ރިޔާސީ އިންތިޚާބާއި ރައްޔިތުންގެ މަޖިލީހުގެ އިންތިޚާބު އެއްކޮށް ބާއްވާގޮތަށް ޤާނޫނުއަސާސީއަށް ހުށަހަޅާފައިވާ އިސްލާހާ ގުޅޭގޮތުން ސިޔާސީ ޕާޓީތަކުގެ ޚިޔާލު ހޯދަން ރައްޔިތުންގެ މަޖިލީހުގެ މިނިވަން މުއައްސަސާތަކާބެހޭ ކޮމިޓީން ނިންމައިފިއެވެ.
ކޮމިޓީން މިގޮތަށް ނިންމާފައި ވަނީ ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއަށް އިޞްލާޙު ގެނައުމުގެ ބިލު ދިރާސާކުރުމަށް މިއަދު ބޭއްވި ބައްދަލުވުމުގައެވެ.
ދެ އިންތިޚާބު އެކުގައި ބޭއްވުމަށް، ރައްޔިތުންގެ މަޖިލީހުގެ ދައުރުގެ މުއްދަތަށް ބަދަލު ގެނައުމުގެ ބިލު ހުށަހެޅީ ވެރިކަންކުރާ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހީމް ފަލާޙުއެވެ.
މި ބިލާ ގުޅޭގޮތުން މަޝްވަރާކުރުމަށް ކޮމިޓީން ބޭއްވި ބައްދަލުވުމުގައި ވާހަކަދައްކަވަމުން ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވީ، ރާއްޖޭގައި މަލްޓި-ޕާޓީ ނިޒާމެއް އޮތުމާއެކު އިންތިޚާބުތަކަށް ބޮޑު ބަދަލެއް ގެންނައިރު ޕާޓީތަކުގެ ބަސް ހޯދުން މުހިންމު ކަމަށެވެ.
އަދި އިންތިޚާބުތައް ބޭއްވުމުގެ ޤާނޫނީ ޒިންމާ އުފުލަނީ އިލެކްޝަންސް ކޮމިޝަނުން ކަމަށްވާތީ، ޤާނޫނީ ގޮތުން ހުރި ކަންކަމާ މަޝްވަރާ ކުރަން ބޭނުންވާ ކަމަށްވެސް އޭނާ ވަނީ ވިދާޅުވެފައެވެ.
ޝުޖާއު ވިދާޅުވީ އެ ބިލާ ގުޅޭގޮތުން ސިޔާސީ ޕާޓީތަކާއި، އިލެކްޝަންސް ކޮމިޝަނުގެ އިތުރުން، ބަންޑާރަ ނައިބުގެ އޮފީހުގެ ބޭފުޅުންނާ ބައްދަލުކުރުމަށް ބޭނުންވާ ކަމަށެވެ.
އެހެންކަމުން އަންނަ ހޯމަ ދުވަހު އެ ބޭފުޅުންނާއި ބައްދަލުކުރެއްވުމަށް ޝުޖާއު ވަނީ ހުށަހަޅުއްވާފައެވެ. އަދި ކޮމިޓީގެ ބައިވެރިވި މެންބަރުންގެ އިއްތިފާގުން މި ހުށަހެޅުން ވަނީ ފާސްކޮށްފައެވެ.
މި ބިލާ ގުޅޭގޮތުން ސިޔާސީ ޕާޓީތަކުގެ ހިޔާލު ހޯދަން ކޮމިޓީން ނިންމާފައިވާއިރު، އިދިކޮޅު ފަރާތްތަކުން ބުނަމުންދަނީ މި ބަދަލުގެ ސަބަބުން އިންތިޚާބީ ނިޒާމުގެ މިނިވަންކަމާއި ދެފުށް ފެންނަ މިންވަރަށް ނޭދެވޭ އަސަރުކޮށް، ރައްޔިތުންގެ ނިންމުންތަކަށް ސަރުކާރުގެ ނުފޫޒު ފޯރުވުމުގެ ފުރުޞަތު ބޮޑުވެގެންދާނެ ކަމުގެ ކަންބޮޑުވުން އިންތިހާއަށް އެބައޮތް ކަމަށެވެ.
ދެ އިންތިޚާބު އެކުގައި ބޭއްވުމަށް، ރައްޔިތުންގެ މަޖިލީހުގެ ދައުރުގެ މުއްދަތަށް ބަދަލު ގެނައުމުގެ ބިލު ހުށަހެޅީ ވެރިކަންކުރާ ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހީމް ފަލާޙުއެވެ.
މި ބިލާ ގުޅޭގޮތުން މަޝްވަރާކުރުމަށް ކޮމިޓީން ބޭއްވި ބައްދަލުވުމުގައި ވާހަކަދައްކަވަމުން ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު ވިދާޅުވީ، ރާއްޖޭގައި މަލްޓި-ޕާޓީ ނިޒާމެއް އޮތުމާއެކު އިންތިޚާބުތަކަށް ބޮޑު ބަދަލެއް ގެންނައިރު ޕާޓީތަކުގެ ބަސް ހޯދުން މުހިންމު ކަމަށެވެ.
އަދި އިންތިޚާބުތައް ބޭއްވުމުގެ ޤާނޫނީ ޒިންމާ އުފުލަނީ އިލެކްޝަންސް ކޮމިޝަނުން ކަމަށްވާތީ، ޤާނޫނީ ގޮތުން ހުރި ކަންކަމާ މަޝްވަރާ ކުރަން ބޭނުންވާ ކަމަށްވެސް އޭނާ ވަނީ ވިދާޅުވެފައެވެ.
ޝުޖާއު ވިދާޅުވީ އެ ބިލާ ގުޅޭގޮތުން ސިޔާސީ ޕާޓީތަކާއި، އިލެކްޝަންސް ކޮމިޝަނުގެ އިތުރުން، ބަންޑާރަ ނައިބުގެ އޮފީހުގެ ބޭފުޅުންނާ ބައްދަލުކުރުމަށް ބޭނުންވާ ކަމަށެވެ.
މި ބިލާ ގުޅޭގޮތުން ސިޔާސީ ޕާޓީތަކުގެ ހިޔާލު ހޯދަން ކޮމިޓީން ނިންމާފައިވާއިރު، އިދިކޮޅު ފަރާތްތަކުން ބުނަމުންދަނީ މި ބަދަލުގެ ސަބަބުން އިންތިޚާބީ ނިޒާމުގެ މިނިވަންކަމާއި ދެފުށް ފެންނަ މިންވަރަށް ނޭދެވޭ އަސަރުކޮށް، ރައްޔިތުންގެ ނިންމުންތަކަށް ސަރުކާރުގެ ނުފޫޒު ފޯރުވުމުގެ ފުރުޞަތު ބޮޑުވެގެންދާނެ ކަމުގެ ކަންބޮޑުވުން އިންތިހާއަށް އެބައޮތް ކަމަށެވެ.
ކިޔުންތެރިންގެ ހިޔާލު