ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ހަގީގީ ބޭނުންފުޅަކީ ރައްޔިތުންގެ ބާރު ކުޑަކޮށް، ނިކަމެތި ހާލަތެއްގައި ބައިތިއްބައިގެން މަޖުބޫރުކޮށްގެން އިންތިޚާބުތައް ކާމިޔާބުކުރުން ކަމަށް ރައްޔިތުންގެ މަޖިލީހުގެ ދާންދޫ ދާއިރާގެ ކުރީގެ މެންބަރު ޔައުގޫބު އަބްދުﷲ ވިދާޅުވެއްޖެއެވެ.
ރާއްޖޭގެ މީޑިއާއެއްގައި ރޭ ވާހަކަ ދައްކަވަމުން ޔައުގޫބު ވިދާޅުވީ، ސަރުކާރުގެ ބަޖެޓުގެ ތަފުސީލުތަކަށް ބަލާއިރު، ޕީއެސްއައިޕީ އަށް ކަނޑައަޅާފައިވާ ގާތްގަނޑަކަށް 12 ބިލިއަން ރުފިޔާގެ ތެރެއިން 8 ބިލިއަން ރުފިޔާއަކީ މުސާރައާއި އިނާޔަތްތަކަށް ހިނގާނެ ހަރަދު ކަމަށެވެ. އެހެންކަމުން، ތަރައްގީގެ މަޝްރޫއުތަކަށް އެއްވެސް އެއްޗެއް ނޯންނާނެ ކަމަށާއި، މިއީ ސިޔާސީ މަންފާއެއް ހޯދުމަށް ކުރާ ކަމެއްގެ ގޮތުގައި އޭނާ ސިފަކުރެއްވިއެވެ.
ޔައުގޫބު ވިދާޅުވީ، ރައީސް މުޢިއްޒު ތަކުރާރުކޮށް "ސައިޒުކުރުން" މި ބަސް ބޭނުންކުރަށްވަނީ ކައުންސިލްތަކުގެ ބާރު ކަނޑުވާލުމުގެ ނިޔަތުގައި ކަމަށެވެ. ކައުންސިލްތައް ސައިޒުކުރަން ޖެހޭ ކަމަށް ވިދާޅުވެ، އަތޮޅު ކައުންސިލްތަކުގެ މާލީ ބާރުވެރިކަން ނިގުޅައިގަނެ، އިންތިޚާބީ މަގާމުތަކުގެ ބަދަލުގައި ސަރުކާރުން އައްޔަންކުރާ "އަތޮޅު ވެރިން" ބޭތިއްބުމަށް މަސައްކަތް ކުރަމުންދާ ކަމަށް އޭނާ ތުހުމަތު ކުރެއްވިއެވެ.
"ރައްޔިތަކު ބާރުވެރިއެއް ނުވާނެ އިގްތިސާދީ ގޮތުން އެމީހަކު ބާރުވެރި ނުވާހާ ހިނދަކު. އެމްޑީޕީގެ ސިޔާސަތަކީ ރައްޔިތުން ބާރުވެރިކުރުވުން،" ޔައުގޫބު ވިދާޅުވިއެވެ.
އޭނާ މިސާލެއްގެ ގޮތުން ދެއްކެވީ މާފުއްޓާއި، ތުލުސްދޫ، އުކުޅަސް އަދި ތޮއްޑޫ ފަދަ ރަށްތަކެވެ. މި ރަށްތަކަކީ ދައުލަތުގެ ބަޖެޓަށް ބަރޯސާނުވެ، އަމިއްލަ އިގްތިސާދެއް ބިނާކޮށްފައިވާ ރަށްތަކެއްކަން އޭނާ ފާހަގަކުރެއްވިއެވެ. އެގޮތުން އެވްރެޖްކޮށް ރަށަކަށް ދައުލަތުން 7 މިލިއަން ހަރަދުކުރާއިރު، އެ ރަށްރަށުން ޓެކްސްގެ ގޮތުގައި އެކަނިވެސް އެތަށް މިލިއަނަށްވުރެ ގިނަ ރުފިޔާ ދައުލަތަށް ދައްކާ ކަމަށް ޔައުގޫބު ވިދާޅުވިއެވެ.
އޭގެއިތުރަށް ޔައުގޫބު ވިދާޅުވީ، ރައްޔިތުން އިގްތިސާދީ ގޮތުން ބާރުވެރިވުމުން ސަރުކާރުން ބޭނުންހާ ގޮތަކަށް ކަންކަން ނުކުރެވޭނެ ކަމަށެވެ. ފުވައްމުލައް ސިޓީވެސް މިހާރު ދަނީ އެފަދަ ބާރުވެރި ލެވެލްއަކަށް ކަމަށާއި، އެކަމުގެ ސަބަބުން ސަރުކާރުގެ ސިޔާސީ ނުފޫޒު އެ ރަށަށް ކުޑަވާނެ ކަމަށް އޭނާ ވިދާޅުވިއެވެ.
"ރައީސް މުޢިއްޒުގެ ބޭނުމަކީ ރައްޔިތުން ނިކަމެތިކޮށްލުން، ނިކަމެތި ކަންމަތީގައި ބަހައްޓާފައި ދެން އިންތިހާބަކަށް ގޮސްފައި އެމީހުންނަށް މަޖުބޫރުކޮށްގެން މަޖުބޫރީ ހާލަތެއްގައި ބައިތިއްބައިގެން ވޯޓް ހޯދައިގެން އިންތިހާބު ކާމިޔާބުކުރުން އެއީ މައިގަނޑު ސިޔާސަތަކީ." ޔައުގޫބު ވިދާޅުވިއެވެ.
ހަމައެއާއެކު ޔައުގޫބް ވަނީ، މި ސަރުކާރަށް ކައުންސިލްތަކުގެ މެޖޯރިޓީ ލިބިއްޖެނަމަ ރަށްރަށުގައި ވިޔަފާރީގެ ފުރުސަތުތައް ބަންދުވެ، ބަޖެޓުވެސް ދުއްވާލާނެ ކަމަށް ވިދާޅުވެފައެވެ. އެހެންކަމުން ކުރިއަށް އޮތް އިންތިޚާބުތަކުގައި ސަރުކާރާ ދެކޮޅަށް، އެމްޑީޕީގެ ކެންޑިޑޭޓުންނަށް ވޯޓު ދިނުމަށް އޭނާ ވަނީ ރައްޔިތުންނަށް އިލްތިމާސް ކުރަށްވާފައެވެ.
ޔައުގޫބު ވިދާޅުވީ، ރައީސް މުޢިއްޒު ތަކުރާރުކޮށް "ސައިޒުކުރުން" މި ބަސް ބޭނުންކުރަށްވަނީ ކައުންސިލްތަކުގެ ބާރު ކަނޑުވާލުމުގެ ނިޔަތުގައި ކަމަށެވެ. ކައުންސިލްތައް ސައިޒުކުރަން ޖެހޭ ކަމަށް ވިދާޅުވެ، އަތޮޅު ކައުންސިލްތަކުގެ މާލީ ބާރުވެރިކަން ނިގުޅައިގަނެ، އިންތިޚާބީ މަގާމުތަކުގެ ބަދަލުގައި ސަރުކާރުން އައްޔަންކުރާ "އަތޮޅު ވެރިން" ބޭތިއްބުމަށް މަސައްކަތް ކުރަމުންދާ ކަމަށް އޭނާ ތުހުމަތު ކުރެއްވިއެވެ.
"ރައްޔިތަކު ބާރުވެރިއެއް ނުވާނެ އިގްތިސާދީ ގޮތުން އެމީހަކު ބާރުވެރި ނުވާހާ ހިނދަކު. އެމްޑީޕީގެ ސިޔާސަތަކީ ރައްޔިތުން ބާރުވެރިކުރުވުން،" ޔައުގޫބު ވިދާޅުވިއެވެ.
އޭނާ މިސާލެއްގެ ގޮތުން ދެއްކެވީ މާފުއްޓާއި، ތުލުސްދޫ، އުކުޅަސް އަދި ތޮއްޑޫ ފަދަ ރަށްތަކެވެ. މި ރަށްތަކަކީ ދައުލަތުގެ ބަޖެޓަށް ބަރޯސާނުވެ، އަމިއްލަ އިގްތިސާދެއް ބިނާކޮށްފައިވާ ރަށްތަކެއްކަން އޭނާ ފާހަގަކުރެއްވިއެވެ. އެގޮތުން އެވްރެޖްކޮށް ރަށަކަށް ދައުލަތުން 7 މިލިއަން ހަރަދުކުރާއިރު، އެ ރަށްރަށުން ޓެކްސްގެ ގޮތުގައި އެކަނިވެސް އެތަށް މިލިއަނަށްވުރެ ގިނަ ރުފިޔާ ދައުލަތަށް ދައްކާ ކަމަށް ޔައުގޫބު ވިދާޅުވިއެވެ.
އޭގެއިތުރަށް ޔައުގޫބު ވިދާޅުވީ، ރައްޔިތުން އިގްތިސާދީ ގޮތުން ބާރުވެރިވުމުން ސަރުކާރުން ބޭނުންހާ ގޮތަކަށް ކަންކަން ނުކުރެވޭނެ ކަމަށެވެ. ފުވައްމުލައް ސިޓީވެސް މިހާރު ދަނީ އެފަދަ ބާރުވެރި ލެވެލްއަކަށް ކަމަށާއި، އެކަމުގެ ސަބަބުން ސަރުކާރުގެ ސިޔާސީ ނުފޫޒު އެ ރަށަށް ކުޑަވާނެ ކަމަށް އޭނާ ވިދާޅުވިއެވެ.
ހަމައެއާއެކު ޔައުގޫބް ވަނީ، މި ސަރުކާރަށް ކައުންސިލްތަކުގެ މެޖޯރިޓީ ލިބިއްޖެނަމަ ރަށްރަށުގައި ވިޔަފާރީގެ ފުރުސަތުތައް ބަންދުވެ، ބަޖެޓުވެސް ދުއްވާލާނެ ކަމަށް ވިދާޅުވެފައެވެ. އެހެންކަމުން ކުރިއަށް އޮތް އިންތިޚާބުތަކުގައި ސަރުކާރާ ދެކޮޅަށް، އެމްޑީޕީގެ ކެންޑިޑޭޓުންނަށް ވޯޓު ދިނުމަށް އޭނާ ވަނީ ރައްޔިތުންނަށް އިލްތިމާސް ކުރަށްވާފައެވެ.
ކިޔުންތެރިންގެ ހިޔާލު