެކު ރައްޔިތުންނަށްޓަކައި ރެޔާއި ދުވާލު ނުނިދާ މަސައްކަތް ކުރައްވަމުންދާ ވެރިއެއް ކަމަށެވެ. އެހެންކަމުން، އެމަނިކުފާނާއެކު މަސައްކަތް ކުރާނެ ކައުންސިލަރުންނާއި ޑަބްލިއުޑީސީގެ މެންބަރުން އިޚްތިޔާރު ކުރުމަކީ ކޮންމެހެން ކުރަންޖެހޭނެ ކަމެއް ކަމަށް ސާޖިދާ ވިދާޅުވިއެވެ.
"ސަރުކާރާ ދެކޮޅަށް މަސައްކަތް ކުރާނެ ކަމުގެ ވިސްނުމުގައި ބަޔަކު އަންނަ ނަމަ، އެފަދަ ބަޔަކަށް ރައްޔިތުންނަށް ޚިދުމަތް ދޭ ސަރުކާރަކާ އެކީގައި މަސައްކަތް ނުކުރެވޭނެ. އޭގެން ރައްޔިތުންނަށް އެއްވެސް ފައިދާއެއް ނުވާނެ،" މެޑަމް ސާޖިދާ ވިދާޅުވިއެވެ.
ސާޖިދާ އިތުރަށް ވިދާޅުވީ، މިހާރުގެ ސަރުކާރުން ގެންގުޅުއްވަނީ ރަނގަޅު ސިޔާސަތުތަކެއް ކަމަށާއި، ދީނީ ގޮތުންނާއި ސިޔާސީ ގޮތުން ވެސް ރާއްޖެއަށް ބޭނުންވަނީ ރަނގަޅަށް ކިޔަވައިގެން ތިބި ޤާބިލު ބަޔަކު ކަމަށެވެ. އަދި އިޖުތިމާއީ ގޮތުން ގައުމަށް ކުރިމަތިވެފައިވާ ގޮންޖެހުންތަކަށް ހައްލު ހޯއްދަވައިދެއްވުމަށް ރައީސް މުޢިއްޒު އުނދަގޫ ނިންމުންތަކެއް ނިންމަވަމުންދާކަން އެކަމަނާ ފާހަގަކުރެއްވިއެވެ. މިގޮތުން ވޭޕް މަނާކުރުން ފަދަ ނިންމުންތަކަށް އެކަމަނާ އިޝާރާތް ކުރެއްވިއެވެ.
ކައުންސިލްތަކަކީ ސަރުކާރުގެ ސިޔާސަތުތައް ތަންފީޒު ކުރުމުގައި ރައްޔިތުންނާ އެންމެ ގާތުން މަސައްކަތް ކުރާ ފަރާތްތައް ކަމަށްވާއިރު، ރައްޔިތުންގެ ބޭނުންތައް ސީދާ ސަރުކާރަށް ގެނެސްދެވޭނެ ބަޔަކު ތިބުމަކީ ރައްޔިތުންނަށް އޭގެ ލާބަޔާއި މަންފާ ކުރާނެ ކަމެއް ކަމަށްވެސް ފަސްޓް ލޭޑީ ވިދާޅުވިއެވެ.
މެޑަމް ސާޖިދާ ވަނީ ޕީއެންސީގެ މޭޔަރު ކެންޑިޑޭޓަށާއި، ޑަބްލިއުޑީސީގެ ރައީސާއަށާއި، މާފަންނު ދެކުނު ދާއިރާގެ ކައުންސިލަށް ވާދަކުރައްވާ ކެންޑިޑޭޓުންނަށް ވޯޓު ދެއްވުމަށް އިލްތިމާސް ކުރައްވާފައެވެ. އަދި މިއީ ހަމައެކަނި ޕީއެންސީގެ މެންބަރުންނަށް އޮތް ކަމެއް ނޫން ކަމަށާއި، މިއީ މުޅި ގައުމުގެ ލާބައަށްޓަކައި އެންމެހާ ރައްޔިތުން ކުރަންޖެހޭ ކަމެއް ކަމަށް އެކަމަނާ ވިދާޅުވިއެވެ.
"ސަރުކާރާ ދެކޮޅަށް މަސައްކަތް ކުރާނެ ކަމުގެ ވިސްނުމުގައި ބަޔަކު އަންނަ ނަމަ، އެފަދަ ބަޔަކަށް ރައްޔިތުންނަށް ޚިދުމަތް ދޭ ސަރުކާރަކާ އެކީގައި މަސައްކަތް ނުކުރެވޭނެ. އޭގެން ރައްޔިތުންނަށް އެއްވެސް ފައިދާއެއް ނުވާނެ،" މެޑަމް ސާޖިދާ ވިދާޅުވިއެވެ.
ސާޖިދާ އިތުރަށް ވިދާޅުވީ، މިހާރުގެ ސަރުކާރުން ގެންގުޅުއްވަނީ ރަނގަޅު ސިޔާސަތުތަކެއް ކަމަށާއި، ދީނީ ގޮތުންނާއި ސިޔާސީ ގޮތުން ވެސް ރާއްޖެއަށް ބޭނުންވަނީ ރަނގަޅަށް ކިޔަވައިގެން ތިބި ޤާބިލު ބަޔަކު ކަމަށެވެ. އަދި އިޖުތިމާއީ ގޮތުން ގައުމަށް ކުރިމަތިވެފައިވާ ގޮންޖެހުންތަކަށް ހައްލު ހޯއްދަވައިދެއްވުމަށް ރައީސް މުޢިއްޒު އުނދަގޫ ނިންމުންތަކެއް ނިންމަވަމުންދާކަން އެކަމަނާ ފާހަގަކުރެއްވިއެވެ. މިގޮތުން ވޭޕް މަނާކުރުން ފަދަ ނިންމުންތަކަށް އެކަމަނާ އިޝާރާތް ކުރެއްވިއެވެ.
މެޑަމް ސާޖިދާ ވަނީ ޕީއެންސީގެ މޭޔަރު ކެންޑިޑޭޓަށާއި، ޑަބްލިއުޑީސީގެ ރައީސާއަށާއި، މާފަންނު ދެކުނު ދާއިރާގެ ކައުންސިލަށް ވާދަކުރައްވާ ކެންޑިޑޭޓުންނަށް ވޯޓު ދެއްވުމަށް އިލްތިމާސް ކުރައްވާފައެވެ. އަދި މިއީ ހަމައެކަނި ޕީއެންސީގެ މެންބަރުންނަށް އޮތް ކަމެއް ނޫން ކަމަށާއި، މިއީ މުޅި ގައުމުގެ ލާބައަށްޓަކައި އެންމެހާ ރައްޔިތުން ކުރަންޖެހޭ ކަމެއް ކަމަށް އެކަމަނާ ވިދާޅުވިއެވެ.
ކިޔުންތެރިންގެ ހިޔާލު