ރާއްޖޭގެ އަތޮޅު ކައުންސިލްތައް އުވާލުމަށް ސަރުކާރުން ނިންމި ނިންމުމަކީ، ރައްޔިތުންގެ މެދުގައި ސަރުކާރަށް އޮތް ތާއީދު ކުޑަވަމުންދާ މިންވަރު ފޮރުވުމަށްޓަކައި އެޅި ފިޔަވަޅެއް ކަމަށް ރައްޔިތުންގެ މަޖިލީހުގެ ހުޅުމާލޭ ދާއިރާގެ ކުރީގެ މެންބަރު އަދި ލާމަރުކަޒީ ކޮމެޓީގެ ކުރީގެ މުގައްރިރު އަލީ ނިޔާޒް މިރޭ ވިދާޅުވެއްޖެއެވެ.
ރާއްޖެ ޓީވީގެ ޕްރޮގްރާމެއްގައި މިރޭ ވާހަކަދައްކަވަމުން މަޖިލީހުގެ ހުޅުމާލޭ ދާއިރާގެ ކުރީގެ މެންބަރު ނިޔާޒް ވިދާޅުވީ، އަތޮޅު ކައުންސިލްތަކުގެ ރައީސުން އިންތިޚާބު ކުރުމަކީ މުޅި އަތޮޅުގެ ރައްޔިތުން ވޯޓުލާ ކަމަކަށް ވާއިރު، އެއީ މުޅި އަތޮޅުގެ ރައްޔިތުންގެ މެޖޯރިޓީ ސަރުކާރާ މެދު ދެކޭގޮތް ހާމަވެގެންދާނެ އިންތިޚާބެއް ކަމަށެވެ. މީގެ ކުރިން ބޭއްވި އިންތިޚާބުތަކުގައި ނަތީޖާ އައީ އޭރުގެ ސަރުކާރާ ދެކޮޅަށް އެމްޑީޕީއާ އެއްކޮޅަށްކަން ނިޔާޒް ވަނީ ފާހަގަކުރައްވާފައެވެ.
"މިޑްޓާމް އިލެކްޝަނެއް އަންނައިރު ރާއްޖޭގެ ރައްޔިތުންގެ ވިސްނުން ސަރުކާރާ ދެކޮޅަށް ހުންނަތަން ފެންނާތީ، އެކަން ފޮރުވަން އަތޮޅު ކައުންސިލްތައް އެ އުވާލީ. އެއީ އެއްވެސް ހާލެއްގައި ޚަރަދު ކުޑަކުރުމަށް ކުރި ކަމެއް ނޫން،" ނިޔާޒް ވިދާޅުވިއެވެ.
މީގެ އިތުރުން ނިޔާޒް އިތުރަށް ވިދާޅުވީ، އަތޮޅު ކައުންސިލްތަކުގެ ބާރުތައް ކަނޑުވާލައި، އެޓޯލްސް މިނިސްޓަރުގެ ދަށަށް ކަންކަން ގެންދިއުމުގެ މަސައްކަތް މިހާރު ފެށިފައިވާ ކަމަށެވެ. އެގޮތުން، އެޓޯލްސް މިނިސްޓަރު މިއަދު 500 ވަޒީފާ އިޢުލާން ކުރައްވަން އުޅުއްވާކަމުގެ މަޢުލޫމާތު ލިބިފައިވާ ކަމަށާއި، މިއީ ރައްޔިތުން އިންތިޚާބުކޮށްފައި ތިބި މީހުން ދުރުކޮށް، ސަރުކާރުން އައްޔަންކުރާ ބައެއްގެ ބެލުމުގެ ދަށަށް ކަންކަން ގެންދިއުމަށް ކުރާ މަސައްކަތެއްގެ ގޮތުގައި އޭނާ ސިފަކުރެއްވިއެވެ.
މި ނިޒާމު ބަދަލުކުރުމުގެ ބާރު އޮތީ ރައްޔިތުންގެ އަތްމަތީގައި ކަމަށް ފާހަގަކުރައްވައި ނިޔާޒް ވިދާޅުވީ، މިފަހަރުގެ އިންތިޚާބުގައި ރައްޔިތުން ނިކުމެ މި ނިޒާމާ އެއްކޮޅަށް ވޯޓު ދޭންޖެހޭ ކަމަށެވެ. އަދި އަތޮޅު ކައުންސިލްތައް އުވާލީ ގޯސްކޮށްކަން ރައްޔިތުން ސާބިތުކޮށްދޭން ޖެހޭ ކަމަށްވެސް އޭނާ ވިދާޅުވިއެވެ.
ސަރުކާރުގެ ނުފޫޒުތަކާ އެކުވެސް ރައްޔިތުން ތިބީ ވަރަށް ހޭލުންތެރިކަމާއެކު ވިސްނައިގެން ކަމަށާއި، ކުރިއަށް އޮތް މިޑްޓާމް އިންތިޚާބުގައި ރައީސް ޑރ. މުޙައްމަދު މުޢިއްޒު ބަލިވެވަޑައިގަންނަވާ ތަން ފެނިގެންދާނެ ކަމަށް ނިޔާޒް ވިދާޅުވިއެވެ. އިދިކޮޅު ފަރާތްތަކާ ރައްޔިތުންނާ އޮތް ގުޅުން ވަރަށް ބަދަހިކޮށް އެބައޮތް ކަމަށް ނިޔާޒް ވިދާޅުވިއެވެ.
ލާމަރުކަޒީ ގާނޫނަށް ސަރުކާރުން ގެނައި އިސްލާހުތަކާ ގުޅިގެން އަތޮޅު ކައުންސިލްތައް ވަނީ އުވާލާފައެވެ. މި ބަދަލާއެކު، ކުރިއަށް އޮތް ލޯކަލް ކައުންސިލް އިންތިޚާބުގައި އަތޮޅު ކައުންސިލްތަކަށް މެންބަރުން އިންތިޚާބު ކުރުމެއް ނޯންނާނެއެވެ.
"މިޑްޓާމް އިލެކްޝަނެއް އަންނައިރު ރާއްޖޭގެ ރައްޔިތުންގެ ވިސްނުން ސަރުކާރާ ދެކޮޅަށް ހުންނަތަން ފެންނާތީ، އެކަން ފޮރުވަން އަތޮޅު ކައުންސިލްތައް އެ އުވާލީ. އެއީ އެއްވެސް ހާލެއްގައި ޚަރަދު ކުޑަކުރުމަށް ކުރި ކަމެއް ނޫން،" ނިޔާޒް ވިދާޅުވިއެވެ.
މީގެ އިތުރުން ނިޔާޒް އިތުރަށް ވިދާޅުވީ، އަތޮޅު ކައުންސިލްތަކުގެ ބާރުތައް ކަނޑުވާލައި، އެޓޯލްސް މިނިސްޓަރުގެ ދަށަށް ކަންކަން ގެންދިއުމުގެ މަސައްކަތް މިހާރު ފެށިފައިވާ ކަމަށެވެ. އެގޮތުން، އެޓޯލްސް މިނިސްޓަރު މިއަދު 500 ވަޒީފާ އިޢުލާން ކުރައްވަން އުޅުއްވާކަމުގެ މަޢުލޫމާތު ލިބިފައިވާ ކަމަށާއި، މިއީ ރައްޔިތުން އިންތިޚާބުކޮށްފައި ތިބި މީހުން ދުރުކޮށް، ސަރުކާރުން އައްޔަންކުރާ ބައެއްގެ ބެލުމުގެ ދަށަށް ކަންކަން ގެންދިއުމަށް ކުރާ މަސައްކަތެއްގެ ގޮތުގައި އޭނާ ސިފަކުރެއްވިއެވެ.
މި ނިޒާމު ބަދަލުކުރުމުގެ ބާރު އޮތީ ރައްޔިތުންގެ އަތްމަތީގައި ކަމަށް ފާހަގަކުރައްވައި ނިޔާޒް ވިދާޅުވީ، މިފަހަރުގެ އިންތިޚާބުގައި ރައްޔިތުން ނިކުމެ މި ނިޒާމާ އެއްކޮޅަށް ވޯޓު ދޭންޖެހޭ ކަމަށެވެ. އަދި އަތޮޅު ކައުންސިލްތައް އުވާލީ ގޯސްކޮށްކަން ރައްޔިތުން ސާބިތުކޮށްދޭން ޖެހޭ ކަމަށްވެސް އޭނާ ވިދާޅުވިއެވެ.
ލާމަރުކަޒީ ގާނޫނަށް ސަރުކާރުން ގެނައި އިސްލާހުތަކާ ގުޅިގެން އަތޮޅު ކައުންސިލްތައް ވަނީ އުވާލާފައެވެ. މި ބަދަލާއެކު، ކުރިއަށް އޮތް ލޯކަލް ކައުންސިލް އިންތިޚާބުގައި އަތޮޅު ކައުންސިލްތަކަށް މެންބަރުން އިންތިޚާބު ކުރުމެއް ނޯންނާނެއެވެ.
ކިޔުންތެރިންގެ ހިޔާލު